Kiongozi
Mkuu wa Waislam, Dhehe Shia Ithnasheriya Tanzania Sheikh Hemed Jalala amewataka
Waislamu na wasiokuwa waislamu kuitumia fursa ya mwezi Mtukufu wa Ramadhani
kuachana na matendo yasiyompendeza Mungu na badala yake wajikite katika
kuoneana huruma na kupendana miongoni mwao kwani kufanya hvyo ndiyo Mafundisho
ya Mtume(s.a.w.w).
Akizungumza
na Waandishi wa habari Masjid Ghadir, Kigogo Jijini Dar es salaam wakati wa
tukio la kuukaribuisha Mwezi Mtukufu wa Ramadhani, Sheikh Hemed Jalala amesema
Mwezi wa Ramadhani unamafundisho mengi lakini kubwa watu wanapaswa kuoneana
huruma na kupendana.
Amesema
Jamii haina budi kuhakikisha wanaitumia Ramadhani kwa kuwaonea huruma wazee,
mayatima, vikongwe na majirani zao kwani kufanya hivyo kutaongeza ustawi wa
Amani miongoni mwa jamii.
“Ninawapa Hongera Waislam wote wa Tanzania, Salama
zinazo ambatana na Mkono wa Kheri na Baraka na fanaka na mafanikio kwa kuingia
katika mwezi Mtukufu wa Ramadhani, Pia napenda kuwapa hongera Watanzania wote
kwa Ujumla, Waislam na Wasiokuwa Waislam,
Waislam wakristo pamoja na dini zote zilizopo hapa Tanzania niwape mkono wa
heri na baraka kwa kuingia mwezi huu Mtukufu wa Ramadhani” amesema Sheikh
Jalala
Sheikh Jalala amelaani vikali
mauaji ambayo ameyaita ya kiigaidi yaliyotokea katika mikoa mbalimbali nchini
huku akisema kuwa vitendo hivyo vinakwenda kinyume na Imani ya dini ya Kiislam
na dini yoyote nchini na vinastahili kupingwa na kila mtanzania.
“Dini zote zilizoletwa duniani hazina
mahusiano hata kidogo na hayo yanayotokea, sisi kama viongozi wa dini, kama
Waislamu kama Mashia Inthna-Sheriya tunalaani kitendo hiki na kukipiga vita
“Bali ninatoa wito kwa wakazi wa
maeneo yaliyokumbwa na ukatili huo endapo wataona au kubaini sura ngeni iwe
mtaani au kwenye nyumba zao za ibada watoe taarifa mapema kwenye vyombo vya
usalama” amesema
Sheikh Jalala.
Aidha amewataka watanzania
kuchukua jukumu la kuwa walinzi wa maeneo wanayoishi na kuhakikisha kuwa
wanatoa taarifa haraka pale ambapo wanaona watu au kikundi cha watu ambao
hawaeleweki wakiwa katika maeneo yao huku akivitaka vyombo vya usalama
kuhakikisha kuwa wanachukua taarifa za wananchi na kuzifanyia kazi mara moja
ili kuepuka kutokea kwa matukio ya kigaidi na mauaji kama yaliyotokea mwezi
huu.
“Tukumbuke kuwa siku za hivi
karibuni kumekuwa na mfululizo wa matukio ya mauaji ya kutisha huku wengine
wakichinjwa ambayo yaiyokea mkoani mwanza na mengine mkoani tanga matukio
ambayo yameacha simanzi kwa watanzania walio wengi.”amesema Sheikh Jalala.
