Mtatiro: Maalim Seif hana sababu ya kubembeleza

 
Mwenyekiti wa Kamati ya Uongozi CUF, Julius Mtatiro amesema katibu mkuu wa chama hicho, Maalim Seif hana sababu ya kujibembeleza kwa Rais wa Zanzibar, Dk Mohamed Shein kwa sababu masuala ya maslahi kwa viongozi wastaafu ni ya kikatiba na kisheria na hayatolewi kwa hisani ya mtu.

Akizungumza leo kufuatia kauli ya Rais John Magufuli jana akiwa ziarani visiwani humo kwamba Dk Shein asingesaini posho na matibabu kwa ajili ya Maalim Seif kwa vile alikataa kusalimiana naye, Mtatiro alisema viongozi wastaafu wanastahili kupata matibabu na posho nyingine kwa mujibu wa Katiba na sheria za nchi.

“Tunataka kumweleza Rais Magufuli kwamba Dk Shein hana uwezo wa kufuta matibabu na posho kwa Maalim Seif kwa kuwa yapo kikatiba na kisheria,”alisema.chanzo.mwananchi

Profesa Kitilla: Huruma ya marais waliotangulia imekuza vyama

Kigoma. Kukua na kustawi kwa vyama vya siasa kuanzia mfumo huo ulipoanzishwa mwaka 1992 hadi sasa, kumetokana na huruma ya marais waliotangulia kabla ya awamu iliyopo sasa.

Kauli hiyo ilitolewa na mtaalamu wa elimu na saikolojia kutoka Chuo Kikuu cha Dar es Salaam (UDSM), Profesa Kitilla Mkumbo alipozungumza na baadhi ya wakazi wa Mji wa Kigoma kupitia asasi ya Meza ya Duara ya Watanganyika iliyopo Soko la Mwanga mjini hapa.

Hata hivyo, Profesa Mkumbo alisema anapongeza kitendo cha Rais John Magufuli kuzuia maandamano na mikutano ya vyama vya siasa nchini, kwa vile jambo hilo litawazindua Watanzania kudai Katiba bora ya nchi itakayojenga misingi ya uwajibikaji kwa kila mmoja na kuheshimu sheria.

“Lazima tumpongeze Rais wetu kwa kuzuia mikutano, maandamano na ubabe wa baadhi ya vyama vya siasa, anasaidia sana kukomaza vyama. Kukua kwa vyama vya siasa kulitokana na roho nzuri za marais waliotangulia, lakini sheria za nchi hii ni mbovu,” alisema.chanzo.mwananchi

Rais wa Zimbabwe: Majaji wamefanya uzembe kuruhusu maandamano ya upinzani

Rais Robert Mugabe wa Zimbabwe amewatuhumu majaji wa mahakama za nchi hiyo kuwa wazembe kwa kuruhusu maandamano ya kupinga serikali ambayo baadaye yaligeuka kuwa ya fujo na machafuko.

Mugabe alitoa matamshi hayo jana katika mkutano wa tawi la vijana la chama tawala cha ZANU-PF, siku mbili kabla ya Mahakama Kuu kusikiliza shauri la kupinga uamuzi uliotolewa wiki iliyopita wa kupiga marufuku rasmi maandamano ya upinzani.

 

Serikali ya Zimbabwe ilichukua uamuzi wa kupiga marufuku kwa muda wa wiki mbili maandamano yote katika mji mkuu Harare ambao umekuwa ukishuhudia maandamano ya kulalamikia utendaji wa Rais Mugabe katika kushughulikia matatizo ya uchumi, uhaba wa fedha na ukosefu wa ajira nchini humo.

  

Kwa mujibu wa toleo la leo la gazeti la Sunday Mail, Rais Mugabe aliuambia mkutano huo wa vijana wa chama chake tawala kuwa "hawezi kuvumilia tena" na kwamba hatoruhusu maandamano ya fujo na machafuko yaendelee kufanyika.

Kwa mujibu wa gazeti hilo Mugabe amesema mahakama, mfumo wa sheria na majaji wa Zimbabwe wanapaswa kuwa watu wenye uelewa zaidi kuliko raia wa kawaida na kwamba wasizembee katika maamuzi wanayotoa wakati yanapowasilishwa maombi na watu wanaotaka kuandamana.

Kufuatia kauli hiyo ya Rais Mugabe, kiongozi wa chama cha Kidemokrasia cha Wananchi, Tendai Biti na ambaye pia ni mwanasheria aliyeongoza mpango wa kuwasilisha shauri la kupinga marufuku ya maandamano iliyotangazwa hivi karibuni, amemtuhumu Mugabe kuwa anatoa vitisho dhidi ya mahakama na kukiuka katiba.

Wakiongozwa na Biti, wanaharakati kadhaa wa kisiasa wamewasilisha shauri katika Mahakama Kuu kupinga uamuzi huo wa serikali wakisema kuwa ni kinyume na Katiba. Shauri hilo linatazamiwa kusikilizwa hapo kesho.

Askofu wa Uingereza akiri kuwa ni shoga

Askofu Nicholas Chamberlain wa Grantham nchini Uingereza amekiri kuwa ni shoga, na kwamba Askofu Mkuu wa nchi hiyo alijua suala hilo kabla ya kumteua kuwa askofu.

Askofu Nicholas Chamberlain amesema amekuwa shoga kwa muda mrefu na kwamba amekuwa na mahusiano ya kingono na mwanaume mwenzake. 

Chamberlain anakuwa askofu wa kwanza wa Kanisa la Uingereza (Church of England) kukiri kwamba ni shoga na amelazimika kukiri baada ya gazeti la Sunday kutishia kwamba, litafichua na kuanika wazi tabia hiyo. 

Vyombo vya habari vinasema, suala hilo yumkini likazusha makelele mengi kati ya wafuasi wa kanisa hilo nchini Uingereza.

Askofu Mkuu wa Canterbury, Justin Welby 

Askofu Mkuu wa Canterbury, Justin Welby amekubali kwamba alikuwa na habari kwamba askofu Nicholas Chamberlain ni baladhuli na shoga na kwamba alimteua kuwa askofu kutokana na umahii wake. 

Gazeti al The Guardian la Uingereza limeandika kuwa, katika siku za hivi karibu maaskofu wengi wa Uingereza wamefunga ndoa na mashoga wenzao.

Bikizee wa miaka 87 afungwa karibu mwaka mzima jela Ujerumani, kisa...

Bikizee mmoja wa miaka 87 amehukumiwa kifungo cha miezi minane jela na mahakama moja ya nchini Ujerumaini kwa kosa la kukanusha tukio lililojaa utata la kuuliwa kwa umati Mayahudi nchini humo, maarufu kwa jina la ngano ya Holocaust.

Shirika la habari la Ujerumaini limeripoti habari hiyo n akuongeza kuwa, Ursula Haverbeck, bikizee mwenye umri wa miaka 87 raia wa Ujerumani kwa mara nyingine amekanusha kutokea mauaji hayo na mahakama ya Detmold imeamua kumfunga jela miezi minane. 

Akielezea msimamo wake usiotetereka, Bikizee huyo amesema, Mayahudi walikuwa wakiishi maisha salama na ya kawaida katika kambi ya Wanazi ya Auschwitz, na kamwe hawakuwa wakiadhibiwa bali hiyo ilikuwa ni kambi ya wafanyakazi wa kawaida tu. 

Mahakama nyingine kadhaa zimewahi kutoa hukumu dhidi ya bikizee huyo kutokana na kukanusha mauaji hayo yanayodaiwa kufanywa na Wanazi wa Ujerumaini dhidi ya Mayahudi.

Bi Ursula Haverbeck akiwa katika mahakama ya Detmold, nchini Ujerumani. Uko wapi uhuru wa kusema?

Wazayuni wanatumia vibaya madai ya kutokea mauaji hayo ili kupokea fidia hadi leo hii, kama ambavyo wameyafanya kisingizio cha kuzikalia kwa mabavu ardhi za Palestina. 

Ujerumani nayo inajinadi duniani kuwa ni dola lililopiga hatua kubwa za kidemokrasia na kwamba eti watu nchini humo wana uhuru kamili wa kuelezea misimamo yao. 

Hata hivyo kufungwa jela bibi huyo mtu mzima kwa kosa la kutangaza msimamo wake kuhusu ngano ya Holocaust kunatilia shaka mno madai ya kuweko demokrasia na uhuru wa kusema katika nchi za Magharibi ikiwemo Ujerumani. 

Ngano ya Holocaust ni mstari mwekundu kwa nchi za Magharibi na hakuna mtu yeyote anayeruhusiwa kufanya uchunguzi kuhusiana na uhakika wa ngano hiyo kwani Holocaust ndiyo falsafa ya kuanzishwa utawala wa Kizayuni wa Israel na manufaa muhimu mno ya Uzayuni wa kimataifa wa madola ya Magharibi yamo ndani ya ngano hiyo.

Ujumbe maalumu wa Mahakama ya Kimataifa ya Jinai kuelekea Israel

Ujumbe maalumu wa Mahakama ya Kimataifa ya Jinai (ICC) unaelekea ardhi za Palestina zinazokaliwa kwa mabavu (Israel) kwa madhumuni ya kuchunguza jinai za kivita zilizofanywa na utawala wa Kizayuni katika vita vya siku 50 dhidi ya Ukanda wa Gaza.

Duru za habari zimeripoti kuwa utawala wa Kizayuni wa Israel unajiandaa kuupokea ujumbe huo ambao unatazamiwa kufanya uchunguzi kuhusu tuhuma za jinai za kivita ambazo utawala huo haramu unatuhumiwa kuzifanya wakati wa vita vya mwaka 2014 dhidi ya Wapalestina wa Gaza.

Safari ya ujumbe huo wa Mahakama ya Kimataifa ya Jinai ambayo itafanyika hivi karibuni imetokana na ombi la Mwendesha Mashtaka Mkuu wa mahakama hiyo Bi Fatou Bensouda na lengo lake ni kutoa fursa kwa wajumbe wa jopo hilo la ICC kuwa na uelewa wa jinsi mfumo wa vyombo vya mahakama vya utawala wa Kizayuni unavyofanya kazi.

Hapo kabla Mamlaka ya Ndani ya Palestina iliitaka Mahakama ya Kimataifa ya Jinai ichukue hatua ya kuchunguza jinai za kivita zilizofanywa na utawala wa Kizayuni, hatua ambayo iliwafadhaisha mno viongozi wa utawala huo ghasibu.

Mbali na Mamlaka ya Ndani, shakhsia mbalimbali wa Kipalestina wamekuwa wakitoa wito wa kuchunguzwa jinai za kivita zilizofanywa na jeshi la utawala wa Kizayuni dhidi ya Wapalestina wa Gaza.

Mustafa Barghuthi, Katibu Mkuu wa Harakati ya Ubunifu wa Kitaifa ya Palestina

Mustafa Barghuthi, Katibu wa Harakati ya Ubunifu wa Kitaifa ya Palestina alisema hivi karibuni kuwa  Mahakama ya Kimataifa ya Jinai imekuwa ikisuasua katika kuchukua uamuzi wa kuanzisha uchunguzi kuhusu vita vya Gaza.

Barghuthi alisisitiza kuwa kuna ulazima wa kufanyika uchunguzi wa suala hilo na kuongeza kwamba haipasi kuiruhusu Israel ijivue na mas-ulia na dhima ya jinai ilizotenda katika vita vya siku 50 dhidi ya Gaza.

Mamia ya watoto waliuawa kinyama katika vita vya siku 50 dhidi ya Gaza

Zaidi ya Wapalestina 2,300  wengi wao wakiwa ni wanawake na watoto wadogo waliuawa shahidi na maelfu ya wengine walijeruhiwa katika mashambulio ya siku 50 mtawalia yaliyofanywa na jeshi la utawala wa Kizayuni mwaka 2014 dhidi ya Ukanda wa Gaza.

Waliohusika na maafa ya Mina wafikishwe mahakamani

Afisa wa ngazi za juu wa Iran amesema taasisi za haki za binadamu zinataka serikali ya Saudi Arabia iwajibike, ilipe fidia, na iwashtaki wale waliohusika na maafa ya Mina katika ibada ya Hija mwaka jana.

Sayyid Mohammad Ali Husseini, Mshauri wa Masuala ya Kimataifa wa Katibu wa Halmashauri ya Kuainisha Maslahi ya Mfumo wa Kiislamu wa Iran ameashiria maafa ya kuogofya ya Mina na hatua ambazo zimechukuliwa na Iran ili kuhakikisha familia za waathirika wa maafa hayo wanapata haki zao na kusema:

 "Baada ya kupita mwaka mmoja tokea yajiri maafa ya kuogofya ya Mina ambapo maelfu ya Mahujaji wa Nyumba ya Mwenyezi Mungu walipoteza maisha kidhalimu, serikali ya Saudia si tu kuwa haijawajibika hata kidogo kutokana na maafa hayo, bali pia imezuia na imeweka vikwazo na kuwazuia maelfu ya watu kutekeleza nguzo ya Kiislamu ya Hija mwaka huu."

Husseini ambaye aliwahi kuwa msemaji wa Wizara ya Mambo ya Nje ya Iran ameongeza kuwa, hata kama tutakubali kuwa serikali ya Saudia haikuwa imepanga kutekeleza kwa makusudi maafa ya Mina, lakini ilipaswa kukubali kuwajibika kutokana na usimamizi wake mbovu.

 

Sikukuu ya Eid al-Adha ya mwaka jana ilishuhudia maelfu ya mahujaji wa nyumba ya Mwenyezi Mungu wakiwemo mahujaji 464 wa Iran wakipoteza maisha yao katika ibada ya Hija wakati wa kutekeleza ibada ya kumpiga mawe shetani katika eneo la Mina.

 Maafa hayo yalisababishwa na usimamizi mbaya wa viongozi wa utawala wa Aal Saud. Baada ya kutokea maafa hayo ya kusikitisha, Jamhuri ya Kiislamu ya Iran iliitaja serikali ya Saudia kwamba, ndio mhusika mkuu wa maafa hayo ya kutia uchungu na imekuwa ikitumia mbinu mbalimbali za kisiasa na kisheria ili kuhakikisha familia zilizokumbwa na msiba huo kutokana na maafa ya Mina zinapatiwa haki zao.