Mkurugenzi wa JamiiForums atoa ya moyoni

Hatimaye Mkurugenzi Mtendaji wa Mtandao wa JamiiForums, Maxence Melo amerejea uraiani akitokea mahabusu baada ya kuachiwa kwa dhamana jana huku akisema, ameshtakiwa kwa msimamo wake wa kulinda haki za watumiaji wa mtandao huo.

Melo alipandishwa kizimbani katika Mahakama ya Hakimu Mkazi Kisutu Ijumaa iliyopita akikabiliwa na kesi tatu kwa mahakimu watatu tofauti.

Ameshtakiwa kwa kosa la kuendesha mtandao wa kijamii ambao haujasajiliwa kwa kanuni za tovuti za Tanzania na kuzuia upelelezi wa polisi.

Katika kesi hizo, Melo alifanikiwa kupata dhamana kwa kesi mbili, huku akikwama kupata dhamana ya kesi moja baada ya kushindwa kutekeleza masharti ya dhamana na kulazimika kupelekwa rumande.

Hata hivyo, jana Melo alifanikiwa kukamilisha masharti na Hakimu Mkazi Mkuu, Godfrey Mwambapa na alimpatia dhamana kwa masharti.

Masharti hayo ni pamoja na kuwa na wadhamini wawili ambao walisaini bondi ya Sh5 milioni na kutotoka nje ya Dar es Salaam bila kuwa na kibali cha Mahakama. Kesi hiyo itatajwa tena Desemba 29.

Baada ya kuachiwa, Melo aliitisha mkutano na waandishi wa habari na kuishukuru wananchi na watumiaji wa mitandao ya kijamii kwa mjadala wa kutaka aachiwe huru kwa dhamana, tangu aliposhikiliwa na polisi kabla ya kupandishwa kizimbani.

Melo aliwatoa hofu watumiaji wa mtandano huo na kuwahakikishia kuwa JamiiForums ipo salama na haijachukuliwa taarifa zake.

“Hivyo Max nimekuwa mfano tu kwani haya ya kukamatwa yanaweza kumkuta mtu mwingine pia. Kikubwa inatakiwa uhuru wa kujieleza pamoja na kulinda siri za watumiaji wa mitandao,” alisema Melo.

LEMA AENDELEA KUSOTA RUMANDE MAHAKAMA YA MWONGEZEA SIKU ZA KUWASILISHA KUSUDIO LA RUFAA

Na mahmoud Ahmad Arusha 

MAHAKAMA kuu kanda ya Arusha, imetoa muda  wa siku  kumi kwa upande wa utetezi wa kesi ya kumyima dhamana mbunge waArusha, Godbless Lema, kuwasilisha kusudio la kuomba kuongezewa muda wa kukata rufaa ili aweze kupewadhamana.

Uamuzi huo umetolewa leo na jaji Dakta Modesta Opiyo wakati akiamua hatima ya mbune huyo kupata dhamana au la

Jaji Opiyo amesema hoja za Upande wa serikali zilizowasilishwa na
Wakili Hashim Ngole za kudai waleta maombi hayo walikuwa  wazembe na walichelewa siku nne kuwasilisha Notisi baada ya rufaa yao kuondolewa na Jaji Fatuma Masengi  Desemba 2 hazina mashiko.

Jaji Opiyo, amesema  siku nne zinazolalamikiwa kuwa walichelewa kutoa maombi hayo, mahakama inaona hoja hizo hazina mashiko sababu siku mbili kati ya hizo zilikuwa siku za mapumziko jumamosi na Jumapili, hivyo walitumia siku mbili kuandaa nyaraka na kupeleka maombi hayo.

Akiwasilisha hoja za maombi ya kuongezewa muda wa kuwasilisha notisi hiyo ili rufaa hiyo iweze kusikilizwa Wakili Mfinanga alidai
mahakamani hapo kuwa maombi hayo yamewasilishwa mahakamani hapo chini ya kifungu 361(2) cha sheria ya mwenendo wa makosa ya jinai.

Alidai kuwa maamuzi wanayotarajia kukatia rufaa ni  uamuzi uliotolewa

 
Novemba 11  mwaka huu katika  Mahakama ya Hakimu Mkazi Arusha na  Hakimu Desderi Kamugisha, ambapo Lema anakabiliwa na kesi namba 440 na 441 za uchochezi dhidi ya Rais Dk. John Magufuli.

Kambi ya upinzani Congo yawataka wananchi kupinga utawala wa Kabila

Kambi kuu ya upinzani katika Jamhuri ya Kidemokrasia ya Congo imewataka wananchi kutomtambua tena Joseph Kabila kama rais wa nchi hiyo na imewahimiza kuonesha upinzani wao dhidi ya Kabila kwa njia ya amani.

Kiongozi wa chama kikuu cha upinzani cha Union for Democracy and Social Progress (UDPS), Etienne Tshisekedi, ameitaja hatua ya Rais Kabila ya kuwa madarakani kwa awamu ya tatu kuwa ni kinyume na sheria na kwamba jitihada zake za kutaka kubakia madarakani ni mapinduzi ya kijeshi.

Tshisekedi pia ameitaka jamii ya kimataifa kutoamiliana na Joseph Kabila kama Rais wa Jamhuri ya Kidemokrasia ya Congo.

 

Ripoti mbalimbali zinasema kuwa maandamano yameshuhudiwa katika maeneo na miji mbalimbali ya Jamhuri ya Kidemokrasia ya Congo kama Lubumbashi na Goma.

Hali ya wasiwasi ilionekana katika miji na maeneo mbalimbali ya Jamhuri ya Kidemokrasia ya Kongo na milio ya risasi imesikika mapema leo katika mji mkuu, Kinshasa. Baadhi ya ripoti zinasema raia wawili waliuawa kwa kupigwa risasi na jeshi la serikali ya Kabila katika usiku wa kuamkia leo katika kitongoji cha Kingabwa mjini Kinshasa.

Joseph Kabila

Awamu ya pili ya uongozi wa Rais Joseph Kabila ambaye anaiongoza Congo kwa miaka 15 inamalizika rasmi leo. Kabila alichukua madaraka ya nchi mwaka 2001 baada tu ya kuuliwa baba yake, Laurent Kabila.

Taarifa ya Iran, Russia na Uturuki kuhusu mgogoro wa Syria

Mawaziri wa mambo ya nje wa Iran, Russia na Uturuki wametoa taarifa ya pamoja na kutangaza kuwa nchi hizo tatu zinaunga mkono utawala, uhuru na kulindwa mipaka yote ya Syria.

Baada ya mkutano wao mjini Moscow Jumanne ya leo, mawaziri Mohammad Javad Zarif wa Iran, Sergei Lavrov wa Russia na Mevlut Cavusoglu wa Uturuki wametoa taarifa ya pamoja na kusuema: "Nchi hizi tatu zinaamini kuwa mgogoro wa Syria hauna utatuzi wa kijeshi." Aidha wametilia mkazo nafasi ya Umoja wa Mataifa katika kutatua mgogoro wa Syria kwa mujibu wa azimio nambari 2254 la Baraza la Usalama la Umoja wa Mataifa.

Taarifa hiyo imeongeza kuwa: "Iran, Russia na Uturuki zitashiriki katika jitihada za pamoja huko Aleppo mashariki mwa Syria kwa lengo la kuwaondao kwa hiari raia na pia kuwaondoa kwa taratibu wapinzani wenye silaha."

Nchi hizo tatu pia zimesisitiza umuhimu wa kusitishwa vita, kutoa huduma za kibinadamu na kuwawezesha Wasyria kufika maeneo yote ya nchi yao pasi na pingamizi lolote.

Mkutano wa mawaziri wa kigeni wa Russia, Iran na Uturuki

Halikadhalika wametangaza kuwa tayari kuandaa mazungumzo baina ya wapinzani na serikali ya Syria huku wakisisitiza azma yao ya pamoja ya kupambana na makundi ya kigaidi ya ISIS na Al Nusra. Mawaziri hao watatu pia wamesisitiza ulazima wa baadhi ya nchi za Magharibi na eneo la Mashariki ya Kati kusitisha mara moja uungaji mkono kwa makundi yenye silaha nchini Syria.

Akizungumza na waandishi wa habari baada ya kutolewa taarifa hiyo, Waziri wa Mambo ya Nje ya Iran amesema ugaidi haupaswi kutumiwa kufikia malengo ya kisiasa hata kama ni ya muda mfupi kwani ugaidi ni tishio hatari na watu wote wanapaswa kushirikiana kuuangamiza.

MAAMUZI YA UONGOZI WA YANGA BAADA YA WACHEZAJI KUGOMEA MAZOEZI.

Uongozi wa Klabu ya soka ya Yanga unakanusha taarifa zilizotolewa na wachezaji kugomea mazoezi.

Kaimu katibu mkuu Deusdedit Baraka,anapenda kuwaeleza wanachama,mashabiki na wapenzi wa Yanga kuwa hakuna mchezaji aliegoma na wachezaji wote wanaendelea na mazoezi yao na hakuna mgogoro wa malipo ya mishahara.

Aidha,Bw Baraka amefafanua kuwa utaratibu wa mfumo wa malipo ndio umebadilika na mishahara inaendelea kutolewa kama kawaida.

Imetolewa na Idara ya Habari na

Mawasiliano Yanga Makao Makuu

20-12-2016

Putin aapa kupambana na magaidi

Afisa polisi wa Uturuki aliyekuwa akisema maneno ya "Allahu Akbar" na "Aleppo" amemshambulia kwa risasi na kumuua balozi wa Urusi nchini humo na kusababisha Rais Vladmir Putin kula kiapo cha hatua zaidi dhidi ya ugaidi.

Balozi Andrei Karlov alifariki dunia kutokana na majeraha ya kupigwa risasi mjini Ankara katika kituo cha maonesho ya sanaa. Shambulio lake limekuja wakati mawaziri wa kigeni wa mataifa hayo mawili pamoja na Iran wakikutana kwa mazungumzo muhimu mjini Moscow kuhusu mgogoro wa Syria.

Picha za tukio hilo zilimwonyesha mwanaume huyo akimmiminia risasi balozi huyo mgongoni wakati akifungua maonesho ya picha za Urusi. Mshambuliaji huyo aliyekuwa amevalia suti nyeusi, shati jeupe na tai alikuwa amesimama nyuma ya balozi na alijihami kwa silaha. Baada ya kumfyatulia risasi alisikika akitamka maneno ya "Allahu Akbar" yaani Mungu ni mkubwa na kisha akasema "usisahau kuhusu Syria, usisahau kuhusu Aleppo, wale wote walioshiriki katika dhuluma hii watawajibishwa".

Wizara ya mambo ya ndani ya Uturuki imemtambua mshambuliaji huyo kama Mevlut Mert Altintas, kijana mwenye miaka 22 aliyewahi kufanya kazi katika idara ya polisi ya kupambana na maandamano kwa kipindi cha miaka miwili na nusu iliyopita.

Rais Vladmir Putin akiwa na balozi Andrei Karlov aliyeuawa

Mauaji hayo yamekuja siku kadhaa baada ya kutokea kwa maandamano nchini Uturuki ya kupinga ushiriki wa Urusi nchini Syria, ingawa Moscow na Ankara kwa hivi sasa zinafanya kazi kwa pamoja katika kuwahamisha raia kutoka mjini Aleppo.

Rais Vladmir Putin wa Urusi ameyaita mauaji hayo kuwa ni "uchokozi" na kuongeza kuwa uhalifu huo pasi na shaka ni uchokozi unaolenga kuhujumu mahusiano baina ya Urusi na Uturuki pamoja na hatua za amani Syria zinazopiganiwa na Urusi, Uturuki, Iran na mataifa mengine yanayotaka kuutafutia ufumbuzi mgogoro wa ndani wa Syria.

Putin amesema jawabu kubwa ni kuzidisha mapambano dhidi ya ugaidi wakati akizungumza katika mkutano wa mawaziri wa mambo ya kigeni wa mataifa matatu mjini Moscow.

Rais wa Uturuki Recep Tayyip Erdogan ameunga mkono kauli ya Putin akiahidi kuchukua hatua za pamoja katika uchunguzi wa mauaji hayo. "Uhusiano wetu na Urusi ni muhimu sana kwetu. Ni muhimu sana kwa ukanda wetu. Natoa wito kwa wote wanaotaka kuyadhoofisha mahusiano haya. Matarajio yenu yote hayatatimia, yatapotea. Tumethibitisha malengo yetu na tutaendelea na dhamira hiyo hiyo." amesema rais Erdogan.

Katibu Mkuu wa Umoja wa Mataifa Ban Ki-moon na rais mteule wa Marekani Donald Trump ni miongoni mwa viongozi waliolaani mauaji hayo.

Saudia yakiri kutumia mabomu ya vishada nchini Yemen

Utawala wa kifalme wa Saudi Arabia umekiri kwamba umetumia mabomu yaliyopigwa marufuku ya vishada katika mashambulizi yake dhidi ya wananchi wa Yemen.

Ahmed al-Asiri, msemaji wa vikosi vya Saudia nchini Yemen amesema ni kweli muungano vamizi wa kijeshi unaoongozwa na Riyadh dhidi ya Yemen umetumia mabomu ya vishada yaliyotengenezewa Uingereza aina ya BL755.

Ahmed al-Asiri, msemaji wa vikosi vya Saudia nchini Yemen

Amesema utawala huo umeamua kutotumia tena mabomu hayo ya vishada katika hujuma zake nchini Yemen na kwamba watawala wa Riyadh wameitaarifu Uingereza kuhusu uamuzi huo.

Mapema mwezi huu, Abdulaziz bin Habtoor, Waziri Mkuu wa Uingereza aliituhumu Uingereza kuwa inafanya jinai za kivita nchini Yemen kwa kuiuzia Saudia mabomu ya vishada.

Hivi karibuni Steve Goose, Mkurugenzi wa Kitengo cha Silaha cha shirika la kutetea haki za binadamu la Human Rights Watch aliitaka Marekani kusimamisha uzalishaji na uuzaji wa mabomu ya vishada kinyume na sheria za kimataifa kwa Saudia, huku akiutaka utawala wa Aal-Saud kukoma kutumia mabomu hayo haramu dhidi ya raia wasio na hatia nchini Yemen.

Mabomu ya vishada yaliyotengenezwa Uingereza

Watu zaidi ya 11,000 wameuwa katika hujuma za muungano vamizi wa kijeshi unaoongozwa na Saudia nchini Yemen, mbali na kuharibiwa asilimia kubwa ya miundomsingi, tangu Machi mwaka jana 2015.

Kadhaa wajeruhiwa baada ya msikiti kuhujumiwa Zurich, Uswisi

Watu watatu wamejeruhiwa baada ya mtu aliyekuwa na bunduki kushambulia msikiti na kufyatua risasi ovyo akiwalenga waumini waliokuwa wakitekeleza ibada zao katika mji wa Zurich nchini Uswisi usiku wa kuamkia leo.

Marco Bisa, msemaji wa polisi mjini Zurich amethibitisha kutokea hujuma hiyo na kubainisha kuwa, wawili kati ya waliofyatuliwa risasi katika hujuma hiyo wako katika hali mbaya na kwamba wameanza kusaka mhusika wa jinai hiyo. Inaarifiwa kuwa, aliyetekeleza jinai hiyo ni kijana wa miaka 30 hivi, ambaye alifanikiwa kutoroka baada ya kufanya hujuma hiyo. 

Abukar Abshirow, mmoja wa mashuhuda wa shambulizi hilo amesema msikiti huo ambao umepakana na Kituo cha Kiislamu katika barabara ya Eisgasse mjini Zurich, umekuwepo katika eneo hilo tangu mwaka 2012 na kwamba hawajawahi kushuhudia kitendo cha aina hii cha chuki dhidi ya Uislamu.

Licha ya kuwa kuna Waislamu zaidi ya laki nne nchini Uswisi, lakini katiba ya nchi hiyo mwaka 2009 ilipiga marufuku kujengwa minara zaidi ya minne iliyopo, katika misikiti zaidi ya 150 nchini humo.

Vitendo vya chuki dhidi ya Uislamu na Waislamu vimeongezeka kwa kiasi kikubwa katika nchi nyingi za Ulaya na Marekani. Hivi karibuni kuta za msikiti mmoja wa eneo la Bron katika mji wa Lyon, nchini Ufaransa ziliandikwa maneno ya kibaguzi na vitisho dhidi ya Waislamu.

Aidha Septemba mwaka huu, Kituo cha Kiislamu katika eneo la Fort Pierce jimbo la Florida nchini Marekani kiliteketezwa moto na watu wenye chuki dhidi ya Uislamu, wakati Waislamu walikuwa wanajitayarisha kusherehekea Siku Kuu ya Idul Adh'ha.

SAA 144 ZA MAXENCE MELO NDANI YA MAHABUSU!

Maxence Melo akifikishwa mahakamani Ijumaa, Desemba 16, 2016. (Picha kwa hisani ya Michuzi Blog).

Na Daniel Mbega

HATIMAYE leo saa 5:15 asubuhi ya Jumatatu, Desemba 19, 2016 Maxence Melo ametoka kwa dhamana. Mungu ametenda.

Lakini ni baada ya Mkurugenzi huyo Mtendaji wa kampuni ya Jamii Media Limited inayomiliki mtandao maarufu wa JamiiForums, kusota mahabusu kwa takriban saa 144 – yaani saa 72 katika mahabusu ya polisi na saa 72 nyingine kwenye Gereza la Mahabusu la Keko.

---

Leo amefanikiwa kutimiza masharti ya dhamana katika kesi namba 457 ya mwaka 2016 ambayo iko mbele ya Hakimu Mkazi Godfrey Mwambapa katika Mahakama ya Hakimu Mkazi Kisutu jijini Dar es Salaam, ambayo iliitwa tu kwa ajili ya kushughulikia dhamana.

Kesi hiyo imepangwa kuitwa Alhamisi, Desemba 29, 2016.

Upande wa Jamhuri ukiongozwa na Wakili Msomi Mohammed Salum, uliieleza mahakama kwamba kesi hiyo ilikuwa imeitwa kwa ajili ya dhamana baada ya upande wa utete kushindwa kutimiza masharti ya dhamana wakati kesi hiyo iliposomwa kwa mara ya kwanza Ijumaa, Desemba 16, 2016.

Jopo la mawakili wa utetezi linaongozwa na Peter Kibatala, akiwa pamoja na Jeremiah Mtobesya, Benedict Ishabakaki, Jebra Kambole, Hassan Kyangiro na James Malenga, ambapo ilielezwa kwamba wadhamini wamepatikana na kukidhi vigezo vya dhamana ya maneno ya Shs. 5 milioni kila mmoja.

Hakimu Mwambapa alikubali kutoa dhamana na kumtaka mshtakiwa asitoke nje ya Dar es Salaam bila kibali cha mahakama.

Melo alikamatwa Jumanne, Desemba 13, 2016 saa 5 asubuhi – tena alikwenda mwenyewe baada ya kupigiwa simu na Mkuu wa Upelelezi wa Polisi Kanda Maalum ya Dar es Salaam, Camillius Wambura.

Walichoelezwa hata waliokuwa wamekwenda naye ni kwamba, waondoke hapo polisi watakutana mahakamani kesho yake, yaani Desemba 14, 2016. Hakupelekwa mahakamani wala hakuchukuliwa maelezo.

Kwa siku mbili mfululizo kati ya Desemba 14 na 15 nilishinda katika Kituo Kikuu cha Polisi cha Kati, jijini Dar es Salaam, nikiwa na wadau mbalimbali tukitafuta namna ya kumwekea dhamana. Haikuwezekana.

Hii ndiyo gharama ya kusimamia unachokiamini pamoja na maadili yanayokuongoza. 

Na wakati jitihada za kumpata mdhamini katika kesi mojawapo, upande wa Jamhuri ukawa umeondoka na wakati huo huo Maxence akapelekwa mahabusu ya Keko yapata saa 5 asubuhi. Hawakusubiri hadi saa 8 kama ilivyo kawaida ili kuwapandisha mahabusu wote kwenye karandinga, jambo ambalo likazua maswali mengi yasiyo na majibu.

Lakini hatimaye Max ameiona nuru, ambayo ameikosa kwa saa 144, japo kwa muda kwa sababu kesi hizi zinaendelea.

Kesi ya kwanza, ambayo ni namba 456, iko mbele ya Hakimu Mkuu Mkazi wa mahakama hiyo, Thomas Simba, ambapo upande wa Jamhuri ulieleza kwamba, katika siku na tarehe tofauti kati ya Aprili 1, 2016 na Desemba 13, 2016 katika eneo la Mikocheni ndani ya Manispaa ya Kinondoni mkoani Dar es Salaam, Melo akiwa Mkurugenzi wa Jamii Media Co. Ltd ambayo inaendesha mtandao wa JamiiForums, wakati akijua kwamba Jeshi la Polisi Tanzania linafanya upelelezi wa jinai kuhusiana na mawasiliano ya kimtandao yaliyochapishwa kwenye mtandao wake, kwa nia ya kuvuruga uchunguzi, alikaidi kwa makusudi amri ya kutoa taarifa ambazo alikuwa nazo, kinyume na kifungu cha 22(2) cha Sheria ya Makosa ya Mtandao (Cyber Crimes Law) namba 14 ya mwaka 2015.

Katika namba 457,  ambayo alikosa mdhamini, ilielezwa mbele ya Hakimu Mkazi Mwambapa kwamba, katika siku na tarehe tofauti kati ya Mei 10, 2016 na Desemba 13, 2016 katika eneo la Mikocheni ndani ya Manispaa ya Kinondoni mkoani Dar es Salaam, Melo akiwa Mkurugenzi wa Jamii Media Co. Ltd ambayo inaendesha mtandao wa JamiiForums, wakati akijua kwamba Jeshi la Polisi Tanzania linafanya upelelezi wa jinai kuhusiana na mawasiliano ya kimtandao yaliyochapishwa kwenye mtandao wake, kwa nia ya kuvuruga uchunguzi, alikaidi kwa makusudi amri ya kutoa taarifa ambazo alikuwa nazo, kinyume na kifungu cha 22(2) cha Sheria ya Makosa ya Mtandao (Cyber Crimes Law) namba 14 ya mwaka 2015.

Aidha, katika kesi namba 458, ambayo iko mbele ya Hakimu Nongwa, Melo anakabiliwa na shtaka la kuendesha mtandao ambao haujasajiliwa nchini Tanzania (domain) kinyume na kifungu cha 79(c) cha Sheria ya Mawasiliano ya Kielektroniki na Posta Namba 3 ya mwaka 2010 ikisomwa pamoja na Kanuni ya 10 na 17 (4) ya Kanuni za Mawasiliano ya Kielektroniki na Posta Namba 428 za mwaka 2011.

Upande wa Jamhuri ulieleza katika kesi hiyo kwamba, katika siku na tarehe tofauti kati ya Desemba 9, 2011 na Desemba 13, 2016 katika eneo la Mikocheni ndani ya Manispaa ya Kinondoni mkoani Dar es Salaam, Melo akiwa Mkurugenzi wa Jamii Media Co. Ltd iliyosajiliwa chini ya Sheria ya Usajili wa Kampuni (Sura ya 212 kama ilivyorejewa mwaka 2002) yenye hati ya usajili Namba 66333 amekuwa akiendesha na kutumia tovuti inayojulikana kama jamiiforums.com ambayo haijasajiliwa kwenye code za Tanzania (country code Top Level Domain - ccTLD), inayofahamika kama do-tz.

Yaliyompata Max ni mwanzo tu wa yale ambayo yanaweza kutupata sote, hususan waandishi wa habari wa mtandaoni na watumiaji wengine wa mitandao.

Hii inatokana na kuwepo kwa Sheria ya Makosa ya Kimtandao (Cyber Crimes Law) ya mwaka 2015, ambayo ilipitishwa Aprili Mosi, 2015.

BANDARI YA DAR ES SALAAMA KUKOSA REKODI ZA TAKA NI UDHAIFU MKUBWA- MPINA

Naibu Waziri Ofisi ya Makamu wa Rais Muungano na Mazingira  Mh. Luhaga Mpina akizungumza na Viongozi wa Bandari ya Dar es salaam mara baada ya kuwasili Bandarini hapo kwaajiri ya kufanya ziara.

Na: Twalha Ndiholeye – DAR ES SALAAM

Naibu Waziri Ofisi ya Makamu wa Rais Muungano na Mzingira Mhe. Luhaga Mpina amefanya ziara ya kushtukiza katika bandari ya Dar es salaam ili kujionea utaratibu wa Bandari hiyo wa kuondosha taka zitokanazo na shughuli zake.

Ziara ya Naibu Waziri Mpina imetokana na Malalamiko ya wananchi yaliyodai kuwa uchafuzi mwingi umekuwa ukifanyika katika Bahari na sehemu kubwa ya fukwe ya bandari imekuwa ikijaa taka za aina mbali mbali.

Kutokana na malalamiko hayo ya wakazi wa jiji la Dar es Saalam, Naibu Waziri kabla ya kukagua maeneo ya kutoa na kukusanya taka za aina mbali mbali katika bandari hiyo zikiwemo taka za mafuta ghafi, alipokea taarifa kutoka kwa uongozi wa Bandari ambapo ameshangazwa na kile kilicholezwa na Afisa Mazingira wa bandari Bwana Thobias Sonda kuwa Bandani hiyo kubwa katika kanda ya Afrika Mashariki haina sehemu ya kupokea taka yaani waste reception facility na haina takwimu za taka zinazoingia na kutoka Bandarini Hapo.

Akishindwa kujibu Baadhi ya Maswali yaliyoulizwa na Naibu Waziri Mpina Afisa mazingira huyo alieleza kuwa, Bandari hiyo inazalisha aina mbili kubwa za taka ikiwa ni taka za aina mbali mbali na taka za maji taka, alisema kuwa taka hizo zinaondoshwa na wakala ambao wanasajiliwa na Sumatra lakini haikueleweka wazi kuwa, taka hizo zinatupwa wapi na aliongeza kwa kusema kuwa, taka nyingi na hali ya uchafu inayoonekana pembezoni mwa Bandari ya Dar es Salaam inatokana na shughuli za kibinadamu kiwandani hapo, na kusema kuwa, kuna utaratibu wa kufanya usafi na kuziondosha na kukanusha kuwepo kwa taarifa za boat na meli zinazofanya safari za kuanzia bandarini hapo kuchafua mazingira ya bandari na Bahari.

Afisa Mazingira huyo, liongeza kwa kusema kuwa taka za maji taka pamoja na kukosekana kwa takwimu za uondoshwani na umwagaji, zimekuwa zikikuswanywa a magari yao maalumu na kumwagwa katika mabwawa yao yaliyopo Kurasini jijini Dar es Salaam.

Kwa kushangwazwa na hali hiyo, Mpina kupitia Baraza la taifa la Hifadhi na Usimamizi wa Mazingira NEMC ameutaka uongozi wa Bandari hiyo kujenga mfumo mzuri wa kuhifadhi taka kwa muda wa miezi sita na kuripoti kwa Baraza za Mazingira kwa miezi mitatu Mfulizo kuonyesha namna ambavyo uondoshaji wa taka hizo unafanyika, Pamoja na kuwasilisha ripoti kwa Baraza ya  Namna ambavyo mawakala hao walipatikana.

Aidha Naibu waziri Mpina ameliagiza baraza kumpelekea ripoti  ndani ya siku saba, inayoonyesha kama hao mawakala wa kukusanya taka bandarini wapo kisheria.

Kwa Upande wake Kaimu Meneja wa Mamlaka ya Bandari Nchini Bw. Nelson Mlele amesema kuwa amepokea maagizo ya Mhe kupitia NEMC kwani yanawakumbusha utekelezaji wa majukumu yao na kwa upande wa Bandari ni changamoto itakayofanyiwa kazi haraka.;