Said Nkumba arudi CCM, Kutoka CHADEMA

Mwenyekiti wa Jumuiya ya Wazazi ya CCM, Abdallah Bulembo (kulia) akikumbatiana na Said Nkumba baada ya kurejea katika chama hicho siku chache baada ya kukihama na kujiunga na Chadema walipohudhuria mkutano wa uzinduzi wa kampeni za mgombea urais wa CCM, uliofanyika katika Viwanja vya Jangwani, Dar es Salaam jana. Picha na Edwin Mjwahuz

Aliyekuwa Mbunge wa Sikonge (CCM), Said Nkumba ambaye alihamia CHADEMA hivi karibuni ameamua kurejea katika chama chake cha zamani kwa madai alikosea njia.

Nkumba ambaye alihamia CHADEMA baada ya kushindwa katika kura za maoni kugombea ubunge Sikonge, aliteuliwa kugombea ubunge kwa tiketi ya CHADEMA lakini wanachama wa chama hicho walipinga kitendo cha Kamati Kuu ya chama hicho cha upinzani kumteua wakitaka mgombea wao, Hijja Ramadhan arudishwe jambo lililofanya Nkumba kuondolewa na kukosa nafasi ya kugombea ubunge. 

Nkumba alipojitoa CCM alisema alikipenda kwa dhati chama hicho lakini hakuona sababu ya kuendelea kubaki kwa kuwa hasikilizwi na hakina mapenzi na watu.

Lakini akizungumza Dar es Salaam jana, Nkumba alisema amerudi nyumbani kwa kuwa alipotea njia na hakuona kama kuna mwelekeo CHADEMA

Alipoulizwa kuhusu kupewa jimbo na CHADEMA alisema hayo yaachwe, amerudi nyumbani kwa kuwa ni kama rebound katika mchezo wa kikapu na watu wanaendelea kucheza.

• Taarifa hii imenukuliwa kutoka gazeti la MWANANCHI

Mh.Lowassa akiwa ndani ya daladala alilopanda Kituo cha Gongolamboto mwisho kuelekea Chanika

Mgombea Urais wa Tanzania wa UKAWA kupitia Chama cha Demokrasia na Maendeleo (CHADEMA), Mh. Edward Lowassa akiwa ndani ya Daladala alilopanda kutokea Gongo la Mboto Mwisho mpaka Pugu Kajiungeni jijini Dar es salaam,mapema leo asubuhi.

Mgombea Urais wa Tanzania wa UKAWA kupitia Chama cha Demokrasia na Maendeleo (CHADEMA), Mh. Edward Lowassa akisalimiana na Bi. Kulwa Juma ambaye ni mfanyabiashara ndogo ndogo ya kuuza Mihogo ya Kukaanga katika Kituo cha Mabasi cha Gongo la Mboto mwisho, Jijini Dar es salaam leo, wakati alipofanya ziara ya kushtukiza eneo hilo ili kujionea hali halishi ya biashara ndogo ndogo. Mh. Lowassa aliianza ziara yake eneo hilo la Gongo la Mboto na baadae alipanda daladala mpaka Pugu Kajiungeni, jijini Dar.

PICHA ZOTE NA OTHMAN MICHUZI

Mgombea Urais wa Tanzania wa UKAWA kupitia Chama cha Demokrasia na Maendeleo (CHADEMA), Mh. Edward Lowassa akizungumza na Vijana wanaojihusisha na shughuli mbali mbali katika stendi kuu yaMabasi yaendayo mikoa ya Lindi na Mtwara, ilipo Mbagala jijini Dar.

Mgombea Mwenza wa Urais wa Tanzania wa UKAWA kupitia Chama cha Demokrasia na Maendeleo (CHADEMA), Dkt. Juma Haji Duni akiwasalimia wakazi wa Mbagala.

Mafuriko Nyumbani kwa Mh.Pinda

Mgombea Urais wa Jamhuri ya Muungano ya Tanzania kupitiaChama cha Mapinduzi CCM Dr. John Pombe Magufuli akiwahutubia wananchi katika mkutano wa kampeni wa Chama hicho uliofanyika kwenye uwanja wa Azimio mjini Mpanda mkoani Katavi  leo ambapo amehutubia mikutano ya hadhara mitatu katika mkoa huo  katika maeneo ya Mishamo, Katumba na Mpanda mjini.

Dr. Magufuli amewaomba wananchi hao kumpigia kura za ndiyo ili ashinde na  shughulika na matatizo ya wananchi  kwakuwa  anayaelewa matatizo na shida nyingi za watanzania, Dr. Magufuli ameahidi kukamilisha ujenzi wa barabara za Kasulu -Mpanda,  Sumbawanga – Mpanda , Mpanda -Tabora ili zikamilike kwa kiwango cha lami na kuwarahisishia wananchi katika shughuli mbalimbali za kiuchumi mkoani humo PICHA NA JOHN BUKUKU-FULLSHANGWE-KATAVI

Waziri Mkuu Mh. Mizengo Pinda kulia akiwa ameketi meza kuu pamoja na Mgombea urais kupitia CCM Dr. John Pombe Magufuli kabla ya kuanza kwa mkutano wa kampeni eneo la Katumba mkoani Katavi kushoto ni Mjumbe wa kamati Kuu ya CCM Ndugu William Likuvi. PICHA NA HABARI24