Kila mwananchi ahifadhi na kutunza vyanzo vya maji pamoja na kupanda miti-Mushi

Mkuu wa Wilaya ya Halmashauri ya Manispaa ya Ilala Mh. Raymondi Mushi ametoa wito kwa kila mwananchi kuhifadhi na kutunza vyanzo vya maji pamoja na kupanda miti kwa maeneo anayoishi.

Amesema hayo leo wakati akiongea na waandishi wa habari katika Uzinduzi wa kuadhimisha siku ya mazingira Duniani ,Dar es salaam na kuwahimiza Wananchi kutunza na kuhifadhi mazingira kwa kufanya usafi katika maeneo yote ya makazi na biashara.

Aidha Mushi amewatahadharisha wakazi na wananchi wote amabao ni wachafunzi wa mazingira kuacha mara moja kwani atakayekiuka taratibu za usafi na kusababisha uchafuzi wa mazingira atachukuliwa hatua za kisheria.

Mh Mushi amewahimiza Wakandarasi wanaotoa huduma ya uzoaji taka katika wilaya ya Ilala kuhakikisha wanakuwa na vifaa vya kutosha na kutoa huduma inayokidhi mahitaji kwa wananchi.

Hatahivyo Mh Mushi ametoa wito kwa kila mkazi wa Halmashauri ya Ilala kushiriki kikamilifu kwa pamoja katika wiki hii hadi tarehe 5 ambapo ni kilele cha kuadhimisha siku ya mazingira Duniani.

NHBRA-nyumba na makazi bora ya kudumu kwa gharama nafuu zinakuja

Muhandisi Heri Hatibu wa Wakala wa Taifa wa Utafiti wa Nyumba na Vifaa vya Ujenzi, akisisitiza jambo.

Muhandisi Heri Hatibu amesema Wakala wa Taifa wa Utafiti wa Nyumba na Vifaa vya Ujenzi wameanza kazi za Utafiti, ushauri na ukandarasi katika kuwapatia wananchi wa Tanzania nyumba na makazi bora ya kudumu kwa gharama nafuu hasa kwa wenye kipato cha chini.

Hayo amesema leo jiji Dar es salaam, wakati akiongea na Wanandishi wa habari na kusema kuwa tafiti mbalimbali zimeshafanywa mojawapo ikiwa ni utafiti kuhusu “Embodied and Operational Energy”

Muhandisi Hatibu amesema kuwa Utafiti huu utasaidia kupunguza kiwango cha nishati kinachotumiwa kwenye nyumba kwa ajili ya kupooza hewa na kuokoa fedha inayoweza kutumika kufanya mambo mengine.

Aidha kwa upande wake Muhandisi Benedict Chilla amesema kuwa lengo la utafiti huo ni kusaidia kupunguza kiwango cha hewa ya Ukaa inayotolewa kwenye shughuli zinazohusiana na ujenzi na kusaidia kupunguza uharibifu wa mazingira.

Muhandisi Benedict Chillawa Wakala wa Taifa wa Utafiti wa Nyumba na Vifaa vya Ujenzi

Hatahivyo nae Kaimu Mkuu wa Kitengo cha Habari na Masoko ndugu Zubeda Salum amesema kuwa wadau wa sekta ya ujenzi waelimishwe kuhusu nishati na mazingira ili sekta ya ujenzi ifanyike kwa kuzingatia maendeleo endelevu.

Muhandisi Heri Hatibu Wakala wa Taifa wa Utafiti wa Nyumba na Vifaa vya Ujenzi, pembeni yake ni
Kaimu Mkuu wa Kitengo cha Habari na Masoko ndugu Zubeda Salum