Serikali na Watanzania watakiwa Kuwa na Mfumo wa Malezi kukabili Swala la Usafi | Sheikh Kasonso

Khatibu wa Swala ya Ijumaa Sheikh Amir Kasonso wa akitoa Khutba leo Masjid Bilal Temeke, Jijini Dar es salaam, huku akizungumzaiUsafi ni katika Imani ya Dini Tukufu ya Uislamu 

Na: Twalha Ndiholeye

Khatibu wa Swala ya Ijumaa Sheikh Amir Kasonso ameitaka Serikali pamoja na Watanzania kama kweli wanania ya kuhakikisha Miji na chi kwa Ujumla kuwa katika hali ya Usafi ni lazima kujizatiti katika swala zima la Kuwalea Watanzania na watanzania kulea watoto wao katika swala zima la kupenda Usafi.

“Ili sisi tuweze kuwa wasafi katika Majiji yetu na Miji yetu, kitu cha kwanza cha kuangalia ni jambo la Malezi, leo unawza kumkuta Mtu mzima anakula ndizi barabarani kasha anatupa ganda ovyo, hii inamaanisha kwamba hivyo ndivyo alivyolelewa” Amewataka Sheikh Kasonso.

Sheikh Kasonso ametoa wito huo leo katika Khutba ya Swala ya Ijumaa, imeyoswaliwa Masjid Bilal Temeke, Jijini Dar es salaam alipokuwa anazungumzai Usafi ni katika Imani ya Dini Tukufu ya Uislamu.

Aidha Sheikh Kasonso amesema kuwa Swala la Malezi huwa inakuwa Tabia, tabia huwa inarithiwa na tabia huwa inaigwa hivyo lazima ianze harakati ya kuwalea watoto wetu kuanzia Majumbani mwetu na Shuleni ili kuweza kusaidia upatikanaji wa Usafi katika maeneo yetu.

“Mfumo wa Kimalezi tabia huwa inakuwa na tabia huwa inaritihishwa na tabia huwa inaigwa, hata sisi hapa tukitaka Dar es salaam yetu iwe safi na miji yetu kuwa safi nan chi yetu ya Tanzania iwe safi, ipendeze, ing’are kila kona ni lazima tuanze kuwalea watoto Majumbani mwetu, Mashuleni, tukiwalea itakuwa kama vile tunavyosifia Bara la Ulaya” Amesema Sheikh Kasonso.

Hatahivyo Sheikh Kasonso amewataka Watanzania na Serikali kuwa wasidhani tabia ya Usafi walionazo Bara la Ulaya na Majirani zetu kuwa ni swala limetokea wamejikuta wanalo sio hivyo bali ni swala la Mfumo wa Malezi walivyojilea katika swala la Usafi.

“Bara la Ulaya leo hii huwezi ukakuta hata chupa ya Maji taka iko barabarani au huweziukakuta chupa ya maji imetupwa barabarani bahati mbaya hapana, yale usifikiri yametokea kibahatimbaya hapana, bali ni Mfumo wa Malezi waliolelewa wenzetu, kwahiyo hata mtoto tayari anajua afanye nini, hata mkubwa amekuwa katika mazingira kama yale” Amesema Sheikh Kasonso.

Waislam AhlulSunna Waungane na Waislamu Shia Ithnasheriya ili kudumisha Umoja | Maulana Jalala

Kiongozi Mkuu wa Waislamu Shia Ithnasheriya Tanzania Maulana Sheikh Hemed Jalala akiotoa Khutba ya Swala ya Ijumaa, leo Masjid Ghadir Kigogo Post Dar es salaam, akizungumzia Je, Usuni na Uwahabi ni kitu Kimoja?

Kiongozi Mkuu wa Waislamu Shia Ithnasheriya Tanzania  Maulana Sheikh Hemed Jalala amewataka Masheikh na wanazuoni wa Ahlul Sunna Dar es salaam na Tanzania nzima kuungana na Waislamu Shia Ithnasheriya Tanzania ili waendee kuwa wamoja na kuweza kumshinda Adui anaofanya kazi ya kuwagawa.

 “Enyi Ndugu zangu, Wasomi, Masheikh na Wanazuoni wa AhlulSunna Tanzania kuweni macho, Waislamu Shia Ithnasheriya ndio wenzenu, na Mkitaka Usuni uwendelee, ninawaambia Masheikh wa Ahlul Sunna wa Dar es salaam na Tanzania nzima waungane na Mashia Ithnasheriya ndio ndugu zao na wabaki pamoja, na wakitaka wamshinde adui wa Usuni wawe pamoja na Mashia Ithnasheriya” Amewataka Maulana Sheikh Jalala.

Maulana Sheikh Hemed Jalala amesema hayo leo Khutba ya Swala ya Ijumaa, imeyoswaliwa wiki iliyopita, Masjid Ghadir Kigogo Post Dar es salaam, ambapo katika khutba hiyo alizungumzia Je, Usuni na Uwahabi ni Kitu Kimoja?.

Aidha Maulana Sheikh Jalala amewatahadharisha Wasoni, Masheikh na Wanazuoni wa Kiahalul Sunna kuwa macho na gurupu linalofanya kazi ya kuwagawa AhlulSunna na Shia Ithnasheriya kwa kutofuata maelekezo yao ambayo inaonekana ndio chanzo cha Matatizo mengi katika jamii ya Kiislamu.

“Nataka niwaeleze Ndugu zangu, Wasomi na Wanazuoni wa Ahlul Sunna katika nchi hii wakae wakitambua kwamba hilo gurupu linalowaambia Waislamu Shia Ithnasheriya sio wenzenu, msiwaalike kwenye Maulid zenu, msishirikiane nao, msiende kwenye misikiti yao, hao ndio sio wenzenu katika Ahlulsunna, na hao ndio waliowaletea matatizo mengi” Maulana Sheikh Jalala amesema

Hatahivyo Maulana Sheikh Jalala amewatoa hofu Watanzania kwa kusema kuwa Dini tukufu ya Uislamu asili unalingania watu kuwa wamoja, kupendana na kutokuunga mifarakano yoyote ambayo itapekekea migogoro yoyote katika jamii ya Kiislamu.

 “Watanzania Mungu amewaletea Uislamu ambao hauwagawi watu, unawatakeni muwe kitu kimoja, unawatakeni mpendane, vipi linakuja gurupu linaanza kuwagaweni huyu ni Shia Ithnasheriya na huyu ni Ahlul Sunna?,huyu ni Ibaadhi huyu ni Ghawarij?, mbona sivyo Uislamu ulivyo?,?” Amesisitiza Maulana Sheikh Jalala