Nasrallah: Uwahhabi ni hatari zaidi ya utawala wa Kizayuni

Kiongozi wa Harakati ya Mapambano ya Kiislamu ya Lebanon, Hizbullah, amesema anaitazama itikadi ya misimamo mikali ya Uwahhabi kuwa hatari zaidi ya utawala wa Kizayuni wa Israel.

Sayyed Hassan Nasrallah amenukuliwa na gazeti la Al Akhbar la Lebanon tolea la Jumanne akisema, "Uwahhabi ni shari zaidi ya Israel, hasa kwa kuzingatia kuwa lengo la itikadi hiyo ni kuwaangamiza wengine na kufuta kila kitu kuhusu Uislamu na Historia yake.".

Akihutubu katika hadhara ya wasoma mashairi ya maombolezo, Sayyed Nasrallah ameashiria kuibuka kundi la kitakfiri la Daesh au ISIS na kusema: "Mradi huu ulianzishwa mwaka 2011 na si suala la Kisuni na Kishia. Mashirika ya kijasusi yamehusika na tunapaswa kutumia fursa hii kukabiliana na Uwahhabi na kuuangamiza." Aidha amesema mgogoro uliopo hivi sasa  si baina ya Shia na Sunni bali ni mgogoro ulioibuliwa na Mawahhabi.

Ameongeza kuwa, Uwahhabi ni itikadi inayotawala Saudia na inapigiwa debe na watu wanaopata himaya ya Riyadh ambao wanawavutia magaidi kote duniani. Amesema magaidi wa ISIS wanatumia itikadi ya Uwahhabi kuwatuhumu Waislamu wengine kuwa ni makafiri na hivyo kuwaua.

Sayyid Nasrallah ameashiria tishio jingine kubwa zaidi ya Uwahhabi na Uzayuni kuwa ni 'Ushia wa Uingereza' ambao unafadhiliwa na mashirika ya kijasusi ya London. Amesema wanaohubiri Ushia huo wanajidai kuwa wanazuoni wa kidini katika hali ambayo ni mamluki wa mashirika ya kijasusi ya maadui.

Kiongozi wa Hizbullah amesema hana matumani ya suluhisho la kisiasa katika mgogoro wa Syria na kuongeza kuwa yanayojiri katika medani ya vita ndiyo yatakayoamua hatima ya nchi hiyo ya Kkiarabu

Kenya yatangaza azma ya kuangamiza kundi la kigaidi la Al Shabab

Afisa wa ngazi za juu katika polisi ya Kenya amesema vikosi vyote vya usalama nchini humo vina azma imara ya kuangamiza kundi la kigaidi la Al Shabab.

Msemaji wa Polisi ya Kenya George Kinoti amenukuliwa akisema maafisa wa usalama nchini humo watafanya kila wawezalo kung'oa mizizi ya Al Shabab na kukabiliana na vitisho vyote vya usalama nchini humo.

Kinoti aidha amethibitisha habari ya kuuawa maafisa wawili wa Polisi Kenya waliotoweka wakati Al Shabab walipovamia kituo cha polisi katika kaunti ya Garissa. Amesema magaidi wa Al Shabab walichukua miili ya polisi hao na kuipeleka Somalia.

Katika hujuma hiyo ya Alkhamisi iliyopita magaidi wa Al Shabab mbali na kuua maafisa hao wa polisi pia walipora idadi kubwa ya risasi, silaha na vifaa vya mawasiliano katika kituo hicho cha polisi.

Baadhi ya duru zinasema magaidi hao walipora risasi elfu 10 na bunduki 13 za AK 47. Kundi la Al Shabab linafungamana na mtandao wa Al Qaeda na hutekeleza hujuma za mara kwa mara dhidi ya raia na maafisa wa usalama Kenya ambapo mamia wamepoteza maisha katika kipindi cha miaka miwili iliyopita.

CUF yamtimua uanachama Lipumba

Baraza Kuu la chama cha CUF limemtimua uanachama aliyekuwa mwenyekiti wa chama hicho, Profesa Ibrahim Lipumba kuanzia leo.

Katika kikao chake kilichoongozwa na Mbunge wa Tandahimba, Katani Ahmed Katani kimepitisha uamuzi huo leo baada ya kuungwa mkono na wajumbe wote 43 waliohudhuria kikao hicho.

Mashtaka dhidi ya Limba yaliandaliwa na Sekretarieti ya chama yakimtuhumu kufanya vurugu, kuharibu mali za chama na kudharau barua ya wito wa chama kwenda kujitetea.

Mwishoni mwa wiki Lipumba aliongoza mashabiki wake kuvunja geti na milango ya ofisi ya chama hicho, Buguruni Dar es Salaam baada ya kutengua uamuzi wake wa kujiuzulu, hatua iliyoungwa mkono na Msajili wa vyama vya siasa, Jaji Francis Mutungi.

“Tafauti zetu zisitutenganishi kwani sote ni Binadam” Sheikh Abdi

Sheikh Muhammed Abdi akizungumzia tukio la Eid al Mubahala Masjid Ghadir, Kigogo Post, Dar es salaam

“Tofauti zetu zimekuwa ni sababu ya kutugombanisha, tofutti zetu ndogo ndogo zimekuwa ni sababu kutufanya tusikae pamoja jambo ambalo sio mafunzo ya dini yetu ya Kiislam, mafunzo ya Uislam ni kukaa na yeyote maadam yeye ni mwanadam na wewe ni mwanadam kaa umsikilize, watu ni wa aina mbili ima ni ndugu yako katika dini au ni ndugu yako kwa kuwa nyote ni wanadam”

Na.Sheikh Muhammed Abi

#Eid al #Mubahala2016

“Uislam ni dini yenye hoja na sio kutengana” Sheikh Abdi

Sheikh Muhammed Abdi akizungumzia tukio la Eid al Mubahala Masjid Ghadir, Kigogo Post, Dar es salaam

“Kwanini wewe unaitikadi kuwa upo katika haki, upo katika njia sahihi uogope kumsogelea mwingine, kwanini huyu anaesema yeye yuko sawasawa aogope kwenda kuwasikiliza Mashia Ithnasheriya, hii ni yaleyale kipindi cha Mtume Muhammad (s.a.w.w) Makuraishi wa makka walikuwa wakiwakataza watoto wao , vijana wao wasiende kumsikiliza Mtume Muhammad (s.a.w.w) Yule ni mchawi,akizungumza yale maneno yake yanavutia na ushawishi ,hii ni kuonesha udhaifu.

 

Udhaifu wa hoja, udhaifu wa itikadi ya Imani, udhaifu kwa kile ambacho wanakiamini lakini aya hii inasema la (suratul al Imran aya 58-61) sisi itikadi yetu ni dhabiti, ndio maana bwana Mtume Muhammad (s.a.w.w) kuonesha itikadi yake ni dhabiti aliwambia njooni, hajasena msije.

Na sisi tunawambia wale wote ambao wanasema kwamba Ushia Ithnasheriya sio sahihi, tunawambia njooni,njoni Kigogo,njooni Masjid Ghadir, mwenye hoja tutampa mimbari 

azungumze,tumsikilize na tumuulize maswali, na sisi tupo tayari watwite twende tuzungumze, watuulize maswali, hiyo ndio hoja, hayo ndiomazungumzo, hivyo ndio watu wanatakiwa wakae Yule ambae atashindwa basi akishindwa na akiona ameshindwa lakini hataki kufuata basi atakaa pembeni lakini mzungumzo yatakuwa yameisha”

Na.Sheikh Muhammed Abdi

#Eid al #Mubahala2016

“Uislam ni dini ya hoja na sio dini ya malumbano” Sheikh Abdi

Sheikh Muhammed Abdi akizungumzia tukio la Eid al Mubahala Masjid Ghadir, Kigogo Post, Dar es salaam

“Leo hii anapokuja Mshia Ithnasheriya akasema mimi itikadi yangu kwamba Allah /Mungu (swt) haonekani hapa duniani na kesho akhera, wewe Muwahabi / Answar Sunna ukaja ukasema la,Allah /Mungu wangu (swt) mimi ni yule ambae anashuka kila siku ya Ijumaa sawa #tusikufurishane nipe hoja yako inayodhibitisha kwamba Allah / Mungu (swt) anashuka na farasi kila usiku wa Ijumaa, na mimi nikupe hoja yangu ambayo na itikadi kwamba Allah /Mungu (swt) ni mmoja haonekani, hanasehemu, halafu tuache wenye akili wapime ipi hoja yenye maana na ipi hoja ya kuchukua.

 

Hayo ndio mafunzo yanayopatikana ndani ya tukio hili tukufu (Suratil Al-Imran aya 58-61), Uislam sio kugombana uislam ni hoja”

Na.Sheikh Muhammed Abdi

#Eid al #Mubahala2016