SIKU YA QUDS NI UKOMBOZI WA MWANADAMU DUNIANI

Siku ya Quds ni kwa walimwengu wote. Ni siku maalum kwa ajili ya wanao onewa na wamevamiwa na wanao kandamizwa popote pale duniani kusimama dhidi ya ukandamizaji na uonevu

Quds day ni Sauti ya Jumla ya watu wote wanao thamini HAKI ZA KIBINADAMU nayo ni kwamba watu wana haki kuishi kwa kuji tawala wenyewe bila kuingiliwa na Nchi yeyote ingine. Wito wetu ni kwamba kila mpenda haki bila kuangalia dini anatakiwa kwa njia moja ama nyingine aungane na wapenda amani duniani katika kufikisha tamko la kuitetea palestina na kuungha mkono mapambano dhidi ya unyanyasaji, dhulma na uonevu katika ulimwengu. Ili dunia iwe na Amani na kuwa sehemu salama ya kuishi ni lazima dhulma zitokomezwe basi kuwa miongoni mwa watokomeza dhulma na uonevu kwa kuanza kuwaunga mkono wananchi wa palestina. "PALESTINA LAZIMA IKOMBOLEWE NA IWE HURU"

Mahakama Marekani yaruhusu ndoa za mashoga

Wapinzani wa ndoa za jinsia moja wakiandamana mbele ya mahakama kuu

Hukumu hiyo iliyopitishwa na majaji watano dhidi ya wanne imesema uhakikisho wa katiba wa ulinzi sawa chini ya sheria unamaanisha kuwa majimbo hayawezi kupiga marufuku ndoa za jinsia moja. Kufuatia hukumu hiyo, ndoa za jinsia moja zitakuwa halali katika majimbo yote 50 ya Marekani.

Jaji Anthony Kennedy, akiandika kwa niaba ya mahakama, amesema matumaini ya wapenzi wa jinsia moja wanaopanga kuoana ni kutengwa na kuishi maisha ya upweke, na kutenganishwa na taasisi za moja ya demokrasia za muda mrefu zaidi duniani. "Wanaomba heshima sawa mbele ya sheria. Katiba inawapa haki hiyo," amesema.

Kennedy ambaye hutoa kura ya maamuzi katika kesi katika kesi zenye mvuto mkubwa, aliungwa mkono na wengine wa majaji wanne waliberali wa mahaka hiyo. Kennedy ambaye aliteuliwa na rais Mrepublican Ronald Reagan mwaka 1988, hivi sasa ameandika hukumu zote muhimu nne kuhusu haki za mashoga, ambapo ya kwanza ilikuja mwaka 1996.

"Bila kutambuliwa, utulivu na kutabirika kwa ndoa, watoto wao watateseka na unyanyapa wa kujua kuw afamilia zao haziko sawa na nyingine," aliandika Kennedy. Katika maoni yanayokinzana, jaji mhafidhina Antonin Scalia, alisema uamuzi huo unaonyesha kuwa mahakama hiyo ni tishio kwa Wamarekani.
Jaji mkuu wa Marekani, mhafidhina John Roberts, alisoma muhtasari wa upinzani wake kutokea nje ya chemba la majaji, hii ikiwa mara ya kwanza kwake kufanya hivyo katika kipindi cha miaka 10 aliokaa katika mahakama hiyo. Roberts alisema ingawa zipo hoja za nguvu kisera katika suala la ndoa za jinsia moja, halikuw ajukumu la mahakama hiyo kuyalaazimisha majimbo kubadili sheria zake za ndoa.

 

Obama, Clinton washerehekea, Republican walaani

Rais Barack Obama, ambaye ni rais wa kwanza alieko madarakani kuunga mkono waziwazi ndoa za jinsia moja, alisifu hukumu hiyo, akisema kwenye mtandao wake wa twitter kuwa siku ya leo ni hatua muhimu katika safari ya kuhakikisha usawa kwa watu wote.

Naye Hillary Clinton, mgombea anaepewa nafasi kubwa kupitishwa na chama Demokratic kuwania urais mwaka 2016, aliandika kwenye mtandao wake wa twitter kuwa "Najivunia kusherehekea ushindi wa usawa wa ndoa." Hadi mwaka 2013, Clinton alisema alikuwa anapinga ndoa za jinsia moja, lakini alibadili mtazamamo wake tangu wakati huo.

Rais Barack Obama ameitaja hukumu hiyo kuwa ni ushindi wa usawa nchini Marekani.

Mgombea wa chama cha Republican Mike Hackabee alisema, uamuzi huu wa udanganyifu ni uababe wa mahakama unaokwenda kinyume na katiba." Mgombea mwingine wa Republican Jeb Bush aliongeza kuwa, " nikiongozwa na imani yangum naamini katika ndoa za asili. Naamini mahakama kuu ilipaswa kuyaruhusu majimbo yafanye uamuzi huu.

Ndoa za jinsia moja zilikuwa zinaruhusiwa katika majimbo 36 ya Marekani pamja na Washington DC. Katika jimbo la 37 la Alabama, mahakama iliondoa marufuku dhidi ya ndoa za jinsia moja, lakini mahakama ya rufaa iliwazuwia maafisa wa serikali kutoa leseni kwa wapenzi wa jinsia moja.

Wapinzani wa ndoa hizo wanasema uhalali wake unapaswa kuamuliwa na majimbo yenyewe, na wengine wanasema kuruhusiwa kwa ndoa hizo ni dharau kwa ndoa ya asili kati ya mwanamume na mwanamke, na kwamba Biblia inalaani mahusiano ya jinsia moja.

Hisia juu ya hilo zilikuwa juu wakati wa mjadala mahakamani mwezi April katika kesi hiyo, pale mwandamanaji alipowapigia kelele majaji na kuwambia wataozea jahanam ikiwa watapitisha hukumu kuunga mkono ndoa za jinsia moja.Chanzo BBC Swahili

Serikali Tunis yafunga misikiti 80 baada ya shambulio

Serikali ya Tunisia imeamua kufunga misikiti 80 inayoendeshwa nje ya udhibiti wake, siku moja baada ya kutokea shambulio la kigaidi na kupelekea makumi ya watu kuuawa katika nchi hiyo ya kaskazini mwa Afrika.
Waziri Mkuu wa Tunisia Habib al Essid ametangaza habari hiyo leo na kusema kuwa, wananchi wa Tunisia wanapaswa kuwa kitu kimoja na kuisaidia serikali katika kupambana na makundi ya kigaidi.
Amesema, hakuna msikiti wowote utakaoruhusiwa kujiendesha nchini Tunisia bila ya serikali kujua unajiendesha vipi.
Hatua hiyo imechukuliwa baada ya mtu mmoja mwenye silaha kufanya mauaji ya watu 38 wengi wao wakiwa ni watalii, katika mji wa Sousse, kaskazini mwa Tunisia jana Ijumaa.
Vikosi vya usalama vya nchi hiyo vilimpiga risasi na kumuua mmoja wa washambuliaji wawili, huku mwingine akikimbia na hivi sasa anasakwa.
Kundi la kigaidi la Daesh limetangaza kuhusika na shambulio hilo. Daesh inafanya jinai pia katika maeneo mengine duniani hususan Iraq na Syria.
Jana Ijumaa pia, kundi la kigaidi la Daesh lilifanya mauaji ya Waislamu zaidi ya 27 wa Kishia wakati Waislamu hao walipokuwa kwenye sala ya Ijumaa nchini Kuwait.
Jana hiyo hiyo, mtu mmoja mwenye uhusiano na kundi la kigaidi la Daesh aligongesha gari yake na kiwanda cha gesi katika eneo la Isère karibu na Grenoble, huko kusini mashariki mwa Ufaransa na kusababisha mripuko uliojeruhiwa watu wawili.
Vile vile alimkata kichwa mwajiri wake wa zamani na kutundika kichwa chake kwenye geti la kiwanda hicho pamoja na bendera ya genge la kigaidi la Daesh.Chanzo IRI

Huzuni Yatanda Dar, Wanahabari Kuaga Mwili Wa Edson Kamukara

Pichani ni mkurugenzi wa magazeri ya halisi piblisher na mwandishi nguli wa habari za uchunguzi tanzania SAID KUBENEA akiuaga mwili wa mfanyakazi mwenzake EDSON KAMUKARA LEO Jijini Dar es salaam

 

 

 Habari Kamili

Aliyekuwa mwandishi wa habari wa magazeti ya hali halisi publisher wazalishaji wa gazeti la mawio na mwanahalisi online Marehemu EDSON KAMUKARA leo mwili wake umeagwa Jijini Dar es saalaam na kusafirishwa kwenda kupumzishwa nyumbani kwao Bukoba baada ya kufariki ghafla Juzi Nyumbani kwake Mabibo Jijini Dar es salaam.
EDSON KAMUKARA alifariki Dunia Terehe 25 huu nyumbani kwake kwa kile kiinachotajwa kuwa ni ajali ya moto huku wengine wakisema ni ugonjwa wa malaria.
Habari za kifo chake zilianza kuenea kwa kasi majira ya saa kumi na mbili jioni ya siku hiyo ambapo Taarifa hizo zilikuwa zikieleza kuwa ndugu EDSONI KAMUKARA alifariki baada ya kulipukiwa na jiko la GESI lililokuwa ndani kwake huku Taarifa nyingine kinzani ambazo zinazidi kuenezwa zikidai kuwa ugonjwa wa malaria ndio uliosababisha kifo chake.
Katika shuguli hiyo ya kuaga mwili huo katika viwanja vya LEADERS leo asubuhi ilihudhuriwa na wadau mbalimbali wa maswala ya habari wakiwemo mwenyekiti wa wamiliki wa vyombo vya habari nchini Tanzania REGNALD MENGI,

mwenyekiti wa chama cha democrasia na maendeleo CHADEMA Mh FREMAN MBOWE,pamoja na viongozi mbalimbali wa kiserikali na mashirika mbalimbali pamoja na wanahabari ambao ndugu EDSON  alikuwa akishirikiana nao kwa ukaribu.
Nimekuwekea picha mbalimbali za matukio katika shighuli hiyo huku tukizidi kufwatilia kwa ukaribu sababu za kifo hiki cha ghafla

Sheikh Waziri Nyelo afanya Ziara Makaburini

 Sheikh Waziri Nyello aliyekuwa Mwenyekiti wa Jumuiya ya Waislam wa Madhehebu ya Shia Ithna Ashariyyah Tanzania, amewaongoza wana kijiji wa Nyasa kwenye kisomo maalumu kwa ajili ya kuwa kumbuka Marehemu na waasisi wa kijiji hicho.

Tukio hilo  limetoa katika Mkoa wa Tanga wilaya ya Lushoto , kumbukumbu hii huwa inafanyika kwa kila mwaka ifikapo Ramadhan ya 9 ikiwa ni sehemu ya kuunganisha umoja na mshikamano baina ya Waislamu. 

Ziara ya makaburi ni jambo lililoruhusiwa kisheria, ni jambo lenye faida kwa walio hai ili wawaidhike na iwakumbushe na akhera ajue mwenye kuzuru kaburi kuwa hapo alipo nduguye naye atakuwamo siku moja. Hali kadhalika faida nyingine ni kuwaombea nduguze waislamu na huyo maiti wake.

Inafaa kwa Mwislamu kila wiki kwa uchache hasa siku AIhamisi awakumbuke wafu wake kwa kufika kwenye makaburi yao, hii ni Sunna ya Mtukufu Mtume (s.a.w.w) akiwaamrisha Masahaba wake kuzuru makaburi.

Licha ya kuwepo wapokezi wa hadithi kuhusu jambo hilo kutokana na wanachuoni, wa Ki-Shia vile vile wamepokea hadith hizo wanachuoni wa Ki-Sunni nao ni: Bwana Muslim katika Saheeh yake, na Bwana Bayhaki katika 'Sunan' yake na pia Bwana Ahmad Bin Hambal, Bwana Abudaud, Bwana Tirmizi, Bwana Nasaina Bwana Baghawi.

Ni sunna unapofika kwenye kaburi uelekee Qibla, weka mkono kwenye hilo kaburi na soma mara saba (7) sura ya Innaa Anzalnahu (5:97) na pia bora usome sura ya AL-FAATlHA (S:1) na sura ya AL-FALAQ (5:113) na WAN-NASI (S:114) na sura ya QUL-HUWL-LAAHU (S:112) na Ayatul-Kursi kila moja mara tatu.