Raisi Dr.Jakaya Kikwete atoa Zawadi ya Eidil Hajj Kwa Makundi Mbalimbali

Vyakula vilivyotolewa na Rais Jakaya Kikwete vikiwa eneo la tukio vikisubiri kuchukuliwa.

Mwakilishi wa Kituo cha Wazee na Wasiojiweza cha Nunge kilichopo Kigamboni, David Mpangala akiwa na mbuzi waliotolewa kwa ajili ya kituo hicho.

RAIS Jakaya Kikwete ametoa zawadi ya vyakula na kitoweo kwa makundi mbalimbali kwa ajili ya kusherehekea Sikukuu ya Idd El Haji ambayo inaadhimishwa duniani kote leo.

Zawadi hiyo imekabidhiwa kwa makundi hayo kwa niaba yake na Kamshna Msaidizi Kitengo cha Walemavu wa Wizara ya Afya na Ustawi wa Jamii, Beatrice Fungamo Dar es Salaam leo asubuhi.

Akizungumza na waandishi wa habari wakati wa kukabidhi zawadi hiyo, Fungamo alisema Rais ametoa zawadi hiyo kwa ajili ya Sikukuu ya Idd El Haji kama anavyofanya siku zote wakati wa sikukuu mbalimbali.

Fungamo alitaja vituo vilivyopata zawadi hiyo kuwa ni Mahabusu ya Watoto ya Upanga iliyopo Manispaa ya Ilala, Makazi ya Wazee wasiojiweza ya Nunge, Kigamboni, Chuo cha Watu wenye Ulemavu cha Yombo Temeke na Kituo cha Kulelea Watoto Mayatima (Chakuwama) cha Sinza.

Alitaja vituo vingine kuwa ni Kituo cha Makao ya Watoto Yatima cha Mburahati, Ilala, Kituo cha Makao ya Watoto-Kurasini, Kituo cha Full Gospel, Temeke na Kituo cha Watoto Alsaad Children House Kurasini.

Alivitaja vituo vingine kuwa ni cha Vosa Mission cha Kongowe, Temeke na Kituo cha Kijiji cha Furaha kilichopo Kinondoni jijini Dar es Salaam.

Fungamo alitaja vituo vilivyopata zawadi hiyo ya Idd El Haji kwa upande wa Zanzibar kuwa ni Kituo cha Mabaoni kilichopo Pemba na Makazi ya Wazee Sebleni yaliyopo Unguja.

Alitaja vituo vingine vilivyopo mikoani vilivyopata zawadi hiyo kuwa ni kituo cha The Village of Home cha Dodoma, kituo cha Moyo Mmoja cha Bagamoyo mkoani Pwani, kituo cha watoto cha Tosamaganga kilichopo mkoani Iringa na Mahabusu ya Watoto Arusha na Tanga.

(Imeandaliwa na mtandao wa

www. habari za jamii.com-simu namba 0712-727062)

Serikali Imefanikiwa Kuboresha Utendaji Kazi wa Utumishi wa Umma kwa Kuendesha Mikutano Kupitia Njia ya Video (Tehama)

Baadhi ya watendaji kutoka Ofisi ya Rais Menejimenti ya Utumishi wa Umma wakiwa katika kikao kazi  kupitia njia ya video kwa makatibu tawala wa mikoa na wasaidizi wao, wakurugenzi wa mamlaka za serikali  za mitaa na wakuu wa idara za utawala na rasilimali watu katika mamlaka za serikali za mitaa  kwenye  mikoa ya Dares Salaam, Kagera, Tanga,Tabora,Manyara, Morogoro, Rukwa na Katavi kilichofanyika leo kwenye ukumbi wa Wakala wa Mafunzo kwa Mtandao iliyopo jijini Dares Salaam.

 Kaimu Katibu Mkuu wa Ofisi ya Rais Menejimenti ya Utumishi wa Umma HAB Mkwizu wa pili kulia   akifafanua jambo wakati  kikao kazi  kupitia njia ya video kwa makatibu tawala wa mikoa na wasaidizi wao, wakurugenzi wa mamlaka za serikali  za mitaa na wakuu wa idara za utawala na rasilimali watu katika mamlaka za serikali za mitaa  kwenye  mikoa ya Dares Salaam, Kagera, Tanga,Tabora,Manyara, Morogoro, Rukwa na Katavi kilichofanyika leo kwenye ukumbi wa Wakala wa Mafunzo kwa Mtandao iliyopo jijini Dares Salaam.

                    Picha zote na Magreth Kinabo – MAELEZO

Serikali imefanikiwa   kuboresha  utendaji kazi wa utumishi wa umma kwa kuendesha mikutano kupitia njia ya video(TEHAMA) katika taasisi zake,wizara idara ili kuongeza kwa ufanisi na tija kwa gharama nafuu kwa ajili ya kupata matokeo mazuri kwa muda mfupi.

Hayo yalisemwa na   Kaimu Katibu Mkuu wa Ofisi ya Rais Menejimenti ya Utumishi wa Umma HAB Mkwizu    wakati akizungumza na waandishi wa habari  kuhusu uendeshaji wa  kikao kazi  kupitia njia ya video kwa makatibu tawala wa mikoa na wasaidizi wao, wakurugenzi wa mamlaka za serikali za mitaa na wakuu wa idara za utawala na rasilimali watu katika mamlaka za serikali za mitaa kwenye mikoa ya Dares Salaam, Kagera, Tanga,Tabora,Manyara, Morogoro, Rukwa na Katavi kilichofanyika leo kwenye ukumbi wa Wakala wa Mafunzo kwa Mtandao iliyopo jijini Dares Salaam.

“Serikali imebuni sera ya TEHAMA na Serikali Mtandao katika kutekeleza majukumu yetu kwa kulenga tija na ufanisi. Leo tunazungumzia  mpango wa Matokeo Mkubwa Sasa (BRN) ili tupate matokeo ya  BRN  kwa ufanisi  na kwa wakati hatuna budi kutumia TEHAMA,” alisema Kaimu Katibu Mkuu huyo.

 Mkwizu alisema mkutano huo ni wa  awamu ya kwanza  kufanyika kwa kupitia njia hiyo, hivyo vikao vitatu vimefanyika, kikao cha kwanza  kufanyika kilifanyika  Septemba 15,mwaka huu ambao ulihusisha watendaji hao kwenye mikoa ya Mwanza, Mbeya, Kilimanjaro, Dodoma , Ruvuma Kigoma,Lindi na Geita.

Aliongeza kwamba mkutano wa awamu ya  pili  ulifanyika Septemba 17, mwaka huu ambapo ulihusisha watendaji hao kwenye mikoa ya Arusha, Singida,Pwani,Iringa, Mara,Mtwara, Shinyanga, Njombe  na Simiyu.

Alizitaja   mada  zilizojadiliwa katika mikutano hiyo kuwa ni Sheria ya watu wenye ulemavu  ya mwaka 2010 na kanuni zake, wajibu wa waajiri katika ufuatiliaji na uzingatiaji wa maadili katika utumishi wa umma , ukaguzi wa rasilimali watu katika utumishi wa umma, ambalo ni jukumu la msingi la Tume ya  Utumishi wa Umma,ambao wanakagua mifumo yamenejimmenti  rasilimali watu ya utumishi wa umma na kuona inatekelezwa vipi  na tathimini ya kazi katika utumishi wa umma ili kulinganisha kazi mbalimbali na hatimaye kuja na mapendekezo kazi mbalimbali watu walipwe vipi kulingana na unyeti, madaraka ili zinazofanana zilipwe sawa na zisizofanana zilipwe tofauti.

Alisema awamu ya pili ya uendeshaji wa mikutano kwa kutumia njia hiyo itafanyika Novemba mwaka huu.

Mkwizu alifafanua kwamba   tayari  Serikali  imeshaweka mwongozo katika taasisi zake na mamlaka za Serikali ili ziweze kufanya mikutano au kikao kazi kwa njia video. Hivyo mikoa yote imeshafungiwa vifaa maalum kwa ajili ya matumizi hayo isipokuwa mikoa mipya ambayo ambayo hujiunga na mikoa mama. 

Kwa upande wake Mkurungezi Mtendaji wa  Wakala wa Mafunzo wa Serikali Mtandao(TaGLA), Charles Senkondo alisema ulianzishwa mwaka 2011 ili kuongeza kasi ya uboreshaji wa huduma.

 Alisema mfumo huo umewezesha madaktari bingwa wa hapa nchini kuweza kutibu wagonjwa kwa kuwasiliana na madaktari  wenzao mabingwa kutoka nje ya nchi, watu kufanya usaili na kupata kazi za kimataifa na mahakama kuendesha kesi kwa kuwasiliana na mashahidi  walioko nje ya nchi.

Alizitaja changamoto wanazokutana nazo kuwa ni pamoja na baadhi ya watu kuwa  na fikra potofu katika matumizi ya TEHAMA, wengine wanafikiri ni kitu kigumu na kuwa na  woga wa kutumia lakini kutokana na ushirikiano  wanaoupata kutoka kwa wadau mbalimbali wameendesha mikutano mingi na wanao uwezo  wa kutoa ushauri na mwongozo inayosaidia kuendesha mikutano kupitia njia hiyo ili iweze kufanyika vizuri.

“Watanzania wafahamu kwamba wakala wa mafunzo kwa njia ya mtandao imeanzishwa na Serikali kwa ajili yao, hivyo ninatoa wito waweze kuitumia na kupeleka taarifa kwa urahisi ambazo  zinawafikia watu wengi kwa wakati mmoja na sisi tuko  tayari kutoa ushauri ili mikutano kufanyika ipasavyo”, alisema Senkondo.

Dk. John Pombe Maguful atikisa Geita, Kushughulikia Matatizo ya Wachimbaji Wadogo wa Madini

Mgombea Urais wa jamhuri ya Muungano wa Tanzania   kupitia Chama cha Mapinduzi CCM Dk. John Pombe Magufuli akihutubia wananchi katika mkutano wake wa kampeni  uliofanyika kwenye uwanja wa Kalangalala mjini Geita leo na kuhudhuriwa na maelfu ya wananchi, Dk. John Pombe Magufuli leo amehutubia mikutano katika miji ya Runzewe wilayani Bukombe, Katoro wilayani Chato na Geita mjini akiendelea na kampeni zake kwaomba wananchi kumpa kura za ndiyo ili aweze kuingia Ikulu ya Magogoni na kuwafanyia kazi watanzania kama kiongozi na Amiri Jeshi mkuu wa Tanzania.
Mgombea Urais Huyo amewaambia wananchi wa Geita kuwa mara atakapoingia Ikulu moja ya changamoto anazotarajiwa kuzipa kipaumbele cha kutatua, Ni pamoja na kuwapa maeneo wachimbaji wadogo wa madini nchini ikiwa ni pamoja na kuwakopesha mitaji na kuwapa vifaa vya kisasa vya kufanyia kazi zao pamoja na mafunzo kwa ajili ya  kuboresha uchimabaji wao ili uwe wa kisasa zaidi na kupandisha  kiwango cha  ufanisi wa kazi zao za uchimbaji madini .(PICHA NA JOHN BUKUKU-FULLSHANGWE-GEITA)

Mfumo Mpya wa Usajili na Uhifadhi wa Takwimu za Matukio Muhimu Ya Binaadamu Kuanzishwa Tanzania Bara

Mwakilishi wa Shirika la Afya la Umoja wa Mataifa (WHO) Dkt. Rufaro Chatora akiongea kwa niaba ya wawakilishi wengine wa mashirika ya Umoja wa Mataifa waliohudhuria kikao cha wadau wa Usajili na Uhifadhi wa Takwimu za Matukio Muhimu ya Binadamu katika ukumbi wa hoteli ya New Africa, Dar es Salaam.

Mkurugenzi Mkuu wa Ofisi ya Taifa ya Takwimu Dkt. Albina Chuwa akijibu baadhi ya maswali kutoka kwa wadau wakati wa kikao cha kujadili rasimu ya Mkakati wa Usajili na Uhifadhi wa Takwimu za Matukio Muhimu ya Binadamu katika ukumbi wa hoteli ya New Africa, Dar es Salaam

Katibu Mkuu wa Wizara ya Katiba na Sheria Maimuna Tarishi akitoa hatuba ya ufunguzi rasmi wa kikao cha wadau wa Usajili na Utunzanji wa Takwimu za Matukio Muhimu ya Binadamu nchini kilichofanyika katika ukumbi wa hoteli ya New Africa, Dar es Salaam.

Usajili wa Raia una jukumu la msingi katika kutekeleza matakwa ya utawala bora na maendeleo ya kiuchumi katika taifa lolote lile duniani.

Hayo yamesemwa na Katibu Mkuu wa Wizara ya Sheria na Katiba Maimuna Tarishi wakati akifungua mkutano wa wadau wa kujadili Rasimu ya Mkakati wa Usajili na Uhifadhi wa Takwimu za Matukio Muhimu ya Binadamu uliofanyika jijini Dar es Salaam. 

Tarishi amesema Usajili wa Raia ni wajibu wa kisheria kwa kuwa unasaidia katika upangaji wa mipango madhubuti ya maendeleo pamoja na kuiletea maendeleo jamiii kulingana na Mkakati wa Kuondoa Umaskini na Kukuza Uchumi Tanzania (KUKUTA II).

Katibu Mkuu huyo wa Wizara ya Katiba na Sheria amebainisha kuwa mfumo wa Usajili wa Raia uliopo sasa Tanzania Bara umekuwa ukifanya kazi kwa kusuasua na hivyo kusababisha baadhi ya wananchi kutotambulika katika kumbukumbu rasmi za kiutawala. 

“Kwa mujibu wa Sensa ya Watu na Makazi iliyofanyika mwaka 2012, ni asilimia 15 tu ya watanzania ndio waliosajiliwa na kupata vyeti, hali inayowaacha wengi pasipo kutambulika popote katika kumbukumbu rasmi za kiutawala,” amesema Tarishi.

Ameongeza kuwa usajili ya vifo ndio uko katika hali mbaya zaidi ambapo ni matukio machache ya vifo yanayoandikishwa na sababu za vifo hivyo hazibainishwi kwa usahihi au hazibainishwi kabisa hali inayosababisha ugumu katika kutekeleza majuku kwa upande wa sekta ya afya nchini. 

Kwa upande wake Mkurugenzi Mkuu wa Ofisi ya Taifa ya Takwimu Dkt. Albina Chuwa ambaye ofisi yake ni mdau muhimu wa mfumo huu, amesema lengo la mkakati huu ni kuanzisha mfumo wa Usajili wa Raia ambao unakidhi vigezo vya kimataifa ambao ni wa kudumu na unaofikia watu wote katika kusajili matukio muhimu ya binadamu na kuzalisha takwimu za matukio hayo katika namna ambayo ni endelevu na ya kuaminika.

Dkt. Chuwa amesema mfumo huu wa Usajili wa Raia ukikamilika utasaidia kupata huduma zote za usajili katika sehemu moja kwa vituo vyote vya usajili nchini. 

Nae Kaimu Afisa Mtendaji Mkuu wa Wakala wa Usajili, Udhamini na Ufilisi (RITA) Emmy Hudson amesema mfumo uliopo sasa uko mbali na wananchi walio wengi hasa wa maeneo ya vijijini kwasababu ngazi ya chini ya usajili ni ofisi ya  Katibu Tawala wa Wilaya.

Changamoto hii na nyingine inasababisha huduma hii ya usajili kutofika kwa urahisi kwa wananchi walio wengi hali ambayo inaleta uhitaji wa mabadiliko ambayo ili tufanikiwe, RITA inahitaji peke yake haitamudu kuzikabili changamoto za mfumo pasipo kuhusisha wadau mbalimbali katika kuboresha mfumo huu.

Usajili wa Raia ulianzishwa na sheria ya kikoloni mnamo mwaka 1917. Kwa mujibu wa sheria hiyo usajili ulikuwa ni lazima kwa wakazi wa Tanganyika na baada ya uhuru, sheria hii ilirithiwa ambapo licha ya mabadiliko kadhaa ambayo yamekuwa yakifanyika bado wananchi wamekuwa na kasumba ya kutokuona umuhimu wa Usajili wa Raia nchini.chanzo Fullshangwe