Maandamano ya kutaka Sheikh Zakzaky aachiliwe huru yaendelea Nigeria

Kwa mara nyingine Waislamu nchini Nigeria wamefanya maandamano ya amani wakitaka kuachiliwa huru Sheikh Ibrahim Yaqoub El Zakzaky, kiongozi wa harakati ya Kiislamu ya nchi hiyo.

Mamia ya Waislamu wamemiminika mabarabarani katika jimbo ka Kano, kaskazini mwa nchi hiyo na kutaka kuachiliwa huru haraka iwezekanavyo kiongozi huyo wa harakati ya Kiislamu nchini Nigeria. 

Hii ni katika hali ambayo maelfu ya wananchi mjini Abuja, mji mkuu wa Nigeria walifanya maandamano makubwa hapo siku ya Jumatano katika kulalamikia hatua ya serikali ya Rais Muhammadu Buhari ya kuzidisha mashinikizo dhidi ya Waislamu wa taifa hilo na kutaka kuachiliwa huru Sheikh Ibrahim El Zakzaky anayeendelea kuwekwa kizuizini.Ni miezi minane sasa imepita tangu kiongozi huyo wa Kiislamu na mke wake Zeenat walipotiwa mbaroni na jeshi la Nigeria. Hii ni katika hali ambayo hali ya kiafya ya kiongozi huyo imetajwa kuwa mbaya mno, hata hivyo viongozi wa nchi hiyo hawako tayari kusikiliza malalamiko ya wananchi ya kumuachilia huru.Katika uvamizi wa jeshi la Nigeria kwenye makazi ya Sheikh huyo mjini Zariya katika jimbo la Kaduna kaskazini mwa nchi hiyo na pia dhidi ya Husseiniyyah ya Waislamu wa Kishia hapo tarehe 14 Disemba mwaka jana 2015, karibu Waislamu 1000 waliuawa. Kadhalika jeshi hilo lilimjeruhi kwa risasi kadhaa Sheikh Ibrahim Yaqoub El Zakzaky na mke wake na kisha kuwatia mbaroni na kuendelea kuwashikilia hadi sasa.chanzo.parstoday

MZEE YUSUF AACHANA NA MUZIKI, AVITAKA VITUO VYOTE VYA TELEVISHENI NA REDIO KUACHA KUPIGA NYIMBO ZAKE

Aliyekuwa Mfalme na gwiji wa muziki wa taarabu Afrika mashariki MZEE YUSUF ameamua kuachana na mziki na kumrudia Allah

 ..............................................................................

Mzee Yusuf aliyekuwa mwimbaji wa muziki taarabu leo ijumaa tarehe 12-08-2016 ametangaza kuachana na muziki Muda mfupi baada ya kumaliza kuswali swala ya ijumaa ktk msikiti wa ilala bungoni (Masjid Taqwa)

Alizungumza huku akibubujikwa na machozi mengi Mzee Yusuf amemuomba Allah amsamehe madhambi yake yote pamoja na kuwaomba waumini wote wamuombee msamaha kwa Allah. Kadhalika amewaomba wanamuziki wengine ambao ni waislamu kuachana na muziki na kuzitumia fani zao walizonazo ktk kutangaza na kusifia tabia za bwana mtume muhammad (s.a.w).

Gwiji huyo wa zamani wa taarabu amewaomba watu wote waliokuwa na Cd zake majumbani mwao kuacha kupiga nyimbo zake na wakikaidi wafahamu madhambi yote yatakuwa juu yao kwani yeye hivi sasa anafanya toba kwa Allah.

Pia amevitaka vituo vyote vya televisheni na redio kuacha kupiga nyimbo zake kwani yeye Hana dhimma hiyo Tena. Ikumbukwe hali kama hii ilishawahi kutokea kwa aliyekuwa msanii wa bongo fleva SUMA LEE kuamua kuachana na mziki na sasa ni mpenzi mkubwa wa mtume muhammad (s.a.w)

Yaa rabbi awape tawfiiq wanamuziki wote wa kiislamu waachane na muziki pamoja kutupa mwisho mwema wao pamoja nasi in shaa Allah.

Hakuweza kuendelea kuongea zaidi ya maneno hayo na kuangua kilio kilichomsababishia maneno kutoweza kutoka mdomoni mwake.