Muft Abubakar: Jamii inatakiwa kukemea vikali wanaopotosha jamii

Mufti Mkuu wa Tanzania Sheikh Abubakari Zuber

Jamii imetakiwa kuwakemea watu wenye fikra ya kupotosha ili nchi iendelee kuwa na amani ,utulivu na mshikamano.

Akizungumza jijini Dar es salaam Mufti Mkuu wa Tanzania Sheikh Abubakari Zuber,amesema kuna  baadhi ya watu wanatumia mikusanyiko vibaya katika kupotosha umma hivyo ni busara kila mtanzania kukemea kwa nguvu zote.

Amesema  jamii inatakiwa kujenga  mahaba na nchi yao ili kuepusha migogoro na uvunjifu wa amani usio wa lazima.

“jamii ikijenga mahaba ya dhati itasaidia nchi kuwa sarama na watu kufanya kazi zao kwa amani na utulivu “

Sheikh Mkuu wa Mkoa wa Dar es salaam Sheikh Alhad Mussa ambae pia ni Mwenyekiti wa Kamati ya Amani Mkoa wa Dar es alaam akiongea kwenye hafla ya futar hiyo.

Naye Sheikh Mkuu wa Mkoa wa Dar es salaam Sheikh Alhad Mussa amesema kila mmoja wetu aijenge nchi kwa kumtanguliza mungu na kuliombea.

“kujenga nchi yenye amani ni jukumu la kila mtanzania kwani amani ni kimbilio la kila binadamu na ndo maana kila kwenye machafuko maendeleo huwa duni tofautfi na nchi zenye amani”

Katibu wa Kamati ya Amani Mkoa wa Dar es salaamPadri JOHN SOLOMON akiongea kwenye hafla ya Futari hiyo

Kwa  upande wake Padri JOHN SOLOMON ,amesema amani ndiyo inaleta maendeleo endelevu katika nchi yeyote duniani.

 “amani ni tunu aliyotupa mwenyezi mungu hivyo ni busala kila kiongozi kuitngaza kwa nguvu zake zote  zote ili matunda haya yawe kwa vizazi vyetu”.