'Vitisho havitazuia maombolezo ya Imam Hussein AS'

Katibu Mkuu wa Harakati ya Hizbullah nchini Lebanon Sayyid Hassan Nasrullah

Habari Kamaili

Katibu Mkuu wa Harakati ya Hizbullah nchini Lebanon amesema kuwa, kuna udharura mkubwa wa kutumiwa vyema siku hizi za maombolezo ya kuuawa shahidi Imam Hussein AS katika mwezi huu wa Muharram na kuwataka viongozi wa Lebanon kuwa makini katika kuzima njama zilizopangwa za kuzusha fitina na mifarakano kaskazini mwa nchi hiyo.
 

 Akizungumza kwa mnasaba wa kuanza mwezi wa Muharram na kukumbuka masaibu ya kuuawa shahidi Imam Hussein AS pamoja na wafuasi wake watiifu katika ardhi ya Karbala.

Sayyid Hassan Nasrullah ameelezea matukio mbalimbali  katika nyanja za kisiasa, kiusalama, kifikra, kidini, kiuchumi kiimani na kijamii na kusisitiza kwamba, leo hii umma wa Kiislamu unapaswa kuwa macho katika kukabiliana na changamoto kubwa ya makundi ya kitakfiri na kigaidi  katika eneo la Mashariki ya Kati na hasa katika nchi za Lebanon, Iraq na Syria. 

Sayyid Nasrullah amelielezea tukio la Karbala na kusisitiza kwamba, tukio hilo litaendelea kubaki katika historia ya mwanadamu kwani limepelekea kuhifadhiwa Uislamu na watu wote wanajukumu la kubainisha kilichojiri katika ardhi ya Karbala.

Katibu Mkuu wa Hizbullah ameongeza kuwa, watu wanaofikiri kwamba kwa kuanzisha vita vya kisaikolojia na vitisho wataweza kuzuia kufanyika maombolezo ya Aba Abdillah Imam Hussein AS wanajidanganya, kwani  vitisho hivyo havitawatenganisha na Imam Hussein AS.

http://kiswahili.irib.ir/habari/mashariki-ya-kati/item/44010-nasrullah-vitisho-havitazuia-maombolezo-ya-imam-hussein-as

Hawza ya Imam Jafar Swadiq Wasafisha Makaburi ya Kintiku, Kigogo.

Wanafunzi na Wanahakati wa Imam Jaafar Swadiq wakisafisha makaburi.

Sheikh Salim Mwamba wa Hawza ya Imam Jafar Swadiq akisafisha makaburi ya Kintinku,kidogo dar es salaam.

 

Habari Kamili

Hawza ya Imam Jafar Swadiq Chini ya Sheikh Hemed Jalala imewataka Wananchi pamoja na Serikali kusimamisha Haki na kuifanyia kazi haki ili kupata jamii bora.

Hayo ameyasemwa Sheikh Salim Mwamba wakati Wakifanya Usafi katika Makaburi yaliyopo Kintiku, Kigogo, Jijini Dar es salaam, wakikumbuka kifo cha Mjukuu wa Mtume Imam Hussein (a.s).

“Imam Hussein (a.s) alitoka Makka akaenda Iraq kwa ajili ya kusimamisha haki aliyosimamisha Babu yake Mtume Muhammad (s.a.w.w) na kuwataka watu waitekeleze haki”alisema Sheikh Mwamba.

Sheikh Mwamba ameongeza kuwa Jamii na Serikali wanatakiwa kutoa haki kwa usawa bila ya kuegemea katika udugu, ujirani wala udini, ili kujenga jamii yenye kupenda Haki.

“Jamii na Serikali ikitoa haki kwa usawa bila kuegemea upande wowote, itajenga jamii yenye kupenda haki na kuisimamia haki kama alivyoisimamia Imam Hussein ( a.s) mjukuu wa Mtume Muhammad (s.a.w.w), aliongeza Sheikh Mwamba.

Waislamu kote ulimwenguni huadhimisha mwezi huu kwa huzuni kubwa kwa kukumbuka kifo cha Imam Husain (a.s.), mjukuu wa Mtukufu Mtume Muhammad (s.a.w.w.).

Imam Hussein (a.s) alizaliwa na Fatma bint wa Mtukufu Mtume Muhammad (s.a.w.w) na Amirul Muuminina Ally tarehe 15, mwezi wa Shaaban Mwaka 4 A.H na aliuwawa tarehe 10 Muharram katika mji wa karbala nchini Iraq.