Waislamu Nigeria wapongeza kuondolewa marufuku ya hijabu

• 

Waislamu nchini Nigeria wamepongeza uamuzi wa Mahakama ya Rufaa mjini Lagos kufutulia mbali marufuku ya kuvaa hijabu katika shule za umma mjini hapo.

Shirika moja la kutetea haki za Waislamu nchini humo linaloitwa Muslim Rights Concern (MRC) limeipongeza Mahakama ya Rufaa kwa kufuta marufuku hiyo na kusisitiza kuwa, uamuzi huo ni ushindi kwa jamii ya Waislamu nchini. 

Jaji wa mahakama hiyo alisema kuwazuia mabinti wa Kiislamu kuvaa vazi hilo la stara kwa mujibu wa mafundisho ya dini yao eti kwa kigezo kuwa hakuendani na kanuni za shule, ni kukiuka katiba ya nchi inayosisitiza kuwa, kila mmoja ana haki ya kuabudu na kufuata maelekezo ya imani yake madhali maelekezo yale hayakiuki haki za wengine. 

Haijabanika iwapo serikali ya nchi hiyo ya magharibi mwa Afrika itaelekea katika Mahakama ya Juu kupinga uamuzi huo wa Mahakama ya Rufaa.

Mapema mwaka huu, jumuiya za Kaislamu nchini Nigeria zilitoa taarifa ya kulaani vikali azma ya Rais Muhammadu Buhari wa nchi hiyo ya kutaka kupiga marufuku vazi la hijabu na kusema kuwa, sera kama hiyo ni njia ya kukwepa utatuzi wa matatizo ya kimsingi ya nchi hiyo. Aidha Jumuiya ya Mawakili Nigeria (NBA) ilisema kupigwa marufuku vazi la kujisitiri wanawake Waislamu yaani hijabu ni kinyume cha katiba ya nchi hiyo.

Rais Muhammadu Buhari wa Nigeria, pendekezo lake la kupigwa marufuku Hijabu limepokea malalamiko ya kila upande

Kauli hizo zilitolewa baada ya Buhari kusema kuwa baadhi ya wanaotekeleza hujuma za kigaidi nchini ni wanawake wanaovaa hijabu na kwamba iwapo italazimu, serikali yake haitakuawa na njia nyingine ghairi ya kuchagua moja kati ya mambo mawili ima vazi la hilo la staha au usalama wa taifa.Chanzo:parstoday

Waislamu nchini Kenya wakosoa vikali uhusiano wa nchi yao na Israel

Viongozi wa Waislamu katika eneo la Pwani nchini Kenya wamekosoa vikali uhusiano wa nchi yao na utawala wa Kizayuni wa Israel pamoja na ziara ya hivi karibuni ya Benjamin Netanyahu, Waziri Mkuu wa utawala huo dhalimu.

Viongozi hao wa Waislamu wameonya kuwa, hatua zozote za kuimarisha uhusiano wa kiusalama, kidiplomasia na kiteknolojia na utawala wa Kizayuni una maana ya kuhalalisha jinai zinazofanywa na Wazayuni dhidi ya Wapalestina katika ardhi na maeneo matakatifu ya Waislamu. 

Gavana Hassan Ali Joho, Seneta Hassan Omar na mwanasiasa mwengine maarufu Suleiman Shahbal wamesema hayo wakati wa Sala ya Idul Fitr iliyosaliwa kwenye viwanja vya Shule ya Msingi ya Ronald Ngala huko Mombasa. 

Seneta wa Mombasa, Hassan Omar amesema kuwa, mikataba ya teknolojia na kilimo iliyotiwa saini baina ya Kenya na Israel haina maana yoyote maana mataifa mengi yanayo teknolojia hiyo. 

Amesema, Kenya haina haja ya kuwa na mikataba kama hiyo na utawala wa Kizayuni wa Israel wakati inao uwezo wa kutia saini mikataba ya namna hiyo na pande nyingine nyingi zenye rekodi nzuri za haki za binadamu. 

Matamshi hayo yameungwa mkono na viongozi wengine wengi wa kidini waliolaani ziara ya Benjamin Netanyahu, Waziri Mkuu wa utawala wa Kizayuni wa Israel nchini Kenya.Chanzo.Parstoday

"Tusiwaache Mayatima wakirandaranda Mitaani"Sheikh Abdi

Hawa ni baadhi ya watoto Yatima waliohudhuria  futari ya pamoja na Masjid Ghadir,Kigogo Post Dar es salaam, iliyoandaliwa na Uongozi wa Chuo cha Kiislam (Hawzat) Imam Swadiq Chini ya Kiongozi Mkuu wa Waislam dhehebu la ShiaIthnasheriya Tanzania Sheikh Hemed Jalala.

Naibu wa Chuo cha Kiislam (Hawzat) Imam Swadiq Sheikh Muhammad Abdi akielezea jambo katika futari hiyo ya Mayatima Dar es salaam.

 Katika hafla hiyo kwaniaba ya Sheikh Jalala, Naibu wa Chuo cha Kiislam (Hawzat) Imam Swadiq Sheikh Muhammad Abdi Mbwana, amesema kuwa kitendo mtoto kupatwa na uyatima halafu jamii inamuacha hadi anakuwa Ombaomba sio uungwana na ni jambo la aibu ambalo halikubaliki.

  

"Jamii na serikali kwa ujumla kuwangalia watu hao kwa jicho la karibu zaidi kwa kile alichodai hata wao hawakuomba wala kutaka kuondokewa na wazazi au mzazi duniani, ambapo ameongeza kuwa kufanya Ihsani kwa yatima ni moja ya sehemu ya dini" alisema Sheikh Abdi

Katika muendelezo wa kufuturisha makundi maalumu katika jamii, baada ya kufanya hivo kwa kamati ya Amani Jijini Dar es salaam, Wajane, watu wenye ulemavu wa Ngozi,  jioni ya leo Kiongozi mkuu wa waislamu wa dhehebu la Shia Ithna-sheriya Tanzania Sheikh Hemed Jalala amewaongoza waumini wa Msikiti wa Kigogo Post wa Ghadir Jijini Dar es salaam, katika futari ya Pamoja na watoto yatima.

"Ni aibu kwa Watanzania Kuzungumzia Ushoga"Sheikh Jalala

Masheikh Mbalimbali kutoka katika Jumuiya ya Shia Ithnasheriya Tanzania na Hawzat Imam Swadiq wakiswali swala ya pamoja ya Eid Fitri jana katika uwanja wa Pipo Kigogo Post Dar es salaam, chini ya Uongozi wa Kiongozi Mkuu wa Waislam dhehebu la Shia Ithnasheriya Tanzania Sheikh Hemed Jalala

Viongozi mbalimbali wa Jumuiya ya Shia Ithnasheriya Tanzania wakijumuika pamoja na Waumini wenzao katika swala ya Eid Fitri jana Dar es salaam,(kulia) ni Mwenyekiti wa Jumuiya hiyo Taifa ni Mzee Brigedia Simba

Kiongozi Mkuu wa Waislam dhehebu la Shia Ithnasheriya Tanzania Sheikh Hemed Jalala akiswalisha waumini mbalimbali wa kike na wakiume swala ya Eid Fitri, jana katika uwanja wa Pipo Kigogo Post, Dar es salaam

 "Sisi Watanzania na sisi Waislam ilikuwa sio jambo la kawaida midomo yetu kutamka neno Ushoga ni jambo la aibu halitamkwi jambo hili kwa kiswahili,leo hii neno Ushoga tunaweza kulitamka kwenye mimbari zetu, lakini mbaya zaidi ya hivyo leo hii tunapata redio za Tanzania zinamuhoji mtu anaebeba Ushoga,

 hatari kubwa inayokuja kwa Watanzania, ni jambo la kutisha,ushoga hauna nafasi kwa Waafrika ni jambo la aibu ni jambo la kutisha lisifanwe kuwa jambo la kawaida na kuzungumzwa ndani ya Vyombo vya Habari"alisema Sheikh Jalala.

Sheikh Jalala alisema hayo jana katika khutba ya swala ya Eid Fitri, iliyoswaliwa katika kiwanja cha Pipo Dar es salaam,na kuhudhuriwa na mamia ya Waumini wa kike na wa kiume.

Ushoga, ni uhusiano wa mapenzi wa watu wa jinsia moja, ni marufuku nchini, kwa mujibu wa Sheria ya Adhabu.

Kwa mujibu wa Sura ya 16, sehemu ya 154, mtu anayejihusisha na ngono na mtu mwingine kinyume na maumbile au anayemruhusu mtu mwingine kufanya naye ngono kinyume na maumbile, atakuwa amefanya kosa la jinai na kustahili kifungo cha miaka 14 jela.