Sala ya Idul Fitr yafutwa Uingereza kwa kuhofia hujuma ya wenye misimamo mikali

Sala ya Idul Fitri imefutwa katika mji mwa Southampton Uingereza kufuatia ripoti kuwa makundi ya watu wenye misimamo mikali wenye chuki dhidi ya Waislamu wanapanga kuvuruga sala hiyo.

Kwa mujibu wa gazeti la Independent, Jumuiya ya Utamaduni ya Bangladesh na Uingereza ambayo huandaa Sala na sherehe za Idul Fitr imelazimika kufuta maandalizi yake baada ya tishio kutoka kundi la South Coast Resistance ambalo wafuasi wake wana misimamo ya kufurutu ada na wana chuki dhidi ya Waislamu na watu wenye asili ya mataifa ya kigeni. 

Maelfu ya Waislamu walikuwa wamepanga kujumuika katika Bustani ya Southampton kushiriki katika Sala ya Idul Fitr na sherehe ambazo hufanyika siku hiyo baada ya kumalizika Mwezi Mtukufu wa Ramadhani. Waislamu wa mji huo wa Southampton ulio kusini mwa England sasa watasimamisha sala za Idi ndani ya misikiti mbali mbali mjini humo. 

Sara Thornton afisa wa shirika moja la kutetea haki za binadmau Uingereza liitwalo Tell Mama amebainisha masikitiko yake kuwa Waislamu wamelazimika kufuta sherehe ambazo ni muhimu katika dini yao kutokana na kuhofia usalama wao. 

Hayo yanajiri wakati ambao, Idara ya Polisi ya Uingereza imesema kumeshuhudiwa ongezeko kubwa la chuki na jinai dhidi ya watu wenye asili ya kigeni na wasio wazungu Uingereza baada ya nchi hiyo kupiga kura ya maoni ya kujiondoa Umoja wa Ulaya.Chanzo:Parstoday

Sheikh Jalala aongoza Mamia ya Waumini wa Dini ya Kiislam, Kikristo na Wapenda Amani Siku ya Wapalestina.

Kiongozi Mkuu wa Waislam Dhehebu la Shia Ithnasheriya Tanzania Sheikh Hemed Jalala akielezea tukio la siku ya Wapalestina mbele ya Vyombo vya habari katika Matembezi ya AMANI ya Siku ya Kimataifa ya Quds Dar es salaam.

 "ili dunia iwe na amani na mahala salama pa kuishi, ni lazima kuitetea na kuunga mkono mapambano dhidi ya unyanyasaji, dhulma na uonevu dhidi ya wapalestina kama alivyofanya Hayati Mwalimu Nyerere na Nelson Mandela kwa kukemea yanayotokea katika adhi ya palestina kwa kipindi kirefu kwani leo yapo Palestina ila kesho huenda yakaenea ulimwengu mzima."alisema Sheikh Jalala

 Sheikh Jalala amesema athari ambazo zinajitokeza Palestina zinatisha, sasa Wapalestina wamekuwa kama wakimbizi katika Taifa lao, jambo ambalo si haki kwani wanastahili kuachiwa maeneoa yao ili waweze kuishi kwa Amani kama Tanzania nan chi zingine Duniani zinavyofanya.

Matembezi ya Amani ya Quds yanafanyika kila Ijumaa ya wiki ya mwisho wa mwezi Mtukufu wa Ramadhani, lengo likiwa ni kuwaunga mkono Waarabu wa Palestina wanaodhulmiwa mali zao, ardhi yao na kubomolewa makazi yao. Mpaka sasa tayari jumba Zaidi ya Elfu 45 zimeshabomolewa toka mwaka 1967.

Hayo alisema Juzi katika Matembezi ya AMANI  ya Siku ya Kimataifa ya Wapalestina (Quds) ambapo matembezi hayo yalianzia Ilala Boma hadi Kiwanja cha Pipo Kigogo Post Dar es salaam, na Siku ya Quds huadhimoishwa kila siku ya Ijumaa ya Mwisho ndani ya mwezi Mtukufu wa Ramadhani.

 

"Jamii pingeni Dhulma inayoendelea kwa Wapalestina" Sheikh Mkoa Dar es salaam

Sheikh Mkuu wa Mkoa wa Daresalaam, Sheikh Alhadi Mussa akifafanua jambo katika semina ya siku ya Quds iliyofanyika katika viwanja vya Karimjee, Katika Mkutano huo Sheikh Alhadi aliunga Mkono harakati za kuwafanya wazawa wa Palestina kuwa huru na wenye kuishi kwa amani.

Sheikh Mkuu wa mkoa wa Daresalaam, Alhadi Mussa Salum ameitaka jamii husani wale wote wanaopenda Amani duniani kuhakikisha wanapinga vikali vitendo vya dhulma , Unyanyasaji na Ukandamizaji wanavyofanyiwa Wapalestina na vinavyoendelea Nchini Palestina.

Sheikh Alhadi Mussa aliyasema hayo jana katika semina Maalum iliyowakutanisha wataalamu mbalimbali yenye lengo la kujadili hali halisi ya nchini Palestina, Mkutano uliofanyika katika viwanja vya Karimjee Jijini Daresalaam.ambapo mgeni rasmi alikuwa Sheikh Alhad Mussa Salimu

“Suala la maisha ya wazawa wa Palestina ni suala la kila mmoja wetu duniani, tunapaswa kupaza  sauti kuhakikisha hatua ya kuwanusuru wapalestina inafikiwa kwa haraka na hivyo kuwaondolea adha kubwa wanayoipata kila leo”Alisema Sheikh Alhadi Mussa.