"Yatima wahitaji Huruma kwa kuwapatia Huduma Bora" Sheikh Ghawth

Waislamu na Watanzania nchini wametakiwa kuwaonea huruma yatima na kuwapa huduma bora  ikiwemo elimu, afya, malazi kama wanavyowahudumia watoto wao bila kufanya ubaguzi wa aina yeyote.

 

 Hayo yamesemwa na jana na Mkufunzi wa Chuo cha Kiislamu cha Hawzat Imam Swadiq Sheikh Ghawth Nyambwa katika futari maalum na mayatima iliyofanyika Masjid Ghadir, Kigogo Post jijini Dar es Salaam.

Mkufunzi wa Chuo cha Kiislamu (Hawzat) Imam Swadiq (a.s) Sheikh Ghawth Nyambwa akiongea na Waandishi wa Habari katika Futari maalumu ya Yatima, Masjid Ghadir, Kigogo Post Dar es salaam.

 Sheikh Ghawth ameeleza kuwa katika maamrisho ya dini ya kiislamu kupitia kitabu chake kitakatifu kinasema miongoni mwa nyumba bora ni ile anayoishi yatima na kupewa huduma zinazostahiki, hivyo ni vyema waislamu kutumia fursa hiyo kwa kuwalea mayatima kwani kuna malipo makubwa kwa mwenye kufanya hivyo.

 Huku akitolea mfano kuwa mtume wao Muhammad (s.a.w.w) amebashiri pepo kwa wale watakao watendea wema mayatima kwa kuwalea vizuri.

Sheikh Mbukuzi akiwasilisha mada juu ya Umuhimu wa kuwasaidia Yatima, katika futari ya pamoja na Yatima, iliyofanyika Masjid Ghadir, Kigogo Post Dar es alaam

 Sheikh Ghawth amefafanua kuwa endapo mtu atakula mali ya yatima ajue kuna adhabu kubwa kutoka kwa Mwenyezi Mungu juu yake, hivyo hakuna budi kwa muislamu kulinda mali ya yatima.

Walemavu saa waomba Kupewa Vituo vya Kupakia na Kushusha Abiria ili kuepusha Mivutano na Polisi

Mwenyekiti wa Chama cha watu wenye ulemavu kwa Mkoa wa Dar es Salaam Ahmad Abdallah Komboza akiongea na Vyombo vya Habari,Feri Jijini Dar es salaam.

Mwenyekiti wa Chama cha watu wenye ulemavu kwa Mkoa wa Dar es Salaam Ahmad Abdallah Komboza ameiomba serikali ya Mkoa wa Dar es Salaam kupitia Mkurugenzi wa Halmashauri ya jiji kuwatengea vituo vya kushushia na kupakia abiria ili kuondoa sintofahamu baina yao na jeshi la polisi

 Mwenyekiti huyo ameeleza kuwa jeshi la polisi limekuwa likiwakamata kwa kosa la kutokuwa na vituo maalum vya abiria na kuwatoza kiasi kikubwa cha fedha mpaka kufikia elfu 90 jambo ambalo linawarudisha nyuma kimaendeleo.

Pia amelaani kitendo kilichotokea Juni 16 kwa jeshi la polisi kuzuia maandamano yao ya amani kwa madai ya kutokuwa halali kisheria na kudaiwa kuwapiga na kuwajeruhi baadhi ya walemavu wapatao 40 na kuwapeleka katika vituo vya polisi huku bajaji 76 zikikamatwa, hivyo ameomba walipwe fidia na jeshi la polisi liombe radhi kwa tukio hilo na iwe mwisho wa matukio hayo.

Huku akisisitiza kuwa walipanga kwenda kwa Mkurugenzi kusisitiza madai yao ya vituo vya abiria, ndipo polisi wakaja na kuzuia maandamano hayo.

Katibu wa Umoja wa Waendesha Bajaji Mkoa wa Dar es salaam Bw. Charles Temba akiwaeleza jambo Waandishi wa habari, alikuwa akiongea nao, Feri,Dae es salaam

 Kwa upande wake Charles Temba Katibu wa Umoja wa Waendesha Bajiji Mkoa wa Dar es Salaam ameeleza kuwa suala la vituo vya abiria wametuma maombi kwa serikali tangu mwaka 20tano na waliainisha baadhi ya maeneo 20 ambayo walipendekeza yawe rasmi kwa waendesha bajaji walemavu ikiwemo Feri, Mnazi Mmoja, Upanga, Shule ya Uhuru lakini mpaka sasa hakuna kilichoshughulikiwa.

 "Tulitoa mpaka nakala na kuziwasilisha ofisi ya Mkuu wa Mkoa, Mkuu wa Wilaya, Meya wa Jiji na Mkurugenzi ambapo tuliainisha mapendekezo ya vituo 20 vya abiria lakini mpaka sasa ombi letu halijashughulikiwa na tunazidi kutozwa kwa kosa la kutokuwa na vituo maalum vya kupaki abiria"

Fatuma Amrani Abdallah ambae ni Mwendesha bajaji pia ni muhanga katika tukio la kupigwa na Polisi, akiongea na waandishi wa Habari Dar es salaam

 Katika hatua nyingine Mwendesha bajaji Fatuma Amrani Abdallah amelomba jeshi la polisi kutotumia nguvu kwa watu wenye ulemavu kwani wao ni kundi maalum linalohitaji kuangaliwa kwa upekee, vitendo vya kuwapiga na kuwatolea lugha chafu havifai , hivyo mamlaka husika inabidi ichukue hatua stahiki, kwani Tanzania ni nchi inayosifika kwa amani.