Watakao Hujumu Miundombinu ya DART Kulipa faini ya laki tatu.

Baadhi ya wafanyakazi wa Tanroads wakikagua kituo cha mabasi yaendayo haraka kilichopo Kimara ambacho ujenzi wake umekamilika kwa asilimia mia moja jana jijini Dar es Salaam.

 Wafanyakazi wa Mradi wa Mabasi ya endayo haraka Dar es salaam (DART ),Wakalawa Barabara(TANROADS) pamoja na Umoja wa wamiliki wa Daladala Dar es Salaam (UDART) wamefanya ziara ya kufahamu na kuelewa miundo mbinu ya mradi huo. Akizungumza na waandishiwa Habari jana jijini Dar es Salaam Mkurugenzi wa Mifumo DART Bw. Junn Mlingi alisema mabasi hayo yatatumia dakika 45 mpaka 35 kutoka kituo cha Kivukoni mpaka kituo cha Kimara na kutumia dakika mbili kusimama kila kituo ili kuruhusu basi lingine lifike katika kituo husika baada ya dakika tano. “Mradi huu unatarajiwa kukabidhiwa mnamo Novemba mwaka huu kwani mpaka sasa mradi umekamilika kwa asilimia 80 katika kipindi cha kwanza ambapo unaanzia Kivukoni mpaka Kimara mwisho na Sheria ya matumizi ya miundombinu ya DART ipo na inasema kwa yeyote atakayekamatwa akihujumu miundombinu atatozwa faini ya shilingi laki tatu au kutumikia kifungo cha miezi sita hadi mwaka mmoja ama kutumikia adhabu zote mbili”, alisema Bw. Mlingi.

Baadhi ya wafanyakazi wa Tanroads wakipanda gari la Mradi wa Mabasi yaendayo Haraka jana jijini Dar es Salaam katika ziara ya kukagua Miundo Mbinu ya Mradi wa DART kabla ya kuanza kutumika .

Akiendelea kuzungumza katika ziara hiyo Bw. Mlingi alisema waratibu wa mradi huo wamejipanga kuhakikisha wanatoa huduma bora za usafiri kwa wananchi na wakazi wa jiji la Dar es salaam kwa kuboresha sheria , taratibu na miundombinu itayotumika kutumia usafiri huo wa mabasi yaendayo harakakatika barabara zake maalumu. Aidha Mratibu wa Mji DART Bw. Edwin Hema alisema Mabasi hayo yatakua yanatembea kwa mwendo wa kawaida kwa kilomita 50 kwa saa ikiwa ni kasi ya juu na kilomita 20 kwa saa ikiwa ni kasi ya wastani kutoka kituo cha Kivukoni mpaka kituo cha Kimara na kuwa na muda maalumu wa kushusha abiria na kupakia. Mbali na hayo Bw.Hema alisema wananchi hawatatakiwa kugombania mabasi kwani yatazingatia muda uliyopangwa katika taratibu zakubeba abiria na pale gari itakapohitaji kusimama dereva atatangaza kituo na abiria watatakiwa kukaa mbali na mlango mpaka milango itakapofunguka.

Mkurugenzi wa Mifumo Junn Mlingi kutoka Taasisi ya Mabasi yaendayo Haraka (Dar es Salaam Rapid Transport) akitoa ufafanuzi wa maendeleo ya ujenzi wa mradi huo kwa wafanyakazi wa Wakala wa Barabara Tanzania (Tanroads) na waandishi wa habari walipokuwa katika ziara ya kukagua miundo mbinu ya mradi huo katika kituo cha Kivukoni jana jijini Dar es Salaam

Naye Mkurugenzi wa Mifumo alisema wameweka utaratibu kwa walemavu wote watakaotumia usafiri huo kwa urahisi na haraka na kuweza kuwahi kwenye shughuli zao bila yausumbufu kwa kuwa wana sehemu zao za kukaa na kwa wale wanaotumia baiskeli za kusukumwa wataweza kupanda na baiskeli zao ndani ya basi hilo. Kwa upande wa Msemaji Mkuu wa Umoja wa Wamiliki wa Daladala Dar es Salaam (UDART) na mradi wa mabasi hayo Bw. Sabri Mabruki amesema mpaka sasa wameingia mkataba wa kuleta mabasi 76 ya kuanzia kupitia Kampuni ya Golden Dragon kutoka Japan.

Vijana watakiwa kuwa makini na wagombea katika Uchaguzi Mkuu

Naibu Imam wa Masjid Ghadir Shiekh Ghawth Nyambwa amewataka Vijana kuwa makini na Wagombea ambao ni waongo wasio kuwaa na maadili wenye chuki za kidini, kimadhehebu na kikanda.Haya ameyasema leo katika Khutba ya Swala ya Ijumaa, iMasjid Ghadir, Kigogp Post, Dar es salaam na kusema kuwa Maadui wakubwa wa Waislam na Wapenda haki ni Wamarekani na Waizrael ambao nchi nyingi za Arab na Afrika wao ndio wachochezi wa Vurugu zinazoendelea Duniani.

Aidha amesema kuwa Siku za hijja ni siku za Waislam Dunian na ni moja ya njia kuu ya kutatua matatizo ya magonjwa, umasikini, kukosa elimu, vita duniani, machafuko ya kisiasa, na chuki za kidini na madhehebu.

"Kama malengo ya hija yakitumika vizuri, hija itaweza kutatua matatizo ya waislam, watatatua matatizo yote ulimwenguni."amesema sheikh nyambwa.

Sheikh Nyambwa amewataka wanasiasa kuwa wakweli na kuheshimiana katika kamepeni zao na kutimiza ahadi wanazoziahidi ziwe ahadi zinazotekelezeka.

" watanzania kumchagua kiongozi ambae ni Muadilifu na mwenye Sera nzuri zinatakazo dumisha amani na ushirikano baina ya watanzania."amesema sheikh nyambwa.

Hatahivyo Sheikh Nyambwa amesema Moja ya mafundisho na falasafa ya hijja ni Kulingania amani na maelewano baina ya watu wote, na kuwataka Waislam pamoja na Watanzania kuiombea taiga letu suala la kudumisha amani hususan kipindi hiki cha Uchaguzi wa Raisi, Ubunge na Udiwani