Bill Clinton: "Rafiki yangu" Hillary anafaa kuwa rais

Rais wa zamani wa Marekani Bill Clinton amemsifu sana mkewe Hillary na kusema anafaa kuongoza taifa hilo.

Ameambia kongamano kuu la chama cha Democratic mjini Philadelphia kwamba mkewe ndiye “mfumaji bora zaidi niliyewahi kukutana naye”.

Kwenye hotuba yenye hisia kali, amemweleza Hillary kama “rafiki mkubwa” na akasimulia walivyokutana na jinsi anavyojitolea katika utumishi wa umma.

Saa chache awali, mkewe aliibuka kuwa mwanamke wa kwanza nchini Marekani kuidhinishwa kuwania urais na chama kikubwa

Bi Clinton alihitimisha shughuli za usiku huo wa Jumanne kwa ujumbe wa video ambapo alisema: “Siamini kwamba tumefanikiwa kuweka ufa mkubwa zaidi katika dari hili la kioo”, akirejelea hotuba ya mkewe Rais Barack Obama, Michelle, siku ya kwanza ya kongamano.

“Na iwapo kuna wasichana wadogo huko ambao hawajalala na wananitazama, ningependa kuwaambia, huenda nikawa rais wa kwanza mwanamke Marekani na mmoja wenu anaweza kunifuata.”

Awali, Bi Clinton alisimulia walivyokutana katika Chuo cha Uanasheria Yale mwaka 1971.chanzo:bbc

Wasomi wa Kiislamu Bahrain:Kesi dhidi ya Sh. Qassim ni bandia

Rais Bashar al-Assad wa Syria amesema nchi za Magharibi zimeshindwa kuvumilia uhuru wa kujitawala Syria na ndiposa zikaanza kuunga mkono harakati za kigaidi nchini humo.

Rais Assad aliyasema hayo jana katika mazungumzo na ujumbe wa wabunge kutoka Ugiriki mjini Damascus na kuongeza kuwa, kampeni za muungano wa kijeshi unaoongozwa na Marekani nchini humo eti wa kukabiliana na kundi la kigaidi na kitakfiri la Daesh zimegonga mwamba kwa kuwa lengo la kampeni hizo ni kuyumbisha uhuru wa Syria. Rais wa Syria amenukuliwa na shirika la habari la SANA linalopeperusha matangazo yake kwa lugha ya Kiarabu akisema kuwa: 

"Tatizo la nchi za Magharibi ni kukerwa na uhuru wa kujitawala taifa la Syria na ni kwa sababu hii ndiposa zimekuwa zikiwasaza magaidi na kulenga maeneo ya raia katika hujuma zake."Mapema mwezi huu, raia 120 waliuawa katika moja ya hujuma za muungano huo wa kijeshi katika kijiji cha Tukhan al-Kubra mjini Manbij.

Syria ilitumbukizwa kwenye mgogoro mkubwa wa ndani mwezi Machi mwaka 2011 kufuatia magaidi wa kigeni kutoka kona mbalimbali za dunia walipomiminwa nchini humo ili kufanya mauaji dhidi ya raia na maafisa wa serikali halali iliyochaguliwa na wananchi ya Rais Bashar al-Assad. 

Takwimu rasmi zinaonesha kuwa zaidi ya watu laki nne na elfu sabini wameuawa nchini Syria na nusu ya watu milioni 23 wa nchi hiyo wamelazimika kuwa wakimbizi.Chanzo:parstoday

Wasomi wa Kiislamu Bahrain:Kesi dhidi ya Sh. Qassim ni bandia

Kundi la wanazuoni wa Kiislamu wa madhehebua ya Shia nchini Bahrain limesema tuhuma dhidi ya msomi mwenzao Ayatullah Sheikh Isa Qassim hazina msingi na kwa mantiki hiyo, kesi inayotazamiwa kuanza hii leo dhidi ya mwanachuoni huyo ni bandia.

Taarifa ya wasomi hao wa Kiislamu nchini Bahrain imesema kuwa, mashitaka anayolimbikiziwa msomi huyo mashuhuri ambaye utawala wa Manana umemvua uraia ni ya kubuni na wala hayana mashiko na kwamba kesi dhidi yake inakiuka katiba, haki za binadamu zilizoanishwa katika sheria za nchi hiyo na hata za kimataifa. 

Wanazuoni hao wa Bahrain wamesema kesi dhidi ya Ayatullah Qassim ni sawa na kesi dhidi ya Waislamu wote wa madhehebu ya Shia duniani.

Jumuiya ya Kimataifa ya Kukurubisha pamoja Madhehebu za Kiislamu, Kamisheni Kuu ya Haki za Binadamu ya Umoja wa Mataifa, shirika la kutetea haki za binadamu la Human Rights Watch na Jamhuri ya Kiislamu ya Iran ni baadhi ya nchi na asasi za kimataifa zilizotoa taarifa ya kulaani kupokonywa uraia Ayatullah Qassim, kwa madai kuwa ametumia vibaya nafasi yake kwa maslahi ya madola ya kigeni. 

Aidha hatua hiyo imekabiliwa na wimbi la maandamano kutoka nchi mbali mbali kama vile Iraq.Sheikh Qassim anatazamiwa kupandishwa kizimbani hii leo, ambapo utawala wa Manama umemfungulia mashitaka matatu ya kupokea pesa kinyume cha sheria, ufuaji wa pesa na eti kusaidia harakati za kigaidi.

UN yamuonya Rais Kiir kuhusu uteuzi wa viongozi mbalimbali

Umoja wa Mataifa umemuonya Rais Salva Kiir wa Sudan Kusini kuhusu uteuzi wa kisiasa anaofanya katika kipindi cha sasa nchini humo. 

Msemaji wa Umoja wa Mataifa, Farhan Haq amesema kuwa uteuzi wa aina yoyote wa viongozi wa kisiasa huko Sudan Kusini unapaswa kuoana na makubaliano ya amani yaliyofikiwa yapata miaka miwili iliyopita kati ya pande hasimu nchini humo kwa shabaha ya kuhitimisha vita vya ndani. 

 

Umoja wa Mataifa umemuonya Rais Salva Kiir wa Sudan Kusini kuhusu uteuzi wa kisiasa anaofanya katika kipindi cha sasa nchini humo. 

Msemaji wa Umoja wa Mataifa, Farhan Haq amesema kuwa uteuzi wa aina yoyote wa viongozi wa kisiasa huko Sudan Kusini unapaswa kuoana na makubaliano ya amani yaliyofikiwa yapata miaka miwili iliyopita kati ya pande hasimu nchini humo kwa shabaha ya kuhitimisha vita vya ndani. Chanzo:parstoday