"Kuwasaidia na Kuwaunga Mkono wajane ni jambo la dini zote"Sheikh Jalala

Kiongozi Mkuu wa Waislam dhehebu la Shia Ithnasheriya Tanzania Sheikh Hemed Jalala amesema kuwa suala la kuwasaidia na kuwaunga mkono wajane ni jambo la dini zote, ni jambo la Waislam, ni jambo la Wakristo na ni jambo la Wasiokuwa na dini.

Amesema hayo leo katika futari ya pamoja na Wajane kwa kumbukumbu ya Kifo cha Mke wa Mtume Muhammad (s.a.w.w) Bibi Khadijah (r.a), Masjid Ghadir, Kigogo Post Dar es salaam, iliyowakutanisha Wajane wa Dini zote na Madhehebu yote bila kujali Kabila.

Katika Futari hii ya Pamoja na Wajane Naibu Mwenyekiti wa chama cha wajane Tanania Mh. Mariam Dauson Aswile ni mgeni rasmi  ambae amekuja kumuakilisha Mwenyekiti wa Chama cha Wajane Tanzania, 

Sheikh Jalala ametoa wito wa kila jamii kuweza kutambua idadi ya kila wajane waliopo sehemu husika kwanzia ngazi ya kijiji,Mtaa, Mkoa hadi Kitaifa ili iwe rahisi kuweza kuwasaidia wajane pindi wanapokuwa katika matatizo mbalimbali.

Aidha Sheikh Jalala ametoa wito kwa Viongozi wote wa dini Masheikh, Maaskofu, Maustadh, Mapadri jambo la kuwaangalia wajane iwe ni moja muhimu liliopo mbele yao.

Pia sheikh Jalala amesema Masheikh na Maimam, Mapadri na Maaskofu wasitosheke tu kuwahubiria waumini Misikitini na Makanisani bali kuwahudumia wajane ni ibada kama ibada zingine na moja ya majukumu yao katika jamii.

Sheikh Jalala "Viongozi wa Dini Vumilianeni"

Kiongozi Mkuu wa Waislam dhehebu la Shia Ithnasheriya Tanzania Sheikh Hemed Jalala amewataka Viongozi wa Dini kuwa wao kwa wao wanavumiliana, kwani kufanya hivyo ni kuienzi amani ya nchi yetu. 

Wito huo ameutoa Leo katika Program ya Futari, iliyoandaliwa na Chuo cha Kiislam (Hawat) Imam Swadiq (a.s), Masjid Ghadir, Kigogo Post Dar es salaam na kuhudhuriwa na Kamati ya Amani Mkoa wa Dar es salam, Viongozi wa Dini zote na Viongozi wa Serikali.

Sheikh Jalala amesema ikiwa Viongozi wa Dini wakivumiliana itapelekea Waumini wa Dini zote nao kuweza kuvumiliana ambapo kutendo cha kuvumiliana itapelekea kudumisha amani,na amani ndio mafundisho ya dini zote ikiwemo Uislam,