Sheikh Jalala "Watanzania hawana sifa ya Kubaguana katika Dini"

Mmoja wa Viongozi wakuu wa Kiroho wa waislam, dhehebu la shia Ithnasheriya Tanzania amesema Watanzania walikuwa hawana sifa wala tabia ya kuitana huyu sunu, huyu shia, Yule Mkristo Yule Muislam,bali walikuwa wanaitana kwa jina la Utanzania na walikuwa hawana tabia ya ubaguzi wa dini.

Sheikh Jalala amesema kwa kuwa kwa utulivu tuliokuwa nao tayari maadui wanatengeneza mbegu mbaya na kuziingiza ndani ya nchi, ili kuharibu hali hii tuliyokuwa nayo yupo adui anataka kutengeneza ya kwamba hawa ni Madhehebu hii, wale ni madhehebu ile nah ii ni hatari katika uslama wan chi hii ya Tanzania.

Aidha Sheikh  Jalala amevihatarisha Vyombo vya Uslama kuwa makini mmo, na kutowanyamazia watu hao, kwa sababu wanaotesha nyama mbaya  na ni nyama hatari sana kwa mstakabali wan chi kama ya Tanzania inayojulikana kama kisiwa cha amani na utulivu.

Sheikh Jalala amesema haya  katika Khutba ya Swala ya Ijumaa Masjd Ghadir, Kigogogo-Post,Dar es salaam na kusema kuwa watanzania hawajui ubaguzi wa dini, na sisi ni watanzania Wakiristo na waislam wanaishi kwa pamoja bila itikadi zozote hatari za Dini, ukabila wala rangi.

“Tanzania inasifika kuwa kisiwa cha amani,leo maadui wote wa Tanzania wanakimbilia Tanzania kuja kutengeneza magurupo ya Kukufurishana, Ubaguzi wa Dini, Rangi na ndio wanakuja kuharibu utulivu huu tuliokuwa nao” amesema Sheikh Jalala.

Sheikh Jalala amesisitiza kuwa Tanzania ni kisiwa cha amani, Tanzania tunamawahusiano mazuri na madhehebu zote pamoja na dini zote, hakuna ubaguzi hapa kati ya Ushia na Usuni au Uislam na Ukristo, Wakristo, Waislam, Mashia , masuni tunakaa meza moja kwenye vikao vya amani na maelewano na haya hayapo katika baadhi ya nchi.