"Kutangazwa rasmi Ali (a.s) kuwa Kiongozi ni kuenzi amani, maelewano na masikilizano kwa watu wote" Sheikh Jalala

 

Kiongozi Mkuu wa Waislam Shia Ithansheriya Tanzania Sheikh Hemed Jalala akisisitiza jambo katika kikao na waandishi wa habari katika maadhimisho ya (Eid al Ghadie) sikukuu ya kutangazwa rasmi Ali (a,s) kuwa Kiongozi baada ya Mtume (s.a.w.w) jana Masjid Ghadir, Kigogo Post Dar es salaam

Siku hii ya leo napenda nianze na maneno ya Mungu ndani ya Qur’an  “Ewe Mtume fikisha kile amabcho umeamrishwa mungu na kama hukulifanya hilo basi utakuwa ujumbe wa mungu haujaufikisha na Mungu anakulinda”.

Siku hii ya leo ni siku inayokwenda sambamba na aya hii ya kufikisha ujumbe wa mungu siku hii ya leo ni siku ambayo mtume wa Waislam sayyidina Muhammad (s.a.w.w) alimtangaza Sayyidina Ali (a.s) kama Kiongozi baada ya yeye kiondoka duniani.

Siku hii ni siku kubwa ambayo Waislam wote duniani na hususan Waislam Shia Ithnasheriya siku hii wanaikumbuka kwa nguvu kubwa, lakini jambo la kujiuliza sisi leo watanzania na wasiokuwa watanzania ni miaka zaidi ya 1400 sasa imepita kunaumuhimu gani kwa kuikumbuka siku ambayo Sayyidina Ali (a.s) alitangazwa rasmi kuwa Kiongozi wa Waislam baada ya Mtume kuondoka duniani?

Kuna vitu muhimu au vigenzo vifuatvyo

Kitu cha kwanza hiki nitakielekeza kwa waislam watanzania na wadunia ya kwamba umuhimu wa Uongozi umuhimu wa usimamizi katika jamii yoyote ndio mafanikio yao katika mambo , waislam duniani mara nyingi tumekuwa tunalingania sisi kuwa wamoja na kitu kimoja, naamimi ya kwamba kuikumbuka siku hii ya kutangazwa Ali (a.s) kama Kiongozi ni moja ya mafunzo muhimu kwa waislam ya kwamba.

Ndoto ya sisi kuwa watu wamoja ni jambo linawezekana ndani ya jamii ya kiislam kwahivyo siku ya Eid al Ghadir (Siku ya kutangazwa Sayyidina Ali (a.s) kuwa Kiongozi baada ya Mtuem Muhammad (s.a.w.w) kuondoka duniani,ni darasa kubwa yakwamba Waislam wakilienzi vizuri  tukio hili litawafanya wao wawe kitu kimoja na watakuwa na mzungumzaji mmoja na msemaji wao.

Kwa lunga nyingine waislam nao watakuwa na baba yao ambae anaweza kuwasemeaJambo la pili ni kwanini sisi bado mpaka leo watanzania tunaikumbuka siku hii inaumuhimu gani kwa watanzania, ukijaribu kulisoma tukio la kutawalishwa Ali (a.s) kama kiongozi linabeba mapenzi aliyokuwa nayo mtume Muhammad (s.a.w.w).

 ambayo mapezi haya aliayaonesha katika ardhi ya makka kwa watu ambao hawakuwa waislam watu ambao walikuwa wakiabudu masanam, mapenzi aliyaonesha mtume  kwa watu wa makka ambao walikuwa ni mayahudi, amapenzi aliyaonesha mtume kwa watu wa makka waliokuwa wakristo na akayaonesha mapenzi haya kati yake yeye na dini zingine, mapenzi haya kwa siku ya leo  anakabidhiwa Ali Ibn Abutalib (a.s) kama mrithi wake.

Naamini ya kwamba dunia na watanzania waslam na waisokuwa waislam mapenzi haya wanayahitajia nadani ya nchi yao ya Tanzania na duniani kote.

Jambo jingine muhimu kitendo cha kukabidhiwa Ali (a.s) kama msimamizi wa Uislam wa Mtume baada ya yeye kuondoka duniani, Uislam wa Mtume ulikuwa uliogubikwa ni amani, uliogubikwa nimaelewano, uliogubikwa ni kusikilizana na uliogubikwa ni kuvumiliana kwa watu wenye fikra na mitazamo tofauti.

Siku hii ya leo tunaposheherekea kutangazwa Ali (a.s) kama Kiongozi na mrithi wa mtume ni siku ambayo Ali (a.s) anakabidhiwa rasmi Uislam huu wa Mtume, naamini ya kwamba Watanzania waislam ,Wakristo na Mapagani naamini ya kwamba Uislam huu aliopewa Ali (a.s) kutoka kwa mtume tunauhitajia.

Watanzania leo hii na watu wote duniani wanayohaja ya mitazamo ya watu kukaa kwa amani, kukaa na kuelewana, kukaa na watu na kuvumilaiana mitazamo hii inahitajika kwenye siku hizi za sasa na kwenye muda huu.

Tanzania hii ambayo sote tunakubaliana watu wake na maumbile yake na viongozi wetu waliopita tunaovumiliana, hatujui mivutano ya kidini, ni watu hatujui mitizamo ya kifikra ni watu kila mtu anamuheshimu mwenzake katika fikra na mitazamo yake.

Naamini ya kwamba siku hii ya leo siku ya kutawalishwa Ali (a.s) ni siku ambayo tunausoma Uislam huu wa kuienzi nchi yetu kubakia na amani na kuienzi nchi yetu kubakia na maelewano..

Jambo la mwisho niliseme ni muhimu katika Utawala na katika kukabidhiwa Ali (A.S) kama Kiongozi dunia leo hii inakosa kitu kinachoitwa Uadilifu, Uadilifu ni jambo lililopotea katika dunia hii tunaoishi leo, bali hata wale wanaodai ni Waadilifu huenda kuna vigezo vingine uadilifu hakuna.

Naamini yakuwa siku ya kutangazwa Ali (a.s) ni kukabidhiwa rasmi kitu kinachoitwa uadilifu, na ninaamini Watanzania tunayohaja ya kuibakisha amani yetu na utulivu wetu na uadilifu kufanyiwa kazi na kuwanacho katika jamii yetu.

Mtume Muhammad (s.a.w.w) katika utawala wake na katika Uongozi wake jambo la usawa ni jambo alilolitilia umuhimu mno, usawa huu aliokuwa nao mtume ndio aliokabidhiwa Sayyidina Ali (a.s) siku ya leo, Ukimsoma Ali (a.s) katika maisha yake utampata yakwamba katika utawala wake aliouchukua leo kwa mtume hakuwabagua watu pamoja na tofauti za fikra na mitazamo yao.

alikuwa na watu wakimpinga alikuwa na watu hawakubalianinae kifikra, walikuwepo watu hawamuamini kuwa yeye ni kiongozi, lakini wote alikwenda nao sawa na kila mwenye haki yake alimpa watu wote aliona ni sawa.

Siku hii ya leo katika Uislam ni kuenzi maelewano kwa waislam na wasiokuwa waislam ni kuenzi mapenzi yaliyokuwepo kati ya waislam na wasiokuwa waislam, ni kuenzi usawa, ni kuenzi amani ni kuenzi utulivu.

Vile vile tunatoa pole rasmi kwa ndugu zetu wale na tetemeko ya ardhi katika mikoa ya kanda ya ziwa, ndugu zetu wote waliokubwa na balaa hili kwa kweli tunatoa pole kubwa katika siku hii aliotawalishwa Ali (A.S) kama Kiongozi na tunawaomba asasi za watu binafsi na watu wengine kuwaunga mkono kuwasaidia kwani nidio jambo la  ubinadamu na ambayo ndio jambo ya dini zote linahimiza hivyo.

Na kama vilevile hongera kwa mahujaji kwa kurudi salama na lakini tunatoa pole kwa ndugu zetu ambao mwaka jana watu wengi walifariki katika ardhi ya minna, pia tunatoa pole kwa ndugu zetu ambao walikosa ndugu zao katika tukio lile la mina la kutisha na la ajabu.

Mwisho Namuomba Allah / Mungu/ Mwenyezimungu (swt)  katika siku hii ya leo siku ya kutawalishwa Ali (A.S) kama Kiongozi baada ya Mtume kuondoka duniani, iwe ni siku ya amani na iwe ni chachu ya kuidumisha amani katika ardhi ya Tanzania, iwe ni sababu kubakia Tanzania kuwa kisiwa cha amani.

iwe ni sababu kwa Viongozi wetu wa serikali wa awamu hii ya tano kuwa na maelewano mazuri na wanaowaongoza na mungu aendelee kuwapa busara, hekima na utulivu na swiha na afya waweze kuipeleka nchi mahala pazuri, asanteni sana na hongereni kwa siku hii kubwa ya kutawalishwa Ali (a.s) kama Kiongozi baada ya Mtume Muhammad (s.a.w.w)

Na:Sheikh Hemed Jalala.

Kiongozi Mkuu wa Waislam Shia Ithnasheriya Tanzania