Sheikh Jalala aitaka UN kuhakikisha Palestina inakuwa na Amani

Kiongozi Mkuu wa Waislamu Shia Ithnasheriya Tanzania Sheikh Hemed Jalala akiongea katika Semina ya Quds imeyowakusanya  Maimam, Masheikh na Maustadhi kutoka madhehbu mbalimbali ya Kiislamu, imeyofanya Masjid Ghadir, Kigogo Post Dar es salaam.

Kiongozi Mkuu wa Waislamu  Shia Ithnasheriya Tanzania  Sheikh Hemed Jalala ameitaka Jumuiya ya Umoja wa Mataifa (UN) kuiangalia nchi ya Palestina kwa jicho la karibu ili amani iwezekurejea kama ilivyo kwa nchi ya Tanzania.

Sheikh Hemed Jalala ameyasema hayo leo katika semina ya Quds yenye lengo la kuwakumbuka waislamu na Wasiokuwa Waislamu wote wanaoishi kwa kupata taabu nchini Palestina, ambapo ameeleza kuwa watanzania inabidi waoneshwe kusikitishwa na kupinga vikali dhidi ya mambo yanayoendelea nchini humo kwani kinamama wanakosa huduma za afya jambo linalopelekea kujifungua kwa taabu.

 

Kiongozi Mkuu wa Waislamu Shia Ithnasheriya Tanzania Sheikh Hemed Jalala akiongea na Waandishi wa Habari katika Semina ya Quds, imeyowajumuisha Maimam, Masheikh na Maustadhi, imeyofanyika Masjid Ghadir, Kigogo Pot Dar es salaam.

Maimam,Masheikh na Maustadhi wakiwa makini kusikiliza mada mbalimbali zimezowasilishwa katika Semina ya Quds, imeyofanyika Masjid Ghadir, Kigogo Post Dar es salaam.

Sheikh Jalala ametaja hali ya hatari inayoikabili msikiti wa AQSWA ambao ni mali ya Waislamu hiyo na  kueleza kuwa hivi sasa Msikiti huo haumilikiwi na waislamu kwa asilimia miamoja pamoja na mali zake, bali unamilikiwa na Utawala Haramu wa Israel, hivyo umoja wa mataifa ni vyema ikafanyika juhudi kuirejesha haki hiyo kwa waislamu kwa amani.

 

 "Waislam na wasio waislam wamefukuzwa na Utawala haramu wa Israel katika ardhi yao halali ya Palestina kwani mpaka sasa Wananchi halali ya Palestina  hawaishi kwa amani ambapo hadi nyumba zao zinavujwa na wanafariki kwa kukosa huduma za afya" amesema Sheikh Jalala

Siku ya Ijumaa ya mwisho ya mwezi mtukufu wa Ramadhani ni siku ambayo Waislam, Wasiokuwa Waislamu na Wapenda amani wameiteua kuwa ni siku maalum ya kuwakumbuka wanyonge wa Palestina na duniani kote na kufikisha ujumbe kwa dunia kuwa wanahitaji kusaidiwa, hivyo hapa Dar es alaam Tanzania tutakuwa na maandamano maalum yatakayo anzia maeneo ya Ilala Boma wilaya ya Ilala mpaka katika kiwanja cha Pipo Kigogo Post, Dar es Salaam.

Maimam,Masheikh na Maustadhi wakiwa makini kusikiliza mada mbalimbali zimezowasilishwa katika Semina ya Quds, imeyofanyika Masjid Ghadir, Kigogo Post Dar es salaam