"Wapalestina kuvunjiwa nyumba zao za Ibada ni Kawaida" Sheikh Jalala

Kiongozi Mkuu wa Waislam Dhehebu la Shia Ithnasheriya Tanzania Sheikh Hemed Jalala akiongea na Waandishi wa Habari katika Semina ya Quds ya Viongozi wa Dini (Maimam,Masheikh na Maustadhi), Masjid Ghadir Kigogo Post Dar es salaam.

Kiongozi Mkuu wa Waislam dhehebu la Shia Ithnasheriya Tanzania Sheikh Hemed Jalala amesema ni jambo la kawaida leo hii ndani ya ardhi ya palestina kuvunjwa nyumba zao na haipiti siku mbili inayokwenda kwa mungu nyumba za wapalestina zinavunjwa. Kwa hiyo wapalestina wanamakubwa yanayowakabili, wanamengi mazito wanayowakumba. 

Leo hii wapalestina wamekuwa wakizagaa duniani kwa kufukuzwa kutoka katika nchi zao na kwa bahati mbaya  na ni jambo la kusikitisha wapalestina wanapofukuzwa katika nchi yao wanakuja kuchukuliwa watu kutoka mataifa tofauti wanapelekwa kuishi katika ardhi ya watu ambayo ni ardhi ya wapalestina.

Hayo amesema leo katikaSemina ya Quds , Viongozi wa Dini, Maimam,Masheikh na Maustadhi, Masjid Ghadir,Kigogo Post Dar es salaam,ambapo wamejadili kuhusiana na umuhimu wa kadhia ya Palestina na jinsi inavyotuunganisha waislamu kama kadhia mama, Palestina na swala zima la Quds halina mahusiano na uarabu wala siasa bali lina mahusiano na ubinadamu. Kila binadamu anawajibu wa kupinga dhuluma wanayofanyiwa wapalestina wa dini zote ambao miongoni mwao wamo waislamu na wakiristo. Dhulma haitakiwi kunyamaziwa.

“Huu ni uvamizi ambao haukubaliki,huu ni ukandamizi ambao hatuwezi kuunyamanzia. Sisi kama waislam na kulingana na itikadi ya kiislam kwamba, Uislam moja ya itikadi zake sio tu kujali mambo ya waialsm tu bali ni kujali mambo ya wanaadam, na haya ndio mafunzo ya dini zote. Sisi kama waislam na kama watanzania tunaomba palestina.

“Sauti yetu tunapoitoa bila shaka vyombo vya umoja wa mataifa vinatuelewa, tunaomba vyombo vya umoja wa mataifa, tunawaomba wanaadam, tunawaomba waislam,tunawaomba wasiokuwa waislam, wapalestina waishi nawao kwa utulivu kamatunavyoishi sisi hapa Tanzania, wapalestina waishi kwa amani kama tunavyoishi leo watanzania kwa amani” amesema Sheikh Jalala

“Wapalestina wakristo na waislam wakae vizuri na dini zingine kama tunavyo kaa vizuri sisi watanzania. Tanzania inajulikana kwamba ni kisiwa cha amani, ni mahala pa maelewano, katika historia yake ya Tanzania haitambui ubaguzi na hivyohivyo palestina iwe ni mahala pa amani, iwe ni mahala hapana ubaguzi, watu wote wakae pamoja, wakae kwa maelewano, dhulma isambaratike, dhulma iondoke. Na hii ndio sababu kubwa ya sisi waislam wa Tanzania kuikumbuka siku ya Palestina na pasikuwasahau hawa wapalestina ambao ni Wakristo na Waislam” amesisitiza Sheikh Jalala