Mawahabi wataka misikiti saba ya Madina ibomolewe

Mjumbe wa baraza la maulamaa wa Saudi Arabia na mmoja wa mawahabi mwenye misimamo ya kufurutu ada ametaka misikiti saba maarufu ya Madina ibomolewe. 

Saleh al-Fawzan, mjumbe wa baraza la maulamaa wakuu wa Saudia na mjumbe wa kamati ya kudumu ya utoaji fatuwa amedai leo kuwa misikiti saba ya kihistoria ya mjini Madina ni bid’a na yote inapasa ibomolewe. 

 Historia ya misikiti hiyo saba inarejea kwenye zama za vita vya Khandaq na iko kwenye bonde la mlima Sala’a magharibi mwa Msikiti mtukufu wa Bwana Mtume Muhammad SAW mjini Madina. 

Misikiti hiyo saba hivi sasa imekuwa moja ya maeneo ya ziara kwa Waislamu kutoka nchi mbalimbali duniani; ambapo mara baada ya kuwasili Madina Waislamu hao huenda kuzuru misikiti hiyo.chanzo Irib.

CUF vs POLISI-Soma walichosema CUF muda huu kuhusu agizo la polisi

Baada ya jeshi la Polisi nchini Tanzania kupiga marufuku maandamano ya wanasiasa wakati wa kampeni,chama cha wananchi cuf wameibuka na kusema kuwa kauli hiyo ni mzaha wa jeshi la polisi ambao unaweza kuleta madhara makubwa kwani hakuna sheria inayokataza maandamano ya wanasiasa na hawako tayari kutii sheria hiyo kwani ni uonevu wa watanzania.

Akizungumza na wanahabari mapema asubuhi leo naibu Katibu Mkuu wa Chama hicho mama MAGDALENA SAKAYA amesema kuwa kuandamana ni haki ya mtanzania ya kikatiba,ambayo imeelezwa kama njia ya kujieleza,hivyo Polisi wanakiuka katiba na sheria za nchi zinazoruhusu kuandamana ambapo pia amesema wanakiuka sheria ya vyama vya siasa ya mwaka 2002 ibara ya 11 ambayo inatambua maandamano na mikusanyiko kama sehemu ya shughuli za kisiasa.

Sakaya anasema kuwa ni kitu ambacho hakiwezi na hakiwezekani wakati wa kampeni kwa vyama vya siasa kufanya kampeni kimya kimya pasipo maandamano ambapo amesema ni utamaduni ambao hata nchi zilizoendelea uliwashinda huku akisema huwezi kutenganisha kuandamana na kampeni kwani ni vitu vinavyokwenda sambamba.

Aidha amesema chama cha wananchi CUF kinaona hizi ni dalili za jeshi la polisi kutumiwa na chama cha mapinduzi CCM ili kuziba aibu wanayoipata kwa kukosa umati wa watu katika mikutano yao.

Mwisho CUF wamesema kuwa hawakubaliani na agizo hilo na kusema kama polisi wataendelea na msimamo huo wao ndio watakuwa wameanzisha vurugu ambazo hazina ulazima katika uchaguzi huo.

Aliyevamia stakishari ajisalimisha polisi mwenyewe

Wakati jeshi la polisi nchini Tanzania kwa kushirikiana na jeshi la polisi kanda maalum ya Dar es salaam wakiendelea na msako mkali kuwasaka wale wote waliohusika na mauaji ya askari katika kituo cha polisi cha STAKISHARI,Hatimaye mtuhumiwa mmoja ambaye alikuwa anatafutwa na polisi kwa kuhusiaka na tukio hilo amejisalimisha makao makuu ya jeshi la polisi akiambatana na familia yake.

Akizungumza na wanahabari makao makuu ya jeshi la polisi kanda maalum ya Dar es salaam kamishna wa polisi wa kanda hiyo SULEMAN KOVA amemtaja mtuhumiwa huyo kuwa ni ZAHAQ RASHID NGAI maarufu kama MTU MZIMA,ambapo amesema kuwa mtuhumia huyo alijisalimisha makao makuu ya jeshi la polisi akiwa na wake zake wawili baada ya kusambaa kwa taarifa kuwa anatafutwa kwa hali na mali na jeshi la polisi.

Katika Taarifa ya polisi wakati wakielezea mafanikio ya polisi kuhusu tukio hilo iliyotoka terehe 20 mwezi wa saba ilimtaja ndugu ZAHAQ RASHID NGAI maarufu kama MTU MZIMA kama mmoja wa vinara wa tukio lile .

Mtuhumiwa huyo anayedaiwa kuwa msaidizi mkuu namba mbili wa kiongozi wa kundi hilo lililovamia kituo cha polisi stakishari tarehe 12 mwezi wa saba anaendelea kuhojiwa na jeshi la polisi.

Aidha katika msako wa polisi wamefanikiwa kukamata watuhumiwa wengine wawili waliohusika na tukio lile ambao wametajwa kwa majina kama—

1-RAMADHAN HAMIS miaka 18 mkazi wa Mandimkongo

2-OMARY OMARY AMIRI miaka 24 mkazi wa mbagala.

Jeshi la polisi linaendelea kuwahoji watuhumiwa hao

Maalim SEIF akutana na Viongozi wa CUF – ZANZIBAR

Katibu Mkuu wa
Chama Cha Wananchi CUF Mhe. Maalim Seif Sharif Hamad, akizungumza na viongozi
wa CUF pamoja na wagombea uwakilishi na ubunge wa Chama hicho Wilaya za Unguja
katika ukumbi wa majid Kiembe Samaki.

Katibu Mkuu wa Chama cha Wanancfhi CUF, Mhe. Maalim SeifSharif Hamad amesema upepo wa kisiasa Zanzibar unakivumia vyema chama hicho na matarajioni kupata ushindi wa kishindo ambao haujawahi kutokea wa asilimia 80 katikauchaguzi mkuu wa mwezi Oktoba.

 

Maalim Seif amesema hayo jana alipokuwa akiwahutubia viongozi
wa Wilaya na majimbo wa chama hicho huko Kiembesamaki, ambapo pia alitangazatimu itakayo kiongoza chama hicho kupata ushindi katika uchaguzi mkuuuliopangwa kufanyika Oktoba 25.

 

Maalim Seif amesema kwa namna wananchi wanavyokikubali chamahicho na namna kilivyojipanga na iwapo kila kiongozi na mwanachama atatekelezamajukumu yake bila ya kulalamika kitachukua idadi kubwa ya majimbo ya uchaguzina kushinda nafasi ya Urais kwa kishindo.

 

“Mazingira yaliyopo Zanzibar ni mazuri sana kwa CUF kupata
ushindi ambao haujawahi kutokea, hivyo kila mmoja wetu aongozwe na dhamira yakuchukua nchi mwaka huu, na mara hii haibiwi mtu kura yoyote”, alisema Maalim
Seif.  

 

Alisema malengo ya CUF katika uchaguzi mkuu wa mwaka huu ni
kuwa na idadi ya kutosha ya majimbo yatakayo kiwezesha kufanikisha kikamilifumipango yake ya kuwaletea matumaini na maisha bora Wazanzibari chini yaSerikali ya Umoja wa Kitaifa.

 

Katika mkutano huo ambao umehudhuriwa na wagombea waliopitishwana chama kwa upande wa Unguja, Maalim Seif amemtangaza Naibu Katibu Mkuu wa CUFZanzibar, Nassor Ahmed Mazrui kuwa ndiye Meneja wa Kampeni za Urais wa Zanzibar,akisaidiwa na mshauri wake wa Mikakati, Mansour Yussuf Himid.

 

Kaimu Naibu
Katibu Mkuu wa CUF Zanzibar Ismail Jussa Ladhu, akinukuu baadhi ya vifungu vya
katiba ya chama hicho vilivyoipa uhalali  Kamati tendaji ya chama hicho Taifa kufanya
uteuzi ya wagombea katika majimbo yaliyoongezwa kulingana na hali halisi
ilivyokuwa.

Aidha kwa upande wa Pemba, Maalim Seif alisema Mratibu wa
kampeni hizo ni Mjumbe wa Baraza Kuu la Uongozi, Hamad Masoud Hamad akisaidiwana Waziri wa Habari, Utamaduni, Utalii na Michezo, Said Ali Mbarouk.

 

Maalim Seif alisema Zanzibar hakuna hata jimbo moja ambalo
chama hicho kinaweza kusema kwamba hakina matumaini ya kushinda na kwamba sualala kushinda au kutoshinda litategemea chama hicho kimejipanga vipi kuchukuaushindi.

 

Katibu Mkuu huyo wa CUF ameonya kuwa huu si wakati wa viongozina wanachama kuvutana na wala si wakati wa kukumbatia ubinafsi kwa baadhi yaokupeana majukumu wasiyo yamudu kwa kwa kuzingatia urafiki au ujamaa.

Kaimu Naibu Katibu Mkuu, Ismail Jussa Ladhu alisema CUF
katika uchaguzi mkuu wa mwaka huu CUF kitakuwa na kampeni ya aina yake kwamakusudi ya kuwathibitishia Wazanzibari na nchi nzima kuwa kweli kimejiandaakuiongoza Zanzibar.

Jussa alisema Agosti 22 wagombea wote waliopitishwa na chama
kugombea Uwakilishi watakwenda kuchukua fomu Tume ya Uchaguzi Zanzibar kwasherehe kubwa ili kila mtu apate habari kuwa safari ya chama hicho kuiongozaZanzibar na kutimiza matarajio yao i imezna rasmi.

“Siku hiyo wagombea wote wa Uwakilishi Zanzibar watakwenda
kuchukua fomu, mwenye kupiga dufu, mwenye kupiga mbwa kachoka, mwenye kupiga
rusha roho ni ruhusa kufanya sherehe hizo”, alisema Jussa.

Kaimu Naibu Katibu Mkuu huyo alisema kwa upande wa nafasi ya
Urais wa Zanzibar, ambayo mgombea wake ni Maalim Seif Sharif Hamad atakwenda
kuchukua fomu ya kuwania nafasi hiyo Agosti 23, ambapo pia chama hichokimeandaa shamra shamra za aina yake.  Katika mkutano huo, Maalim Seif aliwakabidhi viongozi waWilaya na majimbo seti 40 za jezi kwa kila jimbo moja pamoja na mipira 120.

Serikali yajenga vituo 22 vya kutolea huduma za makataba

Serikali imejenga vituo 22 vya kutolea huduma za makataba katika Mikoa mbalimbali hapa nchini ili kuimarisha mfumo wa kutoa elimu kwa wananchi.

Hayo yamesemwa  leo jijini Dar es salaam na Mkuu wa Kitengo cha Mipango toka Bodi ya Huduma za makataba (BOHUMATA) Bw. Comfort  Komba wakati wa mkutano na waandishi wa habari.

Komba amesema kuwa huduma za maktaba zimefika katika Mikoa 22,Wilaya 19 na tarafa 2 ikilinganishwa na vituo 17 vilivyokuwa Mikoani na 15 katika Wilaya mwaka 2005.

“BOHUMATA imeshirikiana na Halmashauri za Wilaya za Ruangwa,Chunya,Masasi,Mbulu na Ngara katika kuanzisha na kuimarisha Maktaba Mpya katika Halmashauri hizo.” Alisisitiza Komba.

Aliongeza kuwa uanzishwaji wa maktaba  katika maeneo mbalimbali hapa nchini umesaidia kuongeza na kuhamasisha utamaduni wa kujisomea miongoni mwa wanajamii ikilinganishwa na hali ilivyokuwa kabla ya kuanzishwa kwa maktaba hizo .

Akitaja mafanikio mengine Komba amesema ni ongezeko la kiwango cha elimu,maarifa,taarifa na ujuzi miongoni mwa  wanajamii .

Pia Komba alitoa wito kwa watanzania na wasio watanzania kujenga utamaduni wa kutumia maktaba za umma kwa kuwa zipo kwa ajili ya maendeleo ya wananchi wote.

Bodi ya Huduma za maktaba Tanzania (BOHUMATA)  ilianzishwa kwa Sheria ya Bunge Namba 6 mwaka 1975 ikiwa na jukumu la kuanzisha,kusimamia,kuongoza,kuimarisha,kutunza na kuendeleza maktaba za umma ili kujipatia elimu,maarifa,taarifa,mbalimbali zitakazowasaidia katika kujiletea maendeleo.

Angalia Kikwete Akimzika Kisumo

Rais Dkt.Jakaya Mrisho Kikwete na mkewe mama Salma Kikwete wakitoa heshima za mwisho mbele ya jeneza la Kada Mkongwe wa CCM  Marehemu Mzee Peter Kisumo wakati wa ibada ya mazishi iliyofanyika huko kijijini kwake Usangi- Mwanga Mkoani Kilimanjaro leo.

Rais Dkt.Jakaya Mrisho Kikwete akimfariji Mama Hosiana Kisumo Mke wa Marehemu Peter Kisumo wakati wa mazishi yake huko Usangi Mwanga Mkoani Kilimanjaro.

Rais Dkt.Jakaya Mrisho Kikwete na mkewe Mama Salma Kikwete wakiweka udongo katika kaburi la Kada Mkongwe wa CCM Marehemu Peter Kisumo wakati wa mazishi yaliyofanyika nyumbani kwake Usangi- Mwanga Mkoani Kilimanjaro.

Rais Dkt.Jakaya Mrisho Kikwete akisaini kitabu cha maombolezo kilichowekwa kanisani wakati wa mazishi ya kada mkongwe wa CCM Mzee Peter Kisumo yaliyofanyika kijijini kwake Usangi-Mwanga Mkoani Kilimnjaro.Chanzo:Fullshangwe

Profesa Lipumba Amuunga Mkono Zitto Kabwe

Wiki hii Chama Cha Wananchi (CUF) kilipata mtikisiko baada ya Profesa Ibrahim Lipumba kutangaza uamuzi wa kujiuzulu nafasi ya uenyekiti wa chama hicho katika kipindi ambacho wengi hawakutegemea.

Uamuzi wa Profesa Lipumba uliitikisa pia ngome ya Umoja wa Katiba ya Wananchi (Ukawa) kwa kuzingatia kuwa ndiye aliyekuwa mwenyekiti wa wenyeviti wote wa vyama vinavyounda umoja huo.

Ukifuatilia kwa kina sababu alizozitoa Profesa Ibrahim Lipumba, ni pamoja na kuona kuwa Ukawa imepoteza muelekeo kwa kuwa imeshindwa kuzingatia tunu za taifa ikiwemo tunu ya uadilifu.

“Nimeshiriki katika vikao vingi vya Ukawa vilivyotufikisha hapa. Hata hivyo, dhamira na nafsi inanisuta kuwa katika maamuzi yetu ya Ukawa tumeshindwa kuenzi na kuzingatia Tunu za Taifa za utu, uzalendo, uadilifu, umoja, uwazi na uwajibikaji,” alisema Profesa Lipumba.

Maelezo ya Profesa Lipumba katika kipengele hicho yanaunga mkono kauli ya Kiongozi Mkuu wa ACT – Wazalendo, Zitto Kabwe aliyesema kuwa vyama vingine vya upinzani havizingatii tunu ya uadilifu tofauti na chama chake ambacho kimeamua kuiweka tunu hiyo kwenye azimio lake la Tabora.

Zitto Kabwe aliyasema hayo alipokuwa anawahutubia wanachama wa chama hicho mjini Kigoma huku akiwapima mgombea wa Ukawa, Edward Lowassa na Dk. John Magufuli na kudai kuwa hawana ubavu wa kupambana na ufisadi.

Ni kama Profesa Lipumba na Zitto Kabwe waliongea lugha moja katika vipindi tofauti katika kipengele hicho.

Ingawa Profesa Lipumba alishiriki katika kumsafisha Edward Lowassa na kumkaribisha Ukawa, alirudi kusema hadharani kuwa nafsi yake inamsuta hivyo ametafuta kile ambacho wazungu wanaita ‘peace of mind’.

Hata hivyo, muungano wa Ukawa una madhara chanya ya kidemokrasia katika taifa letu ambayo hata Zitto Kabwe alikiri kuyaona.

“Uchaguzi wa mwaka huu hata kama chama kimojawapo kitashinda hakiwezi kuunda serikali peke yake. Na kama kuna jambo ambalo tutalifanya wapinzani na wananchi wasitusamehe ni kushirikiana na CCM,” alisema Zitto Kabwe.Chanzo dar24