Siku ya Baba Duniani kwa Kuzaliwa Imam Ali Ibn Abutwalib (a.s) | Maulana Sheikh Jalala

Kiongozi Mkuu wa Waislamu Shia Ithnasheriya Tanzania Maulana Sheikh Hemed Jalala akiongea na Waandishi wa Habari katika kumbukumbu ya kuzaliwa Imam Ali (a.s) ambayo ndio siku ya Baba Duniani, kikao hicho kilifanya Jana Masjid Ghadir Kigogo Post Dar es salaam.

Bislamillah Rahmani Rahim

Ndugu zangu Waandishi na Watanzania Wenzangu

Amani ya Mwenyezi Mungu iwe kwenu Nyote.

Siku ya Baba Duniani kwa Kuzaliwa Imam Ali Ibn Abutwalib (a.s).

Siku hii ya leo ambayo kwa tarehe ya Kiislamu ni sawa na Tarehe 13 mwezi wa Rajab mwaka wa 1440, ambao ni sa /\wasawa na terehe 20, mwezi wa 3 mwaka 600 AD.Mwaka huo unakumbana na siku hii ya leo ambayo waislamu duniani, hususan Shia Ithnasheriya tunakumbuka siku ya kuzaliwa Imam au Kiongozi Ali (a.s) ambae ni Imam wa Kwanza na Kiongozi wa Kwanza baada ya Mtume Muhammad (s.a.w.w) kuondoka duniani.

Mazazi ya Imam Ali (a.s) au Kiuongozi Ali (a.s) baada ya Mtume (s.a.w.w) ni muhimu kukumbukwa kwa mambo yafuatayo:

Jambo la kwanza, napenda tutambue huyu tunaemzungumza mahali alipozaliwa , alizaliwa ndani ya al kaaba, yaani kwa ibara nyingine nzuri ndani ya ile nyumba ambayo waislam wote duniani wanapofanya ibada zao iwe ni dua iwe ni swala, iwe ni ibada nyingine yoyote wanaelekea pale mahala panapoitwa al kaaba, pale ndipo alipozaliwa  muheshimiwa huyu anaeitwa Imam Ali (a.s).

Kitendo cha kuzaliwa mahala pale kinatupa sisi tutafakari baadhi ya mambo, kwanini amezaliwa pale?, nitazungumza nukta tano za yeye kuzaliwa pale.Nukta ya kwanza alizaliwa pale ambapo ni mahala pa Ibada ili iwe ni darasa kwetu sisi walimwengu, kwetu sisi wanadamu, kitu kinachoitwa Umuhimu wa Ibada, mahala pale alipozaliwa Imam Ali (a.s) ni mahala ambapo aliejenga mahala pale ni Nabii Ibrahimu (a.s).

Nabii Ibrahimu tunavyomuita sisi waislamu, tunamwita ni baba wa dini zote kwasababu Nabii Ibrahimu (a.s) ndio alimzaa Nabii Ismail (a.s) na Nabii Islamail ndicho kizazi cha Mtume Muhammad (s.aw.w), Nabii Ibrahimu ndio aliemzaa Nabii Isshaq/Isaka (a.s),Isaka ndio aliemzaa Nabii Yakub (a.s), Nabii Yakub (a.s) ndie alieitwa Israel kwahiyo ndio aliezaa Mitume wote wa Israel yaani Nabii Mussa (a.s), Nabii Issa / Yesu Kristo (a.s) na wengineo wote.

Kwahivyo alieijenga al kaaba ni Baba wa dini zote mahali hapo ndipo alizaliwa Imam Ali (a.s), Imam wa Kwanza baada ya Mtume Muhammad (s.a.w.w) ikiwa ni ishara ya umuhimu wa wanadamu wote kumuabudu mungu, binadamu wote kumtii Mungu, binadamu wote kumsikiliza Mungu, mara kwa mara nilikuwa nikisema Ibada sio kuswali tu, bali mwenyewe Mtume Muhammad (s.a.w.w) anatuambia ya kwamba ibada kubwa zaidi ni kumtumikia mwanadamu.

 kwa hivyo yoyote anaemtumikia mjane amefanya ibada kubwa sana, yeyote anaemjali yatima amefanya ibada kubwa sana, yeyote anaewajali watu wanaoishi katika mzingira magumu amefanya ibada kubwa sana, hayo yote hayafungamani na dini yoyote bali ni mbali yanayohusiana na dini zote za mbinguni.Siku hii ya kuzaliwa Imam Ali (a.s) Imam wa kwanza ni siku ya kuenzi Ibada, na bora ya Ibadan i kumtumikia mwanadamu.

Jambo la pili: ya kuzaliwa Imam Ali (a.s) ndani ya al kaaba linatupa darasa moja muhimu sana, linatupa darasa la umhimu wa kazi, Sayyidina Ali (a.s) Imam Ali (a.s) katika historia yake ikimsoma ni mtu alikuwa halali, ni mtu alikuwa mchapa kazi, ni mtu aliekuwa masaa 24 akifanya kazi, kwasababu alikuwa akiamini, mungu anatutaka tufanye kazi.

Na nabii Ibrahimu (a.s) baba wa dini zote alifanya kazi yeye na Nabii ismail,wakaijenga al kaaba wakaitengeneza ibada ya hijja, ambayo ibada yenyewe ni kazi, kwahivyo tendo la kuzaliwa Sayyidina Ali (a.s) au Imam Ali (a.s) tunakumbuka kuzaliwa kwake ndani ya al kaaba, moja ya darasa muhimu kwa sisi watanzania wote pasina kubagua dini zetu ni funzo la kufanya kazi, na kwamba kufanya kazi ndio kutatufanya tufikie mahala panapoitwa mahala muhimu na mahala pakubwa.

Jambo la tatu:Kitendo cha kuzaliwa Sayyidina Ali (a.s) kuzaliwa katika nyumba kubwa na nyumba muhimu, nyumba ya kwanza kuwekwa duniani, nyumba inayofunza uadilifu ni nyumba inayoitwa nyumba ya Mungu tunasoma darasa la Umuhimu wa Uadilifu, na ndio maana yeye mwenyewe Sayyidina Ali (a.s) ameitwa nani?, yeye mwenyewe ameitwa kwamba ni sauti ya uadilifu.

katika vitu alivyopigana navyo alipigana navyo Uadilifu,alipigana kuhakikisha watu wote wanapata haki zao, watu wote ni sawa, hakuna tabaka fulani hilo ni bora kuliko tabaka linguine, hakuna akina fulani wao wanahaki zaidi kuliko wengine, Kitendo cha Kuzaliwa Ali (a.s) ndani ya al kaaba nyumba ya Uadilifu ni dalili ya kwamba Sayyidina Ali (a.s) ni mwalimu wa waadilifu na kwamba sisi katika siku hii ya leo siku ya mazazi ya Imam Ali (a.s) tuuwenzi uadilifu na kuukumbuka uadilifu, na kwamba kubakia kwetu, kustawi kwetu ni kwasababu ya Uadilifu tutakao ufanya hapa duniani.

Jambo la nne: la muhimu la kuzungumzwa la kuzaliwa Sayyidina Ali (a.s) ndani ya al kaaba tunapata darasa gani? Tunapata darasa la Umoja, al kaaba nyumba ya kwanza iliyojengwa kumuabudu maungu, baada yake ndio ikajengwa nyumba ya Jerusalem, al kaaba iliyojengwa na Nabii Ibrahimu (a.s) baba wa dini zote, baba wa waislamu, baba wa wakristo, baba wa mayahudi ndie mjenzi wa nyumba ile.

 Kitendo cha kuzaliwa Sayyidina Ali (a.s) pale ndani ni darasa moja muhimu, darasa kwamba Imam Ali (a.s) ni bingwa wa kutengeneza Umoja, ni bingwa wa kuzifanya dini zote hizi zikae mahala pamoja, nakwamba tukae tukifikiria na tukae tukitambua ya kwamba waislamu, mayahudi, wakristo hawa wote baba yao ni mmoja.

Nae ni Yule mjenzi wa al kaaba na Yule mjenzi wa mahala pale patakatifu mahala pale ndipo alipozaliwa Imam wa kwanza wa waislamu Sayyidina Ali (a.s) au Khalifa wanne anavyojulikana kwa waislamu wengine. kwahivyo ni somo muhimu, ni somo kubwa la kuenzi umoja wetu wa wawatanzania, umoja wetu wa wanadini,waislam, wakristo na mayahudi, ndani ya ardhi yetu ya Tanzania.

Jambo la tano: Al kaaba mwenyezi mungu anasema ndani ya Quran “yoyote mwenyekufika al kaaba, amefika mahala pa amani” kwahivyo mungu ameweka nyumba maalumu akaiita ni nyumba ya kuenziwa amani, Sayyidina Ali (a.s) alizaliwa katika nyumba hiyo, amezaliwa katika nyumba ya kuienzi amani.

Hii ni ishara na ni dalili ya kwamba moja katika mambo muhimu ya kufanywa kukumbuka mazazi ya Imam Ali (a.s) Kiongozi huyu baada ya Mtume Muhammad (s.a.w.w) ni kuenzi amani, ni kuenzi utulivu, ni kuenzi mshikamano, ni kuenzi upendo kati ya watanzania kama watanzania, kati ya waafrika kama waafrika,lakini vilevile kati ya wanadunia na kati ya wanaulimwengu wote.

Na kwamba nyumba ya kwanza iliyojengwa na nabii Ibrahimu (a.s) baba wa dini zote, baba wa wakristo, baba wa waislamu,baba wa mayahudi na akaziliwa Imam Ali (a.s) Kiongozi wa Waislamu ni dalili ya kwamba jambo la amani ndio jambo ambalo limeasisiwa mahala pako mpaka leo tunapaona watu wa dini zote, na kwa tukio hili napenda nigusie ya kwamba hii inaonyesha ya kwamba waislamu, si katika nadharia ya Uislamu, wala si katika nadharia ya kiyahudi, wala si katika nadharia ya wakristo kitu kinachoitwa kuvunja amani, kitu kinachoitwa Ugaidi, kitu kinachoitwa kutumia nguvu.

Kulaani: Kwa tukio hili la kuzaliwa Imam Ali (a.s) tunatoa msimamo wetu na tunatoa kauli yetu ya dhati kabisa ya kulaani kitendo cha kigaidi kilichofanyika katika nchi ya Newsland kilichopelekea mauaji ya waislamu wasiopungua takriban watu 50 ndani ya Msikitini, tumesema ni kitendo cha kigaidi, na hii ni dalili ya kwamba  ugaidi hauna dini, hauna Ukristo, hauna Uyahudi wala hauna Uislamu, na sisi tupo pamoja na yeyote ambae anaenzi watu wakae vizuri, anaenzi watu wake kwa upendo na watu wakae kwa usalama.

Wito: wito wetu katika siku hii ya kuzaliwa Imam Ali (a.s) au Kiongozi au Imam wa kwanza wa waislamu baada ya Mtume Muhammad (s.a.w.w), wito wetu kwanza kwa viongozi wa dini waislamu na wakristo nchini, tunatoa wito wa kuwa wawe Viongozi wa dini na nia ya dhati ya kujenga umoja,mshikamano, ushirikiano na upendo kati yao kama alivyokuwa Sayyidina Ali (a.s), Imam Ali (a.s) katika Utawala wake moja ya mambo muhimu ukimsoma aliyoyajenga ilikuwa ni maelewano, upendo na mshikamano kati yao wao wenyewe kama viongozi wa dini.

Na hayo yatafikiwa na Viongozi wa dini kuwa na mambo yafuatayo, kwa ibara nyingine nzuri Viongozi wa dini watafikia mahala mahala wanamshikamano, wanaupendo, ushirikiano na umoja watakapokuwa na mambo matatu muhimu yakuyafanya, jambo la kwanza, wawe na tabia ya kutembeleana, jambo la pili wawe ya kukaa pamoja,jambo la tatu wawe na tabia kupeana zawadi, kwenye Krismasi, kwenye Eid, kwenye Maulid na matukio mengine.

Wito wetu wa pili, ili watanzania waishi kwa amani,kwa utulivu, kwa Upendo na kwa umoja lazima tuishi kama mitume wa mungu walivyoelekeza na kama Maimam , Viongozi akiwemo Sayyidina Ali (a.s) walivyoelekeza, lakini vilevile kama vitabu vya mbinguni Taurati, Injili, Zaburi na Qur’an vilivyoelekeza, vitabu vyote hivyo vimeelekeza Upendo,Mshikamano, Umoja na watu kukaa Vizuri.

Mwisho: Mwenyezi Mungu nakuomba katika siku hii ya kuzaliwa Imam Ali (a.s) Imam wa Kwanza baada ya Mtume Muhammad (s.a.w.w), au Khalifa wan ne waislamu wengine, Mwenyezi Mungu nakuomba Tanzania uipe amani, Tanzania uipe Utulivu, Viongozi wetu Mwenyezi Mungu uendelee kuwapa Hekima,uwape busara, uwape muono wao wa kuwatumikia watanzania mpaka mwisho wa masiku yao.

Na sisi kama watanzania tuwe na tabia ya kuombea Mungu Viongozi wetu ili waweze kutuongoza katika njia iliyokuwa ya kisawasawa. Mungu aibariki Tanzania, Mungu awabariki Viongozi wetu wote tuliokuwanao wanaotuongoza, Asanteni sana Amani ya Mwenyezi Mungu iwe kwenu nyote.

Imetolewa na: 

Maulana Sheikh Hemed Jalala

Kiongozi Mkuu wa Waislam Shia Ithnasheriya Tanzania

Tare:20.03.2019/13 Mwezi wa Rajab, 1440.
Masjid Ghadir, Kigogo Post Dar es salaam.

Kuzaliwa Fatma Bint Muhammad (a.s) ndio siku ya Mwanamke wa Kiislamu Duniani-Maulana Sheikh Jalala.

Kiongozi Mkuu wa Waislamu Shia Ithnasheriya Tanzania Maulana Sheikh Hemed Jalala (kushoto) akiongea na Waandishi wa Habari katika kukumbuka kuzaliwa kwa Mtoto wa Mtume Muhammad (s.a.w.w), Bi Fatma bint Muhammad (a.s), kuwa ndio Siku ya Mwanamke wa Kiislamu Duniani, Jana Masjid Ghadir, Kigogo Post Jijini Dar es salaam

Amani ya Mwenyezi Mungu iwe kwenu Nyote.

Siku hii ya leo ambayo kwa tarekh ya Kiislamu tunaita ni Mwezi 9,ni siku ambayo wanazuoni wa Kiislamu wameitangaza kuwa ni Siku ya Mwanamke wa Kiislamu Duniani, sababu kubwa ya Tangazo hilo nikutokana na kuzaliwa Bint ya Mtume Muhammad (s.a.w.w) ambae Bint huyu na Mama huyu na dada huyu ananafasi kubwa katika Dini ya Uislamu.

Mama huyu ambae tunakumbuka mazazi yake ambae Maulamaa wameitangaza kuwa ni siku ya Mwanamke wa Kiislamu Duniani daraja lake mama huyu katika Uislamu ni kama vile daraja la Maryam bint Imran, Mama yake Nabii Issa (a.s). Lakini kwanini kukumbukwa mama huyu lakini vilevile kwani kutangzwa ni siku ya Mwanake wa Kiislamu Duniani.

 Sababu kubwa ni daraja la mwanamke na nafasi ya mwanamke katika jamii na katika Uislamu.Uislamu unamuangalia Mwanamke katika mambo yafuatayo, kwanza Uislamu unamuangalia Mwanamke kwamba ni mwanadamu wa Kawaida kama vile Mwanamume.kwa ibara nyingine nzuri Uislamu hautofautishi kati ya jinsia ya Kiume na jinsia ya Kike.

Na tunaamini kakika Uislamu ya kwamba jinsia hizi mbili zote zipo sawasawa, jinsia ya Kike na Jinsia ya Kiume. Kwahiyo siku ya Mwanamke wa Kiislamu Duniani ni siku ya kufuta maneno yanayowezwa kusemwa ya kwamba mwanamume ni bora kuliko mwanamke, hapana ni jinsia mbili ambazo zipo sawasawa kama ni mapungufu basi yapo kwa wanaume na yapo vilevile kwa wanawake.

Jambo la pili ni jambo la haki, mwanamume anahaki kwenye mambo mengi na mambo kadhaa haki hizo vilevile zipo kwa mwanamke, kwa mfano mwanamke anayohaki ya kufanya kazi? Je katika Uislamu mwanamke anayohaki  ya kufanya kazi? Jawabu ndio. Haki hiyo vilevile anayo mwanamke katika Uislamu.

Mwanamume anayohaki ya kuendesha gari, Je mwanamke anaruhusiwa kuendesha gari? Ndio mwanamke vilevile anayohaki ya kuendesha gari katika uislamu. Mwanamume anayohaki ya Elimu, mwanamume anayohaki ya Kusoma mpaka kufikia ngazi za juu, je haki hiyo mwanamke anayo katika uislamu? Ndio mwanamke vilevile anayohaki ya kusoma na kusomeshwa mpaka ngazi za juu.

Katika siku hii ya kumkumbuka mwanamke duniani, katika sikun hii ya kumkumbuka mwanamke wa Kiislamu Duniani moja ya jambo la kuliangazia ni jambo la Elimu ya kwamba wazazi watambue kama walivyokuwa na haki kumsomesha kijana wa kiume na mototo wa kiume vilevile ni haki yao kumsomesha binti wa kike na kijana wa kike na kumsomesha hakuna kiziwizi maalumu ikiwa na maana asomeshwa mpaka ngazi Fulani kasha basi.

Kulikuwa na fikra ambazo zinapatikana kwenye baadhi ya maandiko ambayo maandiko hayo tunayasema ni maandiko ya Kimakosa kwa mfano kuna baadhi ya fikra zinaona Mwanamke ndie aliefanya makosa alipokuwa kule Peponi na ikawa ndio sababu ya kufukuzwa adam na hawa kwamba sababu ilikuwa ni mwanamke.

 Hapana dini ya Uislamu inaangalia yakwamba makosa yaliyofanya ndani ya pepo hayana mahusiano na Mwanamke na kwamba mwanamke ni kiumbe kama vile viumbe wengine wa kawaida. Mwanamume anayokarama anayoheshima, je heshima hii ipo kwa mwanamke?

Mwenyezi Mungu ndani ya Quran anaitaja waziwazi hawa wanaadamu wote wanakarma wanaheshima, kama vilevile mwanamume anatakikana aheshimiwe na vilevile mwanamke anatakikana aheshimiwe, kama vile mwanamume anadaraja kubwa mbele za mwenyezi Mungu kwasababu ni kumbe ambacho kinaroho ya Mungu, daraja hili vilevile analo mwanamke kwasababu nae ni kumbe cha mwenyezi Mungu.

Tunapojaribu kuisoma Quran na kuiangalia Quran iliyowazungumza wanawake na daraja iliyowapa, tutaona ya kwamba daraja hilo halina tofauti na daraja la mwanaume, kwa mfano Quran imewataja wanawake ambao ni wanawake watakatifu kama ilivyowataja wanaume, Quran imemtaja Maryam (a.s) ambae ni mama yake Nabii Issa (a.s) yakwamba ni mwanamke mtakatifu.

Kama ambavyo imemtaja Fatma Zahraa (a.s) ambae leo tunakumbuka mazazi yake katika aya tofauti, kama ambavyo imemtaja mlezi wa Nabii Mussa (a.s) au Mke wa Firaun, Quran imemtaja mwanamke kwa kiwango hicho na kwa daraja hilo na kwa heshima hiyo kama vile ambavyo imemtaja mwanaume kwa heshima na kwa daraja tofauti alilokuwanalo.

 Je, mwanamke anamiliki? Katika Uislamu, mwanamke anayohaki ya kufanya kazi na kumuliki kama anavyomiliki mwanamume? Mwenyezi Mungu anatangaza waziwazi ya kwamba kama alivyokuwa mwanamume anayohaki ya kumiliki vilevile mwanamke anayohaki ya kumiliki, mwanamke anayohaki ya kurithi? Ndio mwanamke hata baada ya kuolewa vilevile anayohaki ya kurithi kama alivyokuwa mwanamume anayohaki ya kurithi.

Kwa ufupi yote tuliyoyasema ni katika kuzungumza daraja na nafsi ya mwanamke katika dini ya Uislamu katika siku hii ambayo tunakumbuka mazazi ya bint ya Mtume Muhammad (s.a.w.w) bi Fatma bint Muhammad (a.s), katika siku amabyo wanachuoni wameitangaza hii ni siku ya mwanamke duniani.

Kwamba mwanamke ni kiumbe kama kiumbe kingine cha kawaida, jinsia zao ziko sawa, mapungufu kama yapo yapo kwa mwanaume na yapo kwa mwanamke, wana haki sawa kama mwanamume anahaki na vilevile mwanamke anahaki sawa.

Asanteni sana, Hongereni kwa siku hii nzito ya kuzaliwa ya Mtume Muhammad (s.a.w.w) bi Fatma Zahra bint Muhammad (a.s) na siku ya Mwanamke Duniani.

Imetolewa na 

Maulana Sheikh Hemed Jalala 

Kiongozi Mkuu wa Waislamu Dhehebu la Shia Ithnasheriya Tanzania.     Tare : 26.02.2019, Masjid Ghadir, Kigogo Post Dar es salaam.

Dkt. Harrison Mwakyembe awa Mgeni Rasmi katika Maadhimisho ya Miaka 40 ya Mapinduzi ya Jamhuri ya Kiislamu ya Iran, Jijini Dar es salaam.

Balozi wa Jamhuri ya Kiislamu ya Iran nchini Mhe. Muosa Farhang (katikati) akisoma Risala kwa Mgeni Rasmi Waziri wa Habari, Sanaa Utamaduni na Michezo, Dkt. Harrison Mwakyembe (kulia), katika maadhimisho ya mika 40 ya Jamhuri ya Kiislamu ya Iran, iliyofanyika Nyumbani kwa Balozi wa Iran nchini, 11.02.2019,Jijini Dar es salaam, Tanzania.

Waziri wa Habari, Sanaa Utamaduni na Michezo, Dkt. Harrison Mwakyembe (kulia) akipokea Zawadi kutoka kwa Balozi wa Jamhuri ya Kiislamu ya Iran nchini Mhe. Muosa Farhand.

Baadhi ya Wageni ambao ni Mabalozi wa Nchi mbalimbali nchini wakihudhiria maadhimisho hayo.

Baadhi ya Wageni waalikwa ambao ni baadhi ya Viongozi wa Dini mbalimbali na katika madhehebu mbalimbali wakishirki katika maadhimisho hayo.

Balozi wa Jamhuri ya Kiislamu ya Iran nchini Mhe. Muosa Farhand (kushoto) akitambulisha kitabu cha Shiraz na Baluchi mbele ya Waziri wa Habari, Sanaa Utamaduni na Michezo, Dkt. Harrison Mwakyembe (kulia), kitabu ambacho kinaonyesha Mahusiano ya kihistoria katika ya Tiafa la Tanzania na Taifa la Iran.

Waziri wa Habari, Sanaa Utamaduni na Michezo, Dkt. Harrison Mwakyembe (kulia) akiongea katika maadhimisho ya miaka 40 ya Mapinduzi ya Jamhuri ya Kiislamu ya Iran, Jijini Dar es salaam.

Balozi wa Jamhuri ya Kiislamu ya Iran nchini Mhe. Muosa Farhand akimshika mkono Makamu Raisi Msafu wa awamu ya nne Dokta Bilal akishiriki katika Maadhimisho hayo.

Uzinduzi wa Kitabu cha Shirazi na Baluchi kinaonyesha Uhusiano kati ya Tanzania na Iran

Balozi wa Jamhuri ya Kiislamu ya Iran nchini Mhe. Mousa Farhang akifanya Uzinduzi wa kitabu cha Shirazi na Baluchi kinachoonyesha kwa Uwazi Historia ya Tanzania na Iran, 08.02.2019, katika Ukumbi wa Kitengo cha Utamaduni cha Jamhuri ya Kiislamu ya Iran, Jijini Dar es salaam.

Na: Twalha Ndiholeye

Balozi wa Jamhuri ya Kiislamu ya Iran nchini Mhe. Muosa Farhang amesema kuwa kitabu cha Shirazi na Baluchi ni kitabu kinachoonyesha Uhusiano wa wazi na wa kihistoria kati ya Taifa la Tanzania na Taifa la Iran.

“Leo hii tunafuraha kubwa kwa uzinduzi wa Kitabu ambacho kinaelezea historia ya Washirazi, Wabaluchi na Watanzania, kwa kuzingatia kwamba uwepo wa Washirazi na Wabaluchi katika Tanzania kulikuwa na athari kubwa kwa vizazi vijavyo” Balozi Farhang.

Balozi Farhang alisema hayo jana baada ya Uzinduzi wa Kitabu hicho kilijulikanacho kwa jina la Shirazi na Baluchi, uzinduzi huo ulifanyika katika kitengo cha Utamaduni cha Jamhuri ya Kiislamu ya Iran, Jijini Dar es salaam.

Aidha Balozi Farhang aliwataka Watnzania kuwa na uwelewa sahihi juu ya uhusiano wa wazi na wa kihistora katika ya Taifa la Tanzania na Taifa la Iran kwa kupitia Shirazi na Baluchi ambao walifika Tanzania kabla hata ya Uhuru wa Tanzania na kuwa makini na wale wote wanaopotosha Historia hii.

“Uzinduzi huu wa Kitabu hiki ni sehemu tu ya utamaduni na historia amabyo inabidi watanzania waelewe, na ninaamini itabaki kwa muda mrefu,Napenda kuwaambia watanzania kuna historia ndefu na kubwa zaidi ambayo iliyopita, ila nasikitika hii historia inaanza kupotea ambapo inadini sasa historia ianzwe kurudiswa, bila shaka historian a utamaduni mkubwa walionao watanzania inaweza kusaidia nchi zote za jirani, eneo la afrika mashariki” alisema Balozi Farhang

Kwa Upande wake Muadishi wa kitabu cha Shirazi na Baluchi Mhe. Charles Kayoka alisema kuwa kitabu hiki cha Shirazi na Baluchi kinaonyesha Shirazi na Baluchi waliingia nchini kabla ya miaka 300 kwa Baluchi na 1000 kwa Shirazi iliyopita.

“Kitabu hiki kinazungumzia kwa ufupi historia ya Wabalunchi na Washirazi kama watu ambao walikuja nchini zaidi ya miaka 300 wabalunchi na zaidi ya miaka 1000 kwa upande wa Shirazi”

Charles Kayoka ambae pia ni Mkufunzi wa Chuo Kikuu cha Dar es salaam katika Idara ya Sanaa na Ubunifu alisema kuwa Kiatabu kinaonyesha Ushahidi wa kuja kwao kwa ushahidi wa majumba na ushahidi wa watu ambao wameshakuwa viongozi au nyumba za makazi ambayo waliwahi kuishi maeneo mbalimbali, Picha za makazi ya watu na watu wenyewe zilitoka afrika mashariki kama Mtwara, Lindi, Unguja na Pemba nchini Zanzibar, Tanga pamoja na Mombasa.

“Hichi kitabu kwa sisi watanzania kinajaribu kuonyesha ni Taifa ambalo linahistoria ndefu na pana, ambayo inatakiwa ichapishwe, nap engine kuangalia namna gani historia hii itaendelea kutafitiwa zaidi, kwa ajili ya kuiboresha historia yetu, ambapo kwa wale walioandika kunavitu vingi waliviacha, hii itatusaidia sisi kama Watanzania”

Bodi ya Wadhamini ya Jumuiya ya Waislamu Shia Ithnasheriya Tanzania (T.I.C) yafanya Kikao kwa mara ya Kwanza | 09.02.2019

Baadhi ya Wajumbe wa Bodi ya Wadhamini wa Jumuiya ya Waislam Shia Ithnasheriya  Tanzania (T.I.C), Kikiongozwa na Mwenyekiti bodi hiyo Dr. Muhammad Kanju (wakwanza), leo wamefanya Kikao chao cha kwanza baada ya kumalizika Uchaguzi, uliofanyika mwaka Jana, kikao hicho kimefanyika Makao makuu ya Jumuiya hiyo, Kigogo Post Dar es salaam.

Mjumbe wa Bodi ya Wadhamini wa Jumuiya ya Waislamu Shia Ithnasheriya Tanzania Sheikh Muhammad Abdu (kulia) akiwa makini kusikiliza baadhi ya nukta muhimu zinazojaliwa katika kikao hicho.

Mjumbe wa Bodi ya Wadhamini wa Jumuiya ya Waislamu Shia Ithnasheriya Tanzania (T.I.C) Sheikhat Pili Muhammed akijumuika pamoja na baadhi ya wajumbe wenzake katika kikao hicho.

Sheikh Mkuu wa Jumuiya ya Waislamu Shia Ithnasheriya Tanzania Sheikh Abdallah Seif (wapili kulia) ambae pia ni Mjumbe wa bodi ya Wadhani akishiriki pamoja na baadhi ya wajumbe wa bodi ya wadhamini katika kikoa hicho.

Mhe. Hoza Maliki (kulia) akiwa pamoja na Mjumbe mwenzake wa bodi ya wadhamini ya Jumuiya ya Waislamu Shia Ithnasheriya Tanzania (T.I.C) wakijumuika pamoja katika kikao leo Makao makuu ya Jumuiya, Kigogo Post Dar es salaam

Sheikh Ghawth Nyambwa Mmoja wa Wajumbe wa Bodi ya Wadhamini wa Jumuiya ya Waislamu Shia Ithnasheriya Tanzania (T.I.C) Akichangia maoni katika kikao hicho.

Makamu Mwenyekiti wa Jumuiya ya Waislamu Shia Ithnasheriya Tanzania (T.I.C) Sheikh Ramadhani Mwelekwa (wapili kushoto) akishiriki katika kikao cha Bodi ya Wadhanimi.

Kikao cha Kamati Tendaji cha Jumuiya ya Waislam Shia Ithnasheriya Tanzania Taifa | 08.02.2019

Baadhi ya Wajumbe wa Kamati Tendaji ya Jumuiya ya Waislamu Shia Ithnasheriya Tanzania (T.I.C) wakiwa Makini kusikiliza Muhutasari wa Kikoa kilichopita, ukisomwa na Katibu Mkuu wa Jumuiya hii Mhe. Bashiru Nyello, kikao hicho kilifanyika Jana, Makao Mkuu ya Jumuiya hiyo Kigogo Post Dar es salaam.

Katibu wa Elimu wa Jumuiya ya Waislamu Shia Ithnasheriya Taifa, Sheikh Muhammed Juma akinukuu baadhi ya Nukta Muhimu katika Kikao cha Kamati Tendaji Taifa.

Makamu Mwenyekiti wa Jumauiya ya Waislamu Shia Ithnasheriya Tanzania (T.I.C) Taifa Sheikh Ramadhani Mwelekwa, akijumuika pamoja katika kikao cha Kamati Tendaji Taifa

Afisa Mtendaji wa Jumuiya ya Waislamu Shia Ithnasheriya Tanzania (T.I.C) Taifa Mhe. Meja Kibido akiwa makini katika kunukuu nukta Muhimu zainazojadiliwa katika Kikao cha Kamati Tendaji Taifa.

Katibu Mkuu wa Jumuiya ya Waislamu Shia Ithnasheriya Tanzania Mhe. Bashiru Nyello (kulia) akisoma Muhutasari wa Kikao kilichopita, katikati ni Mwenyekiti wa Jumuiya ya Waislam Shia Ithnasheriya Tanzania (T.I.C) Taifa Sheikh Issa Rwechungura.

Baadhi ya Wajumbe wa Kamati Tendaji ya Jumuiya ya Waislamu Shia Ithnasheriya Taifa, Sheikhat Fatuma Mwiru (kushoto), Sheikh Ramadhani Nkusui (Kulia) wakisiliza kwa umakini yanayoendelea katika kikao.

Katibu wa Uchumi Taifa wa Jumuiya ya Waislam Shia Ithnasheriya Tanzania (T.I.C) Mhe. Muhammed Zahoor, akinukuu nukta Muhimu katika Kikao cha kamati tendaji cha jumuiya taifa.

Mjumbe wa Kamati Tendaji Taifa wa Jumuiya ya Waislam Shia Ithnasheriya Tanzania (T.I.C) Mhe. Abdulkarim Shamte akihudhuria kikao cha kamati tendaji tiafa.

“Watanzania Msikubali Madola ya Kigeni kuingilia Siasa za Ndani” Balozi wa Iran.

Balozi wa Jamhuri ya Kiislamu ya Iran nchi Tanzania Mhe. Mussa Farhang akiongea katika Semina ya kuelekea Maadjimisho ya Miaka 40 ya Serikali ya Mapinduzi ya Jamhuri ya Kiislamu ya Iran, iliyofanyika Jana katika Chuo cha Diplomasia, Kurasini Jijini Dar es salaam, Kushoto kwake ni Mkurugenzi wa Kitengo cha Utamaduni cha Jamhuri ya Kiislamu ya Iran chini Mhe. Abbas Farhand.

Na: Twalha Ndiholeye

Balozi wa Jamhuri ya Kiislamu ya Iran nchini Mhe. Mussa Farhang amewataka Wananchi wa Tanzania hususani Wasomi, Wanachuo na Wananasiasa  kutokuruhusu uingiliaji wa Siasa za Madola ya Kigeni katika siasa ya ndani ya nchi na kuwataka wasiwe tegemezi ili kuenzi Uhuru na Amani uliopo.

“Wananchi wa Tanzania, Jamii ya Wasomi, Wanachuo na Wanasiasa wasiruhusu kabisa ule uingiliaji wa siasa wa Madola ya Kigeni katika siasa za ndani,tusiwe tegemezi kwani Uhuru wetu hautakuwa na faida yoyote, dhamani yoyote na nguvu yoyote” alisema Balozi Farhang.

Balozi wa Iran Mhe. Farhang alisema hayo jana katika Semina ya kuelekea maadhimisho ya Miaka 40 ya Serikali ya Mapinduzi ya Jamhuri ya Kiislamu ya Iran, iliyofanyika katika Chuo cha Diplomasia, Kurasini jijini Dar es salaam.

Aidha Balozi Mhe.Farhang amewataka Watanzania kuenzi Fikra za Baba wa Taifa Mwalimu Nyerere na Imam Khomein katika kuheshimu Sheria ambapo ndio chanzo cha utekelezaji wa maendeleo na udumishaji wa Amani na maelewano uliokusudiwa na waasisi wa nchi.

“Tufate zile fikra za Viongozi wetu waasisi wa Mataifa yetu Baba wa Taifa Mwl. Nyerere na Imam Khomein, lakini wenye Umuhimu sana kwa wananchi wa Tanzania kufuata na kuenzi fikra za Mwl.Nyerere, Ufuataji wa Sheria ni kitu ambacho lazima iheshimiwe kwani ndio chanzo cha maendeleo, Tusaidie Tanzania na Irani ziweze kuendelea kufuata mfumo wa Sheria.”.aliongeza Balozi.

Mapinduzi ya Jamhuri ya Kiislamu ya Iran yalifanyika mwaka wa 1979, yakiongozwa na Kiongozi wa Kiongozi wa Kidini ajulikanae kwa jina la Imam Khomein ambae alifaniliwa kumuondoa Mfalme Shaah amabe alikuwa Kiongozi wa nchi ya Iran kipindi hicho.