“Uchaguzi wa Serikali za Mitaa uwe na Amani” Sheikh Jalala

Kiongozi wa Waislamu Shia Ithnasheriya Maulana Sheikh Hemed Jalala (wanne kulia) akiongoza Matembezi ya Amani ya Kukumbuka Kifo cha Imam Hussein (a.s) Mtoto na Mjukuu wa Mtume Muhammad (s.a.w.w) ,Kushoto kwake ni Balozi wa Jamhuri ya Kiislamu ya Iran nchini Mhe. Mousa Farhang.

 Kiongozi wa Waislamu Shia Ithnasheriya Maulana Sheikh Hemed Jalala amewataka Viongozi wa Dini kuweza kumuomba Mungu ili Uchaguzi Ujao wa Serikali za Mitaa uweze kufanyika kwa Salama na Amani bila ya kuleta Vurugu zozote nchini.

Sheikh Jalala ametoa wito huo katika Matembezi ya Amani ya Kumbukumbu ya kuadhimisha Kifo cha Imam Hussein (a.s) Mtoto na Mjukuu wa Mtume Muhammad (s.a.w.w), yaliyoanzia Ilala Boma na kuhitimishia katika Viwanja vya Pipo Kigogo Post Dar es salaam.

“Wito wetu kwa siku hii ya leo tunaelekea kwenye chaguzi za Serikali za Mitaa, sisi kama Viongozi wa Dini Masheikh, Maustadhi, Maimamu na Maskofu na Wachungaji ni muhimu kwa kweli kumlilia Mungu na kumuomba Mungu Uchaguzi huu wa Serikali za Mitaa uweze kupita Salama na uweze kupita Vizuri na uweze kupita pasina matatizo yoyote kwasababu ni Uchaguzi Muhimu”

Katibu wa Uchumi wa Jumuiya ya Waislamu Shia Ithnasheriya Tanzania (T.I.C) Taifa Mhe. Mohammed Zahoro akiongea na Waandishi wa Habari.

Kwa Upande wake Katibu wa Uchumi wa Jumuiya ya Waislamu Shia Ithnasheriya Tanzania (T.I.C) Taifa Mhe. Mohammed Zahoro amewataka Watanzania kuhuisha Mafundisho ya Imam Hussein (a.s) aliyokubali kufa kwa ajili yake.

“Dhulma imejaa, hasadi imejaa hakuna upendo baina ya Waislamu na Waislamu, hakuna upendo Ubinadam na Ubinadamu, hakuna upendo Waislam na Wasiokuwa Waislamu, hakuna upendo baina ya Udugu na udugu, hakuna upendo baina ya Watanzania na Watanzania, tumetoka ili kuyatengemeza hayo ili kurudisha Upendo baina ya watu wote”

Dini na Madhehebu Mengine waigeni Shia Ithnasheriya” Mhe. Kumbilamoto

Meya wa Manispaa ya Ilala Mhe. Omari Kumbilamoto (watatu kushoto) akishiriki Matembezi ya Amani ya kukumbuka Kifo cha Imam Hussein (a.s) Mtoto na Mjukuu wa Mtume Muhammad (s.a.w.w) katika maadhimisho ya siku ya Ashura juzi Dar es salaam.

Meya wa Manispaa ya Ilala Mkoa wa Dar es salaam Mhe. Omari Kumbilamoto amezitaka Dini na Madhehebu Mengine nchini kuwaiga Waislamu Shia Ithnasheriya katika namna yao ya kuadhimisha matukio ya Kiimani kwa kufanya mambo ya Kijamii katika jamii inayowazunguka bila kujali dini wala dhehebu.

Kumbilamto alisema hayo juzi katika Matembezi ya amani ya kukumbuka Kifo cha Imam Hussein (a.s) Mtoto na Mjukuu wa Mtume Muhammad (s.a.w.w) yaliyoandaliwa na Jumuiya ya Waislamu Khoja Shia Ithnasheriya Jamati Posta jijini Dar es salaam.

Meya wa Manispaa ya Ilala Mkoa wa Dar es salaam Mhe. Omari Kumbilamoto akiongea na Waandishi wa Habari punde tu baada ya kuanza kwa mataembezi ya Aamani.

“Kwasisi kwa Manispaa ya Ilala tumelipokea kwa faraja kwa kukumbuka kwao Kifo cha Imam Hussein (a.s) imekuwa na manufaa katika taifa letu, kwa hiyo niwaombe dini zingine na madhehebu mwengine  waige mfano wa Shia Khoja namna wanavyoweza kuadhimisha mambo yao ya kidini na vilevile wanavyotoa mchango katika jamii mfano damu na vilevile Matibabu ya Bure yanasaidia jamii , kwa hiyo mchango unasaidia katika serikali yetu ya Jamhuri ya Muungano wa Tanzania” alisema Mh.Kumbilamoto

“Tunawashukuru sana na Mwenyezi Mungu aweze kuwabariki, funzo kubwa ni la Amani kama ambavyo anasisitiza Mhe. Raisi Magufuli kama vile vile waumini wa shia Khoja wanaamini kuwa Imam Hussein (a.s) ni muumini wa Amani na utulivu, kwa hiyo ni tukio zuri”alisema Mh.Kumbilamoto

Kwa upande wake Kiongozi wa Waislamu Shia Ithnasheriya Maulana Sheikh Hemed Jalala alisema kuwa malengo ya kukumbuka Kifo cha Imam Hussein (a.s) ni kuienzi Amani ,Utulivu, Mshikano, Upendo na Uvumilivu uliopo kwa Watanzania

“Matembezi haya ya Amani mnayoyaona yaliyojaa huzuni ni kuenzi Umoja wa Mwanadamu,umoja wa Utu ambao alitoka kwa ajili yake Imam Hussein (a.s), Msafara wa Imam Hussein (a.s) historia inaeleza kwamba kuna kitu kilikuwa kimekosekana amani, utulivu mshikamano, busara na kuvumiliana haya ni mambo  yaliyokuwa yamekosekana na kusambaratika, Imam Hussein  (a.s) akakubali kuuwawa yeye na Kizazi chake kwanini? Kwasababu ya kurudisha Amani utulivu na mshikamano ndani ya jamii aliyokuwa nayo”alisema Sheikh Jalala

“Imam Hussein (a.s) alitoka ili Jamii iwe Salama”Sheikh Jalala

Kiongozi wa Waislamu Shia Ithnasheriya Maulana Sheikh Hemed Jalala (wapili kushoto) akiongoza msafara wa Vijana kuelekea katika eneo la Zoezi la Usafi, katika kata ya Kigogo Mkwajuni Dar es salaam.

Kiongozi wa Waislamu Shia Ithnasheriya Maulana Sheikh Hemed Jalala amesema kuwa malengo ya Imam Hussein (a.s) ni kuifanya jamii iwe salama, na katika hali ya usafi wa Mazingira kwani kufanya hivyo ni kutekeleza Mafunzo ya Dini.

“Tunaamini ya kwamba Moja ya Malengo ya Imama Hussein (a.s) Mtoto na Mjukuu wa Mtume Muhammad (s.a.w.w) kutoka na kuelekea katika ardhi ya karbala ni kufanya jamii iwe salama ni kufanya jamii iwe safi ni kufanya jamii iwe katika mazingira mazuri, na sisi tunaamini ya kwamba jambo la Usafi ni jambo kubwa na ni jambo muhimu, tunaamini ya kwamba Uasfi ni katika Imani Usafi ni katika dini” Maulana Sheikh Jalala

Kiongozi wa Waislamu Shia Ithnasheriya Maulana Sheikh Hemed Jalala akiongea na Waandishi wa Habari punde tu baada yta kuanza zoezi la Usafi.

Sheikh Jalala alisema hayo jana katika zoezi la Usafi ulifanyika katika kata ya Kigogo Jijini Dar es salaam kwa lengo la kukumbuka Kifo cha Imam Hussein (a.s) Mtoto na Mjukuu wa Mtume Muhammad (s.a.w.w).

“Kutoka kwetu na Kufanya Usafi ni kwa ajili ya kuhakikisha yakwamba tumemuunga mkono Imam Hussein (a.s) katika jambo lake la kutengeneza jamii ,tunaamini yakwamba Usafi ni chachu ya kuleta afya bora, tunaamini yakwamba usafi ni sababu ya watu kukaa katika mazingira mazuri, watu wanaokaa katika mazingira mazuri watakaa kwa usalama, wanaweza kuwa na elimu bora”

Aidha Sheikh Jalala amesema miongoni mwa sbabu ya kutoka na kufanya usafi na kuiunga Mkono Serikali ya Mkoa wa Dar es salaam ambayo yanaenda sambamba na Mafundisho aliyotoka Imam Hussein (a.s) kuyatetea yarudi katika Jamii iliyomzunguka.

Serikali yetu na Mkoa wetu wa Dar es salaam kwa kupitia Mkuu wa Mkoa  huwa ikipiga kelele marakwa mara kuhusiana na jambo la usafi mpaka ikaweka siku maalumu ya usafi, tumetoka pia kumuunga mkono mkuu wa Mkoa kwamba tupo nay eye katika jambo la usafi katika siku hii ya kumkumbuka Imam Hussein (a.s) Mjukuu na Mtoto wa Mtume Muhammad (s.a.w.w)”

Mjumbe wa Serikali ya Mitaa wa Kigogo Mkwajuni Mhe. Ibrahim Gogo akiongea na Vyombo vya Habari punde tu baada ya kushiriki katika zoezi la Usafi.

Kwaupande wake Mjumbe wa Serikali ya Mtaa wa Kigogo Mkwajuni Mh. Ibrahimu Gogo amefurahishwa na kitendo cha Waislamu Shia Ithnasheriya kufanya Usafi katika eneo lao kwa kuadhimisha Siku ya Kifo cha Imam Hussein (a.s).

“Sisi kama Watendaji, sisi kama watu wenye dhamana kusimamia hii serikali katika mtaa wetu, tumeona tuungane nao, tuwe nao pamoja kwasababu wanafanya jambo la Kijamii ni jambo kubwa, licha ya kuwa wanaadhimisha Kifo cha Imam Hussein (a.s) wameona tushirikiane katika kusafika maeneo ya mtaa wetu” Mhe. Gogo.

Watanzania watakiwa kuwa Wakweli na Watii baada ya Mwezi wa Ramadhani | Maulana Sheikh Jalala

Kiongozi Mkuu wa Waislamu Shia Ithnasheriya Tanzania Maulana Sheikh Hemed Jalala akiongea na Waandishi wa Habari punde tu baada ya Swala ya Eid al Fitir, katika Viwanja vya Pipo Kigogo Dar es salaam.

Kiongozi Mkuu wa Waislamu Shia Ithnasheriya Tanzania Maulana Sheikh Hemed Jalala amewataka Watanzania kuwa wakweli, watii, wasikivu, wapenda amani na wenye kupendana na kuelewana ikiwa ni mwendelezo wa athari iliyopatiana katika mwezi Mtukufu wa Ramadhani.

“Baada ya kumalizika Mwezi wa Ramadhani tuwe Watanzania Wakweli, tuwe watanzania wenye Utii, tuwe ni watanzania wenye usikivu, tuwe ni watanzania wenye kupendana, tuwe ni watanzania wenye kuelewana, hayo yote ni maelekezo yaliyoko ndani ya Qur’an”

Maulana Sheikh Jalala amesema hayo wakati akiuongea na waandishi wa Habari katika kutoa Salamu za kheri na fanaka baada ya Swala ya Eid al Fitiri, iliyoswaliwa katika Viwanja vya Pipo Kigogo jijini Dar es salaam.

Aidha Maulana Sheikh Jalala amesema kuwa Tumeona ndani ya ardhi yetu ya Tanzania ndugu zetu wakristo wakiandaa futari wakiwaalika waislamu, wakikaa meza moja wachungaji, Maaskofu na Masheikh pamoja na Waislamu wengine hii ni dalili nzuri yakuonyesha upendo na Mshikamano. Kama tulikuwa tunakaa waislamu na wakristu tukifuturu pamoja katika mwezi mtukufu wa Ramadhani, haya ni malezi yanatakikiana yaendelee baada ya mwezi mtukufu wa Ramadhani”

Mjumbe wa Baraza la Ulamaa wa Jumuiya ya Waislamu Shia Ithnasheriya Tanzania (T.I.C) Sheikh Mulaba Swalehe akiongea na Waandishi wa Habari jijini Dar es salaam 

Kwa upande wake Mjumbe wa Baraza la Ulamaa wa Jumuiya ya Waislamu Shia Ithnasheriya Tanzania (T.I.C) Sheikh Mulaba Swalehe amesema kuwa lengo la Mwezi wa Ramadhani ni watu kuwa Wachamungu utakaopelekea Binadamu kuishi kwa amani na Salama katika Ulimwengu.

“Leo tunamshukuru Mungu kwa kukamilisha mwezi wa Ramadhani ambao ulikuwa ni mwezi lengo lake kubwa ni  kufikia Uchamungu, ni wajibu wa kila mmoja kuweza kumsaidia ndugu yake na kumpenda ndugu yake, kwani kwa hali hii ili tuweze kuishi kwa amani na salama katika dunia hii.

Mwisho Maulana Sheikh Jalala amesema kuwa anamuomba Mwenzimungu (swt) upendo tuliokuwanao katika Mwezi wa Ramadhani, Mahusiano mazuri tuliokuwanayo katika mwezi wa Ramadhani kama watanzania, mahusiano haya yazidi kuboreka, yazidi kuendelea, utulivu na amani tuliouonyesha ndani ya Mwezi wa Ramadhani amani hii na utulivu huu namuomba mwenyezi mungu uendelee katika ardhi ya Tanzania katika masiku mengine, Eid njema.

Waumini wa Dini ya Kiislamu wakijumuika pamoja na Waislamu wengine duniani katika kushiriki Swala ya Eid al Fitir, katika Viwanja vya Pipo Kigogo Dar es salaam. 

Waumini wa Dini ya Kiislamu wakiomba dua katika swala ya Eid al Fitir, iliyoswaliwa katika Viwanja vya Pipo jijini Dar es salaam

Natamani Amani ya Tanzania iwepo Palestina na nchi zinginezo | Maulana Sheikh Jalala

Kiongozi Mkuu wa Waislamu Shia Ithnasheriya Tanzania Maulana Sheikh Hemed Jalala akiongea na Waandishi wa Habari katika Matembezi ya Amani ya kuadhimisha Siku ya Kimataifa ya Quds, yaliyoanzia Ilala Boma na kufikizia katika Viwanja vya Pipo Kigogo Dar es salaam.

Kiongozi Mkuu wa Waislamu Shia Ithnasheriya Tanzania Maulana Sheikh Hemed Jalala amewataka watanzania wasikubali kuridhika na Amani walionayo nchini bali na hatimae  wahakikishe amani ya Tanzania inakuwepo katika nchi zinazopakana na  Tanzania ikiwepo nchi ya Palestina.

“Amani lazima tuienzi, na tusikubali tukaiacha hapa hapa Amani hii, lazima tuipeleke kwa wenzetu, lazima tuwaonyeshe wenzetu, lazima tuwaombee Mungu wenzetu wapalestina na sehemu zinginezo wawe na utulivu kama tulionao. Mungu ibariki Tanzania, Mungu ibariki Afrika, Mungu ibariki Palestina, zibariki nchi zote ambazo hazina utulivu na uzipe amani” Maulana Sheikh Jalala.

Maulana Sheikh Jalala amesema hayo wakati wa Matembezi ya Amani ya kuadhimisha siku ya Kimataifa ya Quds, yaliyoanzia katika Viwanja Ilala Boma na kufikizia Viwanja vya Pipo Kigogo Dar es salaam pamoja na kuhudhuriwa na Waislamu, Wakristo na Wapenda Amani Tanzania na Ulimwenguni.

Mwenyekiti wa Kamati ya Mshikamano wa Tanzania na Palestina Mhe. Abdallah Othmani akiongea na Waandishi wa Habari Kigogo Dar es salaam.

Kwa Upande wake Mwenyekiti wa Kamati ya Mshikamano wa Tanzania na Palestina Mhe. Abdallah Othmani ameitaka Serikali kuwa Tuinaimba Serikali yetu izidi kupaza sauti juu ya swala la Palestina, wapalestina wametoa mchango mkubwa katika afrika, tusiaache wakiwa, turejee katika maneno ya baba wetu wa Taifa alivyokuwa na msimamo wake juu ya swala ya Palestina, tuhakikishe ndugu zetu wapalestina, tunawaunga mkono kwa hali na mali.

“Hatuna chuki na Waisraeli ni Binadamu kama sisi, ila siasa zile za kupora ardhi, siasa za uvunjifu wa amani wa haki za Binadamu, hilo ndilo tatizo tunalolisitikia, kwahivyo tunamuomba Raisi wetu apaze sauti juu ya jambo hili, ili kuwatizama wapalestina katika jicho la huruma na wao” amesema Mhe. Othmani.

Waumini wa Kiume wa Dini ya Kiislamu wakifanya Matembezi ya Amani ya Kuadhimisha Siku ya Kimataifa ya Quds, Jijini Dar es salaam

Waumini wa Kike wa Dini ya Kiislamu wakifanya Matembezi ya Amani ya Kuadhimisha Siku ya Kimataifa ya Quds, Jijini Dar es salaam

Imam Khomein (r.a) ni Bingwa wa Uislamu na ni Bingwa wa Amani | Sheikh Jalala

Kiongozi Mkuu wa Waislamu Shia Ithnasheriya Tanzania Maulana Sheikh Hemed Jalala  akiongea na Maimamu, Maustadhi na Masheikh katika Semina ya kumbukizi ya Kifo cha Imam Khomein, Masjid Ghadir 02.06.2019,Kigogo Post Dar es salaam

Kiongozi Mkuu wa Waislamu Shia Ithnasheriya Tanzania Maulana Sheikh Hemed Jalala amesema kuwa Imam Khomein (r.a) aliuelewa Uislamu kwamba inawezekana ukaishi katika dunia tuliokuwa nayo maisha yako yote kuwa ni Maisha ya Kiislamu na ukaishi na jamii isiyokuwa ya Kiislamu ikakupenda na ikakusikiliza.

Maulana Sheikh Jalala amesema hayo katika Semina ya Kumbukizi ya Kifo cha Imam Khomein (r.a), Semina ambayo iliwakusanya Maustadhi, Masheikh na Maimam, iliyofanyika Masjid Ghadir, Kigogo Post Dar es salaam.

Maulana Sheikh Jalala amesema kuwa ukijaribu kuisoma historia na Mwenendo wa  Imam Khomein (r.a) na mahusiano yake na watu utaona kuwa ni Bingwa wa Uislamu na Bingwa wa Amani kwani hakuna siku alilingania Ushia, wala Umadhehebu, wala kundi fulani bali alilingania Laailah ilallah, Muhammadun Rasulullah.

Balozi wa Jamhuri ya Kiislamu ya Iran nchini Mhe. Mousa Farhang akiongea na Maustadhi, Masheikh na Maimam katika Semina ya Kifo cha Imam Khomein.

Kwa upande wake Balozi wa Jamhuri ya Kiislamu ya Iran nchini Mhe. Mousa Farhang amesema kuwa Kumbukumbu ya Imam Khomein (r.a) hakumbukwi kwa ukubwa wake bali inakumbukwa Fikra na Mitazamo yake nay ale aliyoyafanya akiwa hai, ili kuyaendeleza kwa Vizazi vijavyo.

Mkurugenzi wa Kitengo cha Utamaduni cha Jamhuri ya Kiislamu ya Iran nchini Mhe. Abbas Farmand akiongea katika Semina ya kumbukizi ya Kifo cha Imam Khomein.

Aidha nae Mkurugenzi wa Kitengo cha Utamaduni cha Jamhuri ya Kiislamu ya Iran nchini Mhe. Abbas Farmand amesema kuwa Maisha ya Imam Khomein (r.a) unaweza kuyaangalia katika sehemu mbalimbali ya Kielimu, Kisayansi, Kijamii na Kisiasa, katika Maswala ya Kifamilia utaona hana mfano.

Masheikh, Maimam na Maustadhi waliohudhira katika Semina ya Kumbukizi ya Kifo cha Imam Khomein, Dar es salaam.

Wajane watakiwa kuwa Wajasiliamali na kuchangamkia Fursa

Kiongozi Mkuu wa Waislamu Shia Ithnasheriya Tanzania Maulana Sheikh Hemed Jalala akizungumza na Wajane takriban 350 wa kata ya Kigogo katika Futari ya pamoja  wakati wa kuadhimisha kumbukumbu ya Kifo cha Bi Khadija (a.s) Mke wa Mtume Muhammad (s.a.w.w), iliyoandaliwa na Kitengo cha Kinamama wa Chuo cha Imam Swadiq (a.s), iliyofanyika Masjid Ghadir Kigogo Post Dar es salaam. 

Kiongozi Mkuu wa Waislamu Shia Ithnasheriya Tanzania Maulana Sheikh Hemed Jalala amewataka Wajane kujishugulisha kwa kufanya Biashara mbalimbali za kujiletea maendeleo na kutokata tama ya maisha kwasababu wanae kiigizo ambaye ni Bi Khadija Mke wa Mtume Muhammad (s.a.w.w).

 “Kitendo cha Bibi Khadija (a.s) kujishughulisha kufanya Biashara, kuwa Mjasiliamali, kufanya harakati za uzalishaji ni dalili tosha na ni kiigizwa tosha cha kwamba Mwanamke Mjane, kumbe anaweza kuwa mjasiliamali, kumbe anaweza kujifanyia Biashara zake ndogondogo, na kuendesha Maisha yake na watoto alioachiwa na mwenzake” alisema Sheikh Jalala

Akizungumza Jana na Wajane takriban 350 wa kata ya Kigogo katika Futari ya pamoja  wakati wa kuadhimisha kumbukumbu ya Kifo cha Bi Khadija (a.s) Mke wa Mtume Muhammad (s.a.w.w), iliyoandaliwa na Kitengo cha Kinamama wa Chuo cha Imam Swadiq, iliyofanyika Masjid Ghadir Kigogo Post Dar es salaam.

Aidha Sheikh Jalala amewataka Viongozi wa Dini kutumia Misikiti na Makanisa kuwa ni sehemu ya kuwakusanya wajane na Watanzania bila kujali dini zao kufanya hivyo ni kujenga Amani, Upendo, Umoja na Mshikamano, Misikiti na Makanisa isitumike kuwagawa Wajane na Watanzania.

“Leo hii wamekusanyika wajane pasina kubagua dini zao, wajane waislamu wako hapa, wajane wakristo wako hapa, ni somo nzuri na la kupendeza kwamba Misikiti yetu, Makanisa yetu yawe ni Sehemu ya kuwakusanya Waislamu, yawe ni sehemu ya kuwakusanya Wakristo na waka Misikiti yetu na Makanisa yetu yasiwe ni nyumba ya kuwagawa watanzania wetu” Alisisitiza Sheikh Jalala

Mkurugenzi wa Mtendaji wa Sadeline Heath Care Trust Mhe Sara Emmanuel  akizungumza na Wajane takriban 350 wa kata ya Kigogo katika Futari ya pamoja.

Nae Mkurugenzi wa Mtendaji wa Sadeline Heath Care Trust Mhe Sara Emmanuel amewataka Wajane kujiandisha na kuwa wanachama  kwenye Chama cha Wajane Tanzania (TAWIA) kwani  kuna fursa nyingi, ukishakuwa mwanachama kule Miradi mingi ambayo Serikali inatoa inapita kule na fursa nyingi zinapita kule” Alisema Sara Emmanuel

Mwenyekiti wa Chama cha Wajane Tanzania (TAWIA) Mhe. Mariam Aswile na wajane wenzake katika futari ya pamoja.

Kwa upande wake Mwenyekiti wa Chama cha Wajane Tanzania (TAWIA) Mhe. Mariam Aswile amewatka wajane kutolala na kuhuzinika badala yake wamtumikie Mungu, kujitoa na kuchichangaya na wajane wenzie ili kutafuta fursa mbalimbali ambazo zitasaidia Ujane kuwa mwepesi katika maisha ya kila siku.

 “Napenda kusema kwamba, Wajane kama tumevyosikia somo la Ujasiliamali kwamba tusilale, tukakaa, tukaendelea kuhuzunika, ila tunapidi  kumtumikia Mungu, kujitoa na kujichanganya kama leo tumevyojichanganya mambo yetu yatakuwa ni Rahisi zaidi, hata huo Ujane utakuwa ni Mwepesi” Alisema Aswile.

Mjumbe wa Kamati Tendaji ya Jumuiya ya Waislamu Shia Ithnasheriya Tanzania (T.I.C) Sheikhat Fatma Mwiru (kulia) ambae pia ni Mwanaharakati Kitengo cha Kinamama cha Hawzat Imam Swadiq (a.s) akiwa katika Semina pamoja na futari ya Wajane kwa kumbukumbu ya Kifo cha Bi Khadija (a.s).

Afisa Mtendaji wa Kata ya Kigogo Mkwajuni Mhe. Raphael Mchomvu akiongea na Wajane (hawapo pichani ) katika futari ya pamoja ikiwa ni kumnukumbu ya Kifo cha Bi Khadija (a.s) Mke wa Mtume Muhammad (s.a.w.w),.